- صلوا على الحبيب المصطفى صلى الله عليه وسلم
- دعواتكم لأهلنا في فلسطين 🇵🇸
__________________________
" فيه إيه يا باشا ؟ إيه اللي حصل ؟ "
سأل عزيز بتوتر بسبب تلك المكالمة
التي جعلت عبدالعاطي في أوج غضبه
" فيه إني كل مرة بعتمد على عيال
و دي كانت آخر فرصة لكم بس طلعتوا ورق "
" يا باشا إحنا نفذنا تعليماتك "
لم يستطع سراج إكمال جملته بسبب تلك الصفعة القوية التي نزلت على وجهه و جعلت الدماء تسيل من فمه
" نفذت نفذت إيه واضح إنك نفذت و علشان كده مهند أخد إفراج "
" ايييييه ؟ لأ يا باشا مستحيل أنا ظبطت كل حاجة أنا و رامز
الطبيب الشرعي ، و الموبايل ، و العربية كل حاجة "
" راااااامز هو ده شغلك "
" شغلي تمام يا باشا و مغلطتش في ولا حاجة شغلي كان العربية و اللي جواها مش أكتر من كده باقي الشغل كان على سراج "
" أنا مغلطتش في حاجة يا باشا و ظبطت الدنيا مع الطبيب الشرعي "
" أومال مهند خرج إزاااااي ؟ أنا هشوف الموضوع بنفسي و لو عرفت إن حد فيكم غلط أيا كان هو مين هيبقى
بموته "
خرج عبدالعاطي من القصر و هو يستشيط من الغضب تاركا الجميع خلفه يشعرون بالحيرة و الدهشة عدا رامز و شاكر
__________________________
" تمام يا باشمهندس تقدر تتفضل "
" شكرا يا حضرة الظابط "
" على إيه بس أنت تحمد ربنا إن تقرير الطبيب الشرعي كان في مصلحتك و كمان الشهادات اللي قدمتها خدمتك و شهادة صاحبك كمان كانت في صفك "
" الحمد لله ربنا عارف إني مظلوم بس أتمنى إن القضية تفضل مفتوحة و يفضل التحقيق فيها شغال علشان حق أخويا يرجع "
" أكيد و كل حاجة هتتوضح قريبا بإذن الله و بالنسبة للتقرير المبدئي للطبيب الشرعي كان فيه خطأ بسبب وجود بعض الصبغات و ده اللي وضحه الطبيب الشرعي الجديد "
" اتمنى ده يحصل في أسرع وقت بعد إذنك "
خرج مهند من القسم ليجد نادية و أنس في انتظاره
" كفارة يا ميهو "
" مش كنت فضلت مدة يا حبيب خالتو كنت هجيب لك عيش و حلاوة "
" معلش يا نادية ابقي هاتيهم لناس
تانية "
" قريب أوي يا حبيبي يلا خلينا نمشي "
عاد مهند و نادية إلى المنزل و استأذن أنس بالانصراف لأجل الذهاب إلى عيادته
لينتظر مهند و نادية مدة ثم بعد ذلك يخرجا من الباب الخلفي حتى لا يراهما رجال عبدالعاطي
أنت تقرأ
تحت وصاية خالتي
Humorقد كنت وحيداً في وسط العائلة و فقدت تلك العائلة و أصبحت وحيداً مرة أخرى فأتيتي انتي لتكوني العائلة فهل ستكونين كذلك أم سأظل وحيداً
