Tell Me Honestly [Complete]

Part 3

"အရှင် မယ်တော်ကြီး ရောက်လာပါတယ် "

ညီလာခံသွားရန် ပြင်ဆင်နေတဲ့
ရှင်ဘုရင်ဆီကို ဘေးအပါးအမြဲခစားတဲ့ အထိန်းတော်ကြီးက သတင်းပို့တယ်

ရှင်ဘုရင်ရဲ့မျက်နှာတော်မှာ မဲ့ပြုံးလေးထင်ဟပ်လာတယ်
မယ်တော်ကြီးရောက်လာရတဲ့ အကြောင်းအရင်းကို ရိပ်စားမိနေပြီးသားမို့

"ဝင်ခိုင်းလိုက်..... "

အရှင့်ရဲ့ အမိန့်သံတောင်မဆုံးသေး
တံခါးအား တွန်းဖွင့်လို့ ဝင်လာတဲ့ မယ်တော်ကြီးက အရှင့်အား ဂရုမစိုက်သလိုပြုမူပြနေသည်မို့ အထိန်းတော်ကြီးတို့မှာ မျက်ခုံးတလှုပ်လှုပ်
အရှင်နဲ့မယ်တော်ကြီကြားက အားပြိုင်မှုကို တွေ့ရအုံးမှာ မလား

"မင်းကြီး ဘယ်လို လုပ်လိုက်တာပါလဲ
မနေ့ညက မိဖုရားဆောင်ကို မကြွမြန်းခဲ့ဘူးဆို
ဒါက မိဖုရားရဲ့ သိက္ခာကို ချလိုက်သလိုပါပဲ "

"မယ်တော်ကြီးက သတင်းစုံတာပဲ
ဒီအတွက်စိတ်မပူပါနဲ့
သားတော်မှာ တိုင်းပြည်ရေးရာတွေ ဖြေရှင်းစရာများနေလို့
မိဖုရားဆောင်ကို မသွားနိုင်ခဲ့တာပါ "

"ဘာပဲဖြစ်ဖြစ် မဂ်လာနေ့မှာတော့ မိဖုရားကို ပစ်မထားသင့်ပါဘူး
မိဖုရားကို ပိုပြီးဂရုစိုက်ပေးပါ
ဆက်ခံသူမွေးပေးမယ့်သူပါ"

"တိုင်းပြည်ရေးထက် မိဖုရားကို ပိုအရေးပေးသင့်မှန်း သားတော်မသိလိုက်လို့ပါ
ပိုပြီး ဂရုစိုက်ပေးလိုက်ပါ့မယ် "

အရှင့်ရဲ့ စကားကြောင့် မယ်တော်ကြီးမှာ မျက်နှာပျက်ကျသွားသည်
အရှင့်ရဲ့ဟာကွက်ကို လာပြီးထိုးနှက်ကာမှ
အရေးနိမ့်ရတာကြောင့် မယ်တော်ကြီးမှာ စိတ်ဆိုးဆိုးနဲ့ လှည့်ပြန်သွားလေသည်

"စိတ်တိုင်းကျ မိဖုရားတင်မြှောက်ပြီးတာတောင် မကျေနပ်သေးဘူးကိုးးး"

ဝမ်ရိပေါ်ဟာ တစ်ကိုယ်တည်းရေရွတ်ရင်း
မယ်တော်ကြီးအား သရော်မိသည်မယ်တော်ကြီးဟာ သူ့ရဲ့ သားတော်အရင်းအား
ဘုရင်မတင်မြှောက်ရ၍ သူ့အပေါ် မကျေနပ်မှန်း ဝမ်ရိပေါ်ကောင်းကောင်းသိသည်

ခက်တာက မယ်တော်ကြီးလောဘကြီးသလောက် အကိုတော် မင်းသားကြီးက
ပလ္လင်ကို ခေါင်းရှောင်ထားသည်လေ