صلوا على الحبيب المصطفى صلى الله عليه وسلم 💚
__________________________________________
" يعني إيه الكلام ده يا حضرة المحامي المحترم ؟ "
نطق بتلك الكلمات و هو في أوج غضبه مما سمعه من المحامي الخاص بالعائلة
" حضرتك دي وصية جدك و أنا مليش ذنب "
كاد أن يرد على تلك الكلمات التي أثارت غضبه و لكن تحدث أخيه الأصغر
" ليه جدي كان اتهبل الوصية دي أكيد مزورة "
" بالظبط إحنا هنرفع قضية في المحكمة و حقنا هناخده و ابقى بل الوصية دي و اشرب مايتها
تنهد المحامي بضيق ثم تحدث و هو يخرج ورقة من درج مكتبه
" تمام حضرتك ممكن ترفع قضية و تشكك في الوصية لكن كمان هتشكك في العقد ده "
" إيه العقد ده ؟ "
" ده عقد تنازل اتنازل فيه جدك عن جميع ممتلكاته و هو في كامل قواه العقلية و فيه شهود و العقد ده موثق في الشهر العقاري و دي نسخة منه تقدر تاخدها و تروح لأكبر محامي في البلد علشان تتأكد من صحة العقد بس أنا بنصحك لو رفعت قضية و خسرتها و ده اللي أكيد هيحصل أنت كده مش هتاخد أي حاجة لكن إذا نفذت الوصية دي حقك محفوظ "
نظر للمحامي بصدمة ثم تحدث بغضب كبير
" حقي إيه ؟ كل ده تعبي أنا اللي كبرت كل الشركات دي جدي كان فين لما رمى كل حاجة عليا و أنا اللي خليت الكام شركة مؤسسة كبيرة لها فروع في جميع دول العالم و بعد ده كله تقولي حقي محفوظ "
" بس متنساش إن كل حاجة كانت بإسم جدك و ده كان قراره فبلاش في لحظة غضب تضيع منك كل حاجة و ياريت تفكر كويس أوي في اللي قولته "
" اللي قولته ده جنان مستحيل يتنفذ و أكيد فيه لعبة حقيرة بتتلعب علينا و أنا مش هسكت "
" لو سمحت حضرتك كده بتغلط فيا و أنا مش هسمح بكده أبدا اتفضل دي نسخة من كل الأوراق تقدر تروح و تتأكد من صحتها و إنها مش مزورة لكن لازم تعرف حاجة مهمة إنك لازم توافق على الكلام ده في خلال عشرة أيام و ده اللي ذكره جدك في الوصية فيا ريت تقرر بسرعة و تبلغني اه أو لأ "
جاء ليتحدث و لكن قاطعه أخوه
" تمام هنفكر و نبلغك "
_____________________________
ده اقتباس كده على الماشي
و إن شاء الله الرواية تنال إعجابكم
انتظروني يوم الإثنين القادم بإذن الله لنخط معا فصول روايتنا و قصة جديدة و عائلات جديدة سنعيش معهم و نتشارك معهم الكثير و الكثير
دمتم بخير وعافية
# تحت وصاية خالتي
بقلمي / سمية محمد
수마이야
YOU ARE READING
تحت وصاية خالتي
Humorقد كنت وحيداً في وسط العائلة و فقدت تلك العائلة و أصبحت وحيداً مرة أخرى فأتيتي انتي لتكوني العائلة فهل ستكونين كذلك أم سأظل وحيداً