ဒါပေမယ့် သိပ်မကြာပါဘူး။
ထမင်းစားလို့လည်းပြီးရော . .သက်လျာက ကျွန်တော့်ကို အဲ့ဒီ့စားသောက်ဆိုင်နားက ရေတံခွန်သေးသေးလေးနားမှာ ဓါတ်ပုံရိုက်ချင်လို့ဆိုပြီး ဓါတ်ပုံရိုက်ခိုင်းတယ်။
ကျွန်တော်ကလည်း ဓါတ်ပုံရိုက်ပေးပါတယ်။
ကျွန်တော့် ဘေးနားကို အဲလက်စ်ကလာပြီး သက်လျာရဲ့ ဓါတ်ပုံကို ထိုင်ရိုက်လိုက်တယ်။
ကျွန်တော်စိတ်တိုသွားတာပေါ့. .။
'ဟေ့ရောင် ဘာလုပ်တာလဲ'
အဲလက်စ်က ကျွန်တော့်ကို ဘာမှပြန်မဖြေပဲ ပြုံးပြုံးလေးနဲ့ သက်လျာကို ဖုန်းထိုးပေးလိုက်တယ်။ သက်လျာက ပြုံးသွားပြီး
"ဟယ် . . ကိုအဲလက်စ် ဖုန်းကင်မရာက ကောင်းလိုက်တာ. .ဘာမော်ဒယ်လဲ"
ကျွန်တော် စိတ်မရှည်သော လေသံဖြင့်. .
"အကို့ဟာလဲ အတူတူပဲလေ. .နောက်ဆုံးမော်ဒယ် ဝယ်ထားတာပဲ" ပြောပြောဆိုဆိုနှင့် ကျွန်တော့် ဖုန်းရဲ့ နောက်ကျောကို လှန်ပြလိုက်သည်။
'ကင်မရာကောင်းတာထက် ရိုက်ပေးတဲ့လူက angle ယူတပ်ဖို့လိုသေးတယ် သက်လျာရဲ့'
အဲလက်စ်က သက်လျာကို ပြုံးပြုံးကြီး စိုက်ကြည့်ကာ ပြောလေသည်။
သက်လျာက မီးဆိုင်းတွေအောက်ကို လက်ညှိုးထိုးပြပြီး. .
"ကိုအဲလက်စ် အဲ့တာဆို ညီမကို ဟိုအောက်မှာ ထပ်ရိုက်ပေးအုံး"
ကျွန်တော် ဘာမှ ပြောချိန်မရလိုက်ခင်မှာပဲ သူတို့နှစ်ယောက် မီးဆိုင်းတွေအောက်ကို ရောက်သွားကြသည်။
သက်လျာဆိုတဲ့ ဟာမလေးကလည်း ဓါတ်ပုံကောင်းကောင်းရိုက်ပေးမယ့် ကောင်နဲ့ တွေ့တာနဲ့ အမြှီးလေးနံှ့ပြီးတော့ကို ပြေးသွားတာ. .
ဟိုအကောင်ကြီးကလည်း ယောကျာ်းတန်မဲ့ အပြန်အလှန်ပဲတွေပေးပြီး သူ့ဓါတ်ပုံကို မိန်းကလေးကို ပြန်ရိုက်ခိုင်းတယ်။
YOU ARE READING
စာမျက်နှာသစ် (Myanmar Unicode + Zaw Gyi)
Romanceကိုယ့်ချစ်သူက ကိုယ့်ကို လက်ထပ်လာမယ့်နေ့ကို စောင့်နေတဲ့သူမ . နှစ်တွေ လတွေသာ ကြာလာပေမယ့် အခုထက်ထိ ခြေချုပ်မမိချင်လို့ လက်မထပ်ချင်သေးတဲ့ ကောင်လေး. . . အချိန်တွေ ကြာလာလေ တဖြည်းဖြည်းဝေးလာလေ ဖြစ်လာရတဲ့ သူတို့ရဲ့ ကံကြမ္မာက ဘယ်လိုအဆုံးသတ်မှာလဲ
