Love at First Touch

Chapter Fifteen

A/N: Hanla, araw araw akong nagugulat mga nakikita nung story saka sa mga nag a add sa reading lists nila!! Anyways, happy 300+ reads. Thank you so much, guys! :)

"GRABE excited na ako, Celeste!!" Tili ni Nadia.

Nag announce na kasi ng intramurals sa school namin. Yun pala yung pinag meetingan nung araw na nagcancel ng klase. Speaking of that day, I remember sleeping in Vyn's shoulder and waking up in my room with a note beside me. Malinis na rin ang condo at wala ng bakas nang mga pinag noodan nila. I smiled just by thinking on what happened two days ago.

"Hoy, ngumingiti ka dyan, ha? Naalala mo na naman si kuya no? Naku, naku! Sinasabi ko na nga ba at crush mo na kuya ko e."

"Hoy, h-hindi kaya!" Tanggi ko pa kahit ramdam ko na pulang pula na ako.

"Sus, wag ako." Inirapan pa ako ni gaga. "Omg, yun yung pogi sa engineering! Naglalaro pala ng soccer yon! Ang pogiii, jusmee!!" Kinikilig na nagtitili pa si Nadia habang may tinatanaw sa field.

"Ewan ko sa'yo, Nadia. Kung sino sino nagiging crush mo. Buti ako.."

"Sa kuya ko may crush." Pagdederetso niya sa sasabihin ko. "You prefered older guys pala ha!"

Vyn is already twenty six years old and I am nineteen. Seven years gap isn't bad, right? Oh, why I am even thinking of that?!

"Ah anyways, uuwi ako mamayang hapon sa bayan namin. Birthday ng kapatid ko sa linggo gusto ko mabisita naman sila kahit papaano." sabi ko sa kaniya.

"Mag isa ka lang uuwi?" tanong niya.

"Oo." sagot ko naman. Wala naman kasi akong ibang isasama. I can't invite any of them at wala naman akong balak.

"Ingat ka. Next week wala naman masyadong klase kasi magiging busy sa intrams na dadating."

Pagkatapos ng klase namin ay dumeretso na ako ng uwi para makapaghanda ako. Alas singko pa dapat ang last class ko ngayon kaso ay wala naman daw turo kaya umuwi na ako. Umalis din kaagad ako pagkatapos ko masigurado na nakalock ang mga pinto.

Nag van na lang ako para mabilis at bumili ng kaunting mapapasalubong sa mga kapatid ko.

"Ate Dianne!!" Sigaw ni Desiree ang bumungad ang sa akin pagkababa ko pa lamang ng van. "Kuyaaa!! Andito si atee!"

Tumatalon talon pa na lumapit sa akin ang kapatid ko at kaagad na dinamba ako ng yakap. Grabe namiss ko ito! Walang lumabas sa kambal marahil ay hindi narinig ang tili ng kapatid namin. Pagkabukas ko pa lamang ng pinto ay naabutan ko na si Alden na naka earphones at naggagawa ng assignments. Nakaharap kasi sa mga notebooks at panay ang sulat. May calcu pa sa gilid. Nang kalabitin ko ang likod niya ay lumingon kaagad siya.

"Des, ano-hala, atee!" Kaagad itong tumayo at tinanggal ang mga earphones para yakapin ako. Sakto rin na lumabas mula sa kwarto si Aldrich at agad din na yumakap sa akin.

"Kamusta ka naman ate?" tanong ni Aldrich.

Magkatulong kaming nagluluto ng para sa hapunan namin. Wala pa sina tiya dahil nasa trabaho pa. Yung dalawa naman ay nasa sala at nangingialam ng mga dala ko.

"Okay lang. Kinakaya ko pa naman ang medtech kasi first year pa lang ako. Kayo kamusta naman dito?" Tinakpan ko ang pinapakuluang adobo.

"Okay lang din ate. Sa school as usual nakapila na naman ang mga competitions naming tatlo. Si Alden may laro pa ng volleyball so medyo magiging busy kami next week."

Humarap ako sa kaniya. "Intrams niyo na ba?"

Tumango naman siya bilang sagot. Naghahain na kami nang dumating sina tiya. Nagulat pa sa nadatnan.