ညဘက် ကျော်စွာနဲ့ ဥက္ကာထွန်းတို့ရဲ့ အခန်းဝရံတာမှာ လေလေးတဖြူးဖြူး. .
ကိုအသေးလေးက ဂစ်တာသယ်လာခဲ့သည်မို့ ကျွန်တော်တို့အရက်ဝိုင်းက အလွန်သာယာသည်။
လရောင်လေးအောက်မှာ သီချင်းလေး တစ်ပိုဒ် နှစ်ပိုဒ်လောက် ဝိုင်းဆိုလိုက်ကြ
တခွက်တဖလားစီ မော့လိုက်ကြ အလာပသလာပ ပြောလိုက်ကြနှင့်
လူငယ်ဘ၀ တကယ့်အနှစ်သာရတွေကို ခံစားနေရသည်။
ဒီလိုမျိုး အပေါင်းအသင်းတွေ သိုက်သိုက်ဝန်းဝန်းနဲ့ မပျော်ရတာ ကြာပါပြီ. . ။
"မင်း စော်နဲ့ ဘယ်လိုဖြစ်လို့ ပြတ်သွားရတာလဲကွာ"
'ကျွန်တော့်စော်က ကျွန်တော့်ကို အရမ်းရစ်တယ်ဗျာ. .။ အမြဲတမ်းလည်း သူနဲ့တွေ့လိုက်တိုင်း စကား ၃ ခွန်းလောက်ပြောလိုက်တာနဲ့ ကွိုင်ထရှာပြီ. . ။'
"ဟာ. . အဲလိုကြီးလား"
'ဟုတ်တယ်ဗျာ. . .အခုလည်း ဒီခရီး ကျွန်တော် အကုန်စီစဉ်ပြီးပါပြီ. .. လေယာဉ်လက်မှတ် တွေတောင် ဝယ်ပြီးပါပြီဆိုမှ မသွားနဲ့ ဖျက်လိုက်တဲ့. .'
"ဟာ ဒါတော့ ဟုတ်တာပေါ့ ညီလေး. . သူက နားလည်မှုမရှိတာ. ."
'ကျွန်တော်လည်းဗျာ. . ဒီလောက်အကြာကြီးကို တွဲလာခဲ့ပြီးမှ သည်းခံပြီး အတတ်နိုင်ဆုံး ညှိ့ယူခဲ့ပါသေးတယ်။ ဒါပေမယ့် သူက ပြတ်တဲ့စကား သူအရင်ပြောလာတာ. .'
"အေးကွာ. .ဒါမျိုးကြီးဆိုရင်တော့ ပြတ်လိုက်တာ ပိုကောင်းတယ်ကွာ. . ငါတို့ဆိုလည်း ကျောပူတာပဲ ခံနိုင်မယ် နားပူတာ မခံနိုင်ဘူးကွ"
'အကိုတို့လည်း သိပါတယ်. . ကျွန်တော် တော်ရုံတန်ရုံ မိန်းကလေးကိစ္စဆို အတတ်နိုင်ဆုံး လက်ရှောင်တာများတယ်။ ကျွန်တော် ကိုယ့်ဘာသာကိုယ်နေတာ။ ကျွန်တော် သူများတွေလို စော်ရှုပ်တဲ့ကောင်လည်း မဟုတ်ဘူး။ လောင်းကစားသမားလည်း မဟုတ်ဘူး။'
YOU ARE READING
စာမျက်နှာသစ် (Myanmar Unicode + Zaw Gyi)
Romanceကိုယ့်ချစ်သူက ကိုယ့်ကို လက်ထပ်လာမယ့်နေ့ကို စောင့်နေတဲ့သူမ . နှစ်တွေ လတွေသာ ကြာလာပေမယ့် အခုထက်ထိ ခြေချုပ်မမိချင်လို့ လက်မထပ်ချင်သေးတဲ့ ကောင်လေး. . . အချိန်တွေ ကြာလာလေ တဖြည်းဖြည်းဝေးလာလေ ဖြစ်လာရတဲ့ သူတို့ရဲ့ ကံကြမ္မာက ဘယ်လိုအဆုံးသတ်မှာလဲ
