Love Me Like You Do || Complete || ✅

මං හින්දා...

ජැක්සන් ගියත් හරි එයා එහෙමම අපි දෙන්නව පපුවට තුරුල් කරගත්තා.. මාව ගැහෙනවා දෙයියනේ... වතුරෙන් ගොඩදාපු මාළුවෙක් ගානට ගැහෙනවා...

"අඬන්නෙපා වස්තුව... දරුවටත් හොඳ නෑනෙ.. ඇති... දැන් හරි දැන් හැමදේම හරි.. ම්.."

හුස්මක්වත් ගන්නැතුව එකදිගට අඬන දෝනිව නලවගන්න බැරුව දඟලන මාව හීන්සීරුවෙ පපුවෙන් මෑත්කරපු එයා හරි ලෝබකමෙන් මගෙ කම්මුල් පිහදැම්මා..

කෙල්ලවයි මාවයි දෙන්නවම පපුව අස්සට ඇදිලා එන තරම්ම ආදරේ උතුරන්න ඉඹලා අත්දෙකට වාරුවෙවී බිමදිගේම නෝවා ලඟට ඇදුනා.. ඒ අත් වෙව්ලනවා.. ඔව් වේදනාවට... දරුවෙක් වගේ හදපු සතා වෙඩි කාගෙන මැරිලා වැටුන වේදනාවට.. තිරිසනෙක් අතින් මැරෙන්න ඇරලා බලන් ඉන්න වෙච්ච වේදනාවට...

"මං මැරෙනවා... මං..හ්.. මං ඕකුන්ව මරාගෙන මැරෙනවා... මං හින්දා... මෙයාට මෙහෙම වුණේ මං හින්දා කූ.. අනේ මගෙ කෙල්ල... නෝවා.. නෝවා නැගිටිනවාහ්... නැඟිටපන් රත්තරනේ අනේ උඹ ඔහොම ඉන්න එකෙක් නෙවෙයිනෙ..."

"අප්පා අයි..? නෝවා දොයි අයි??"

දෙයියනේ කෙල්ල අහන ඒවට කෝ රත්තරන් උත්තර?? දෝනි අහලක පහලක ඉන්නවනම් එයත්තෙක්ක පැටලි පැටලි සෙල්ලමටම එන නෝවා අද කිසි හැලහොල්මනක් නැතුව වැටිලා ඉන්නවා දකිද්දි කෙල්ලටත් ඒක අමුතු ඇති..

"නෝවා.. නැඟිටපන්... මේ නූමි කතාකරනවනෙ නැඟිටපන් වස්තුවේ.. අනේ ඇස් ඇරපන්කො.. මොන මුරණ්ඩුකමක්ද මැණික මේ.. ඇයි මේකා මෙහෙම අපිව පණ පිටින් පුච්චන්නෙ..."

ඒ ඇස්වලට අඬන්න කඳුළු මදි වෙන්න ඇති. ඒ තරමටම එයා හීල්ලුවා.. ඒ තරමටම එයා ඇඬුවා... යාන්තමටවත් හුස්මක් නොවැටෙන නෝවගෙ හීතල වේගෙන එන ඇගට වාරුවීගෙන අනේ නොසෑහෙන වෙලාවක් තිස්සෙ එක සීරුවට ඇඬුවා..

"මං කෙලින් හිටියනං මෙහෙම වෙන්නෑ දෙයියනේ මං.. මං අබ්බගාතයෙක් උනේ නැත්තන් මෙහෙම වෙන්නෙ නෑ... ඔව් ඌ කිව්වා හරි මට මුකුත්ම කරගන්න බෑ.. මං මුකුත්ම කරගන්න බැරි අබ්බගාතයෙක්.. මං..හ් මං අබ්බගාතයෙක්...."

එයා හිටියෙ වැටෙන්න පුළුවන් අන්තෙටම වැටිලා.. මොන දේ කොහොම කිව්වත් තේරුම් නොගන්න තරමටම රිද්දගත්තු හිතක් එක්ක ගල් ගැහීගෙන එන නෝවව පපුවට හරි බරට තුරුල් කරගෙන.. මේ විනාඩිගානට එයා සිය පාරකට වඩා නෝවව ඉඹින්න ඇති...