Tell Me Honestly [Complete]

Part 13

အရှင့်ရဲ့ အစေခံ အလုပ်က ရှောင်းကျန့်ထင်သလို ပင်ပင်ပန်းပန်းမဟုတ်
အရှင်သွားသမျှနောက် ပတ်လိုက်နေရုံလောက်သာ ဖြစ်သည်

ယခုလည်း တရားရေးရာအမတ်ကြီးနဲ့ အရှင်နဲ့တွေ့ဆုံနေတာမို့
အထိန်းတော်ကြီးတို့နဲ့အတူ ခပ်လှမ်းလှမ်းမှ
စောင့်ပေးနေရုံသာဖြစ်လေသည်
အထိန်းတော်ကြီးကတော့
တရားရေးရာအမတ်ကြီးက အရှင့်မယ်မယ်ရဲ့
အကိုရင်းချာဖြစ်ကြောင်း
နားနားကပ်ကာပြောပြပေးနေပေမယ့်
ကိုယ့်ကိစ္စမှ မဟုတ်တာလေ
တစ်သက်လုံး အစေခံလုပ်မှာမှ မဟုတ်တာ

"အရှင်က ရှောင်းအမတ်ရဲ့ သားနဲ့တောင် ရင်းနှီးနေကြပြီပဲ "

ဝမ်ရိပေါ်က သူ့ရဲ့ဦးရီးတော် ပြောတာကို
ငြင်းဆန်လိုက်တယ်

"သိရုံလောက်ပါပဲ "

"အဲ့ကလေးက သိပ်အနေအေးတာ
အရှင်ရဲ့ ရှောင်းအမတ်သာ
ဦးကြီးရဲ့ မိတ်ဆွေမဟုတ်ရင်
အဲ့ကလေးကို မြင်ဖူးမှာတောင်မဟုတ်ဘူး "

"ရှောင်းအမတ်က ဦးရီးတော်ရဲ့ မိတ်ဆွေလား
ပထမဆုံးကြားဖူးတာပဲ "

"စကားမဆက်မိတာဖြစ်လိမ့်မယ်
ရှောင်းအမတ်က အရှင့်ရဲ့ အမတ်တွေထဲမှာ အဖြောင့်မတ်ဆုံးလို့တောင် ပြောရမလား
သိပ်ရိုးအေးတဲ့လူ
ဒါကြောင့် အရှင်သတိမထားမိတာနေမယ်
အရှင်နဲ့တွေ့တိုင်း ဂုတ်သွေးဆုပ်နေတဲ့ အမတ်တွေကြောင်းပဲ စုံစမ်းပေးဖြစ်တာဆိုတော့ "

"အဲ့လိုလား ကျွန်တော် ကြားရသလောက်ကတော့ အမတ်ချုပ်ရဲ့မိတ်ဆွေရင်းတဲ့ "

"ရှောင်းအမတ်ကိုတော့ လုံးဝအာမခံတယ် အရှင် "

"ဦးရီးတော်တောင် အာမခံနေပြီပဲ
သေချာပေါက် စိတ်ချရတဲ့သူဖြစ်မှာပါ "

ဝမ်ရိပေါ်ထင်တာမှန်နေတာပဲ
အဲ့ဒီပျာပျာယာယာလေးက မကောင်းတဲ့သူ
မဟုတ်နိုင်ဘူးဆိုတာ
ဦးရီးတော်ပြောမှပဲ
ရှောင်းသခင်လေးအပေါ် သံသယတွေ လုံးလုံးလျားလျားပျောက်တော့တယ်
ဒီလိုဆို အနားထားပြီး စစ်ဆေးနေစရာတောင်မလိုတော့ဘူး

"ကျေးဇူးတင်ပါတယ် ဦးရီးတော် "

နေရင်းထိုင်ရင်း ဘာအတွက်ကျေးဇူးတင်ခံလိုက်ရမှန်းမသိတဲ့ တရားရေးရာအမတ်ကြီးကတော့ တွေးစရာရသွားလေရဲ့