အိပ်ရာထဲမှာ မျက်လုံးပြူးရင်း မနေ့ညက အကြောင်းများ တစ်စတစ်စ ပြန်လည်မြင်ယောင် လာမိသည်။
မဖြစ်တော့ဘူး. .ယု ဒီအတိုင်းကြီး ဘယ်လိုမှ ဆက်မနေနိုင်တော့ဘူး။
'ဦးငယ်'. . . . အသံစူးစူးဖြင့် ထအော်လိုက်မှ ဦးငယ် နိူးသွားသည်
"ဟင်.. "
ထိုအခါမှ ယုလည်း သူ့လက်ထဲက ရုန်းထွက်ခါ . .ရေချိုးခန်းထဲ ဝင်ပြေးသွားလေသည်။
၁၀ မိနစ်ခန့်ကြာသော်. .
ယုနှင့် ဦးငယ်တို့ စကားကောင်းကောင်း ပြန်လည်ပြောဆိုနိုင်သော အခြေအနေတစ်ခုကို ပြန်ရောက်လာပြီ.
အဝတ်အစားများလည်း ပြန်ဝတ်ပြီးကြပြီ. .၊ အသိတရားများလည်း ပြန်ရ၍ .
'ဦးငယ်. . . ယုကလေ. .အဲလို မိန်းကလေးမျိုးမဟုတ်ဘူး. .။
ယု အဲလိုမျိုး လုံးဝမဟုတ်ဘူး။
ဒါပေမယ့် ဦးငယ်ထင်ချင်ရာ ထင်လို့ရတယ်. .။ ဒီကိစ္စကိုလည်း မသိချင်ယောင်ဆောင်ပြီး မေ့လိုက်လို့ရတယ်. .။
ယုဘာမှ ပြဿနာမရှာပါဘူး. .။ ဒီအတိုင်း . .'
"ကျွန်တော်ကလည်း ယုထင်သလိုလူမဟုတ်ဘူး. . ။
ကျွန်တော်လည်း တွေ့ကရာမိန်းကလေးနဲ့ လိုက်အိပ်တတ်တဲ့လူမဟုတ်ဘူး။
အခုယုပြောနေတဲ့ပုံက ဒီလိုတွေ ဖြစ်ပြီးမှ မသိချင်ယောင်ဆောင်ပြီး မေ့လိုက်ရအောင် ဆိုတော့
ကျွန်တော်ကပဲ မိန်းကလေး တစ်ယောက်ကို စားပြီးနားမလည် ကျောရရုံ ကြံတတ်တဲ့လူတစ်ယောက်လုံးလုံးဖြစ်နေပြီဗျ.. "
'ယု စကားထဲမှာ ဦးငယ်ကို ကျောရရုံကြံတတ်တဲ့လူလို့ တစ်ခွန်းမှ မပါဘူး'
"ဟာ မပါပေမယ့် အဓိပ္ပာယ်ကတော့ အဲလိုမျိုး သက်ရောက်သွားတယ်လေ"
ဦးငယ်က စအော်တော့. . ယုလည်း မျက်စေ့ဆုံမှိတ်ပြီး ပြန်အော်. .။
YOU ARE READING
စာမျက်နှာသစ် (Myanmar Unicode + Zaw Gyi)
Romanceကိုယ့်ချစ်သူက ကိုယ့်ကို လက်ထပ်လာမယ့်နေ့ကို စောင့်နေတဲ့သူမ . နှစ်တွေ လတွေသာ ကြာလာပေမယ့် အခုထက်ထိ ခြေချုပ်မမိချင်လို့ လက်မထပ်ချင်သေးတဲ့ ကောင်လေး. . . အချိန်တွေ ကြာလာလေ တဖြည်းဖြည်းဝေးလာလေ ဖြစ်လာရတဲ့ သူတို့ရဲ့ ကံကြမ္မာက ဘယ်လိုအဆုံးသတ်မှာလဲ
