عذراً عن التأخير بس النت كان فاصل
_____________________________
صلوا على الحبيب المصطفى صلى الله عليه وسلم 💚
_____________________________
اقترب ممن يفتحون في روحك نوافذ من نور، ويقولون لك أنه في وسعك أن تضيء العالم
- شمس الدين التبريزي
_____________________________
في صباح يوم جديد
كان مهند نائما بعمق ليصدر صوت مرتفع بجانبه جعله يفزع و ينهض بسرعة قائلا بخوف :
" إيه ده ؟ فيه إيه ؟ "
ابتسمت له نادية و تحدثت بود :
" صباح الخير يا حبيب خالتو "
قلب مهند عينيه بضيق و تحدث بغضب :
" فيه حد يصحي حد كده ؟
It's a stupid way to go "
( إنها طريقة غبية )
ابتسمت نادية له :
" صباحك فل يا حبيبي بس النبي عربي لما تعوز تصبح عليا صبح بالعربي علشان افهمك كويس "
نظر لها مهند بسخرية و قد مل منها :
" أوف انتي عايزة إيه ؟ "
جلست نادية على مقدمة السرير بأريحية :
" عايزاك تقوم علشان تفطر يلا "
مهند و هو يفرك عينيه بتعب :
" أفطر ليه هي الساعة كام ؟ "
اغلقت نادية المنبه الذي ما زال يرن و وضعته على الطاولة :
" الساعة سابعة و نص "
ظل مهند يفتح و يغلق عينيه بسرعة و عدم تصديق :
" ايييييييه سابعة و نص !؟ "
نظرت له نادية بتعجب ثم حاولت فهم ملامحه لتردف بجدية :
" معاك حق الوقت اتأخر أوي بس عقبال ما صليت الضحى و نزلت جبت الفطار بس بعد كده أنت و مهاب اللي هتنزلوا تجيبوه خلاص بقى فيه رجالة في البيت و ميصحش إني أنا اللي انزل "
نظر مهند لها بتعجب و سخرية و كأنه حقا سيستيقظ الآن و يحضر الفطور :
" فطار إيه ؟ و سابعة و نص إيه ؟ أنا بصحى الساعة خمسة "
نظرت له نادية بدهشة وتحدثت بفخر :
" ماشاء الله بتصلي الفجر حاضر جدع يا نونو ماشي بعد كده هصحيك خمسة الفجر ولا تزعل "
" بصحى خمسة العصر و بنام خمسة صباحاً "
" إيه ده وردية دي ولا إيه ؟ بتشتغل ١٢ ساعة و تنام ١٢ ساعة طيب بتاكل امتى ؟ "
" وردية إيه بصي أنا أصلا مصدع علشان ملحقتش أنام يلا اطلعي لو سمحتي و اقفلي الباب وراكي "
VOUS LISEZ
تحت وصاية خالتي
Comédieقد كنت وحيداً في وسط العائلة و فقدت تلك العائلة و أصبحت وحيداً مرة أخرى فأتيتي انتي لتكوني العائلة فهل ستكونين كذلك أم سأظل وحيداً
