Tell Me Honestly [Complete]

Part 9

"အဲ့တာ ဘာလိုက်ရှုပ်မှာလဲ"

ရှောင်းကျန့် ရုတ်တရက် ဖခင်ဆီမှ အဆူခံလိုက်ရတဲ့ ခံစားချက်မျိုးရလိုက်တာကြောင့်
အရှင့်အား ဘာပြန်ဖြေရမှန်းမသိ
ဘေးနားကြည့်မိတော့ မျက်လုံးထဲ မင်းသားကြီးကိုမြင်သည်မို့
မင်းသားကြီးကိုသာ အကြောင်းပြမိသည်
အရှင့်ကို ရှိန်တာထက် ကြောက်ရတဲ့ အဆင့်ကို ရောက်နေပြီ

"မင်းသားကြီးက အကူအညီလိုတယ်ဆိုလို့ "

သူ့ရဲ့ အဖြေကြောင့်အရှင်က မင်းသားကြီးဆီ အကြည့်ရောက်သွားလေသည်
မင်းသားကြီးက သူ့ဘက်ကမို့သာ တော်တော့သည်

"ဟုတ်တယ် ရှောင်းသခင်လေးက ကျွန်တော်ခေါ်လို့ လိုက်လာတာပါ "

ရှောင်းကျန့်က မင်းသားကြီးအား ကျေးဇူးတင်တဲ့အကြည့်နဲ့ကြည့်လိုက်တော့ မင်းသားကြီးက မျက်စိတစ်ဖက်မှိတ်ပြသည်
မျက်နှာရွှင်တဲ့ ကျေးဇူးရှင်ကြီး

အရှင်ကတော့ သဘောကျပုံမရ
မျက်နှာအနေအထားက တော်တော်လေး မနှစ်မြို့ကြောင်းပြသည်

"ဒါဆိုလည်း သွားစို့ ကိုယ်တော်ပါလိုက်မယ်
အခြေအနေကြည့်ရအောင် "

ဒီလိုနဲ့ ရှောင်းကျန့်ဟာ အရှင် မင်းသားကြီးတို့နဲ့အတူ လှေတစ်စီးတည်း လိုက်ပါရသည်မို့ ကျောက်ရုပ်လေးချထားသည့်အတိုင်း
နဂိုစီစဥ်ထားတဲ့ လူတွေကို လှေအလွတ်တွေပေါ်တင်ပေးမယ့် အစီစဥ်ဟာ
အရှင့်ရဲ့အကြည့်စူးစူးအောက်မှာပျောက်ကွယ်လို့

မင်းသားကြီးကတော့ နေအိမ်မစွန့်တဲ့ လူတွေဆီ လှော်တပ်လေးနဲ့ ရိက္ခထုပ်လေးတွေကမ်းနေသည်
ရှောင်းကျန့်လည်း ကြည့်ရင်း လုပ်ကြည့်ချင်မို့ အရှင့်အရိပ်အကဲက လွတ်သည်နှင့် မင်းသားကြီးနားကပ်ကာ

"ကျွန်တော်လည်း လုပ်ကြည့်လို့မရဘူးလား "

မင်းသားကြီးက ေရှာင်းကျန့်တစ်ခါပြောရုံနဲ့ရသည်
အဲ့လိုသဘောကောင်းတာ
တစ်ချို့တစ်ချို့တွေနဲ့တော့ တော်တော်လေးကွာသည်

မင်းသားကြီး ကမ်းပေးလာတဲ့ လှော်တပ်ဟာ ရိက္ခာထုပ်လေးချိတ်ပြီးသားဖြစ်သည်
ယူမယ့်လူကလည်း ဝမ်းသာအားရလက်ကမ်းသည်မို့ ေရှာင်းကျန့်က လှော်တပ်ကို ထိုလူ့ဆီ ထိုးပေးလိုက်သည်
သို့သော် ယူမယ့်သူက မမှီ
ရှောင်းကျန့်လည်း အားမလိုအားမရ ဖြစ်ကာ မတ်တပ်ရပ်ပြီး ကမ်းပေးလိုက်တော့
အဆင်ပြေသွားသည်
ကျေနပ်ပီတိဖြာသွားတဲ့ ရှောင်းကျန့်ဟာ
သတိလက်လွတ်ထိုင်ချလိုက်တာ
အရှင့်ပေါင်ပေါ်ဖြစ်သည်