Love Me Like You Do || Complete || ✅

ආදරේ...

උදේ මට ඇහැරුණේම බඩ කැලැත්තීගෙන එන වමනෙ පාරට වෙනකොට මං වොශ්රූම් එකට දිව්වෙ මගදිගට වැටි වැටී.. ඇඟට දැනුනු අමාරුවටම කම්මුල් තෙමන් උණුවට ගලන කඳුළු මැද්දෙන් මං පුරුදු තාලෙට කොමඩ් එකට එබීගෙන ඊයෙ රෑ තිස්සෙ කාපු බීපුවා අඩුවක් නැතුවම වැමෑරුවා...

අනේ මට අමාරුයි රත්තරන්.. අද කවදාවත් නැති තරම්ම අමාරුයි... එයාගෙ රූපෙ ඇස් ඉස්සරහා මැවි මැවී පේද්දි මට මාවවත් වාරු නැතිවෙනකොට දැනෙන කැරකිලි ගතිය මගෑරගන්න මං කොමඩ් එක උඩ එහෙමම ඔලුව ගහගත්තා..

මේ පේනමානෙම ඔයා ඉදලත් අද මට කවුරුත් නැද්ද වස්තුවේ.. අදත් මං තනියම මේ දුක උහුලන්න ඕනෙද දෙයියනේ?? වමනෙ ගිහින් ගිහින්ම යාගන්න දෙයක් නැතුව තද කහ පාටට පිතත් යද්දි අඬාගන්නවත් හයියක් නැතිකමට මං යන්තම් යන්තම් කෙඳිරිලි තිබ්බා...

අනේ ඇයි මේ.. බෑ මට තවත්නම් බෑ... තව මාස කීයක්ද? මං තව කොච්චරකල් උහුලන්න ඕනෙද රත්තරන්.. මේ තව මුලනෙ දෙයියනේ...

මට ඇඬුනා.. ඇගටත් වඩා හිත වේදනා දෙද්දි.. එයාගෙ සුවඳ එයාගෙ පහස.. ඒ හාදු ඕනෙ වෙද්දි අනේ මට කෑගැහිලම ඇඬුනා... ඔයා ලඟ හිටියනම් මෙච්චර වේදනාවක් නෑනෙ කියලා උඩු හිත හූල්ල හූල්ල කෑගහද්දි මෙච්චරකල් එයා නැතුවත් මං මේ සේරම ඉහිලුවනෙ කිය කියම යටිහිත කෑගැහුවා..
ඇයි දැන් බැරි... ඇයි මේ හිත මෙච්චරම මුරණ්ඩුවෙලා රත්තරන්.. මගෙ හිත මටවත් වාරු නෑ දෙයියනේ...

"ම්හ්හ්... අනේ හ්‍යොං..හ්"

බැරිම තැන ජින් හ්‍යොංටවත් ඇහෙයි කියලා හිතාගෙන මං දිගටම කෙඳිරිලි තිබ්බා.. ඒ එක කෙඳිරිල්ලක්වත් මටවත් නෑහෙන තරමෙ වෙනකොට පුපුරන්න තරම් රිදෙන ඔලුව ඔහේ කොමඩ් එකට ගහගත්තු මං ඕනෙවටත් වඩා කඳුළු පෙරුවා..

"ෂ්... ඉට්ස් ඕකේ.. අඩන්න එපා.. අඬන්න එපා රත්තරන්.."

අනේ ඇවිත්නෙ.. අන්තිමට එයා ඇවිල්ලා.. මාව හරි පරිස්සමට පපුව මැද්දට වාරු කරගත්තු එයා එක සීරුවට නළල ඉඹින ගමන් හරි ආදරෙන් මගෙ පපුව දිගටම අතගෑවා..

"රිදෙනවද මගෙ මැණිකට.. හරි රත්තරනේ හරී... ඔහොමම දාන්න.. මං ඉන්නවනෙ.. අඬන්නෙපා... මේ මං ඔයා ලඟම ඉන්නවා.."