- إذا بدا كل شيء حولك مظلمًا
فانظر مرة أخرى ، قد تكون أنت النور.
- جلال الدين الرومي
_____________________________
صلوا على الحبيب المصطفى صلى الله عليه وسلم 💚
_____________________________
" بقى البت المعضمة دي اللي شبه المكرونة الاسباجتي تبقى خطيبتك
ملقتش غير دي "
تحدثت نادية و هي ترمق بيريهان بتقزز
نظرت لها بيريهان بشر و تحدثت بغضب شديد :
" انتي إزاي يا بيئة انتي تتكلمي عني كده شوفي نفسك الأول يا سوقية يا اللي لابسة لبس ال maid بتاعتي تقرف تلبسه دي تبقى خالتك يا مهاب !؟
بجد مش ممكن دي وصمة في عائلة الشناوي "
نظرت لها شدو نظرات باردة تحمل في طياتها الكثير ثم تحدثت ببرود :
" لبسها ده حاجة خاصة بها و أظن إنكِ أكبر دليل على كده لابسة لبس ملوش أي علاقة بالشغل أما إنها وصمة معتقدش أبدا إنها كده وإلا والدها مكنش خلاها هي تتحكم في كل حاجة هنا بدل حتى أحفاده "
نظر لها مهاب و مهند و بيري بغضب شديد لتكمل شمس التي كانت تغلي من تلك الفتاة :
" و بعدين يا حبيبتي شوفي نفسك على الأقل إحنا على الطبيعة مش زيك "
نظرت لها بيري بتعجب :
" زيي مالي بقى ؟ "
" ضاربة جوه و بره و كله صناعي "
" أنا صناعي يا بيئة أصلك عمرك ما شوفتي جمال قبل كده "
لوت شمس شفتيها بتهكم واضح و تحدثت بسخرية :
" جمال و ده اسم اللي عملك كمية العمليات دي، ده انتي عاملة كمية عمليات تجميل تخشي بها موسوعة جينيس و ياريت نفعت فلوسك ضاعت على الأرض يعني مثلا ضاربة فيلر و فضلتي تنفخي تنفخي تنفخي في شفايفك لما بقت عاملة زي شلف الجمل ، عيونك فضلتي توسعي فيها لما بقت زي عيون البومة ، عاملة مايكروبليدنج لما حواجبك بقت عاملة زي البلاستيك الشايط ، المناخير من كتر التصغير عظمها بقى مطاط شوية و هيدلدل على بوقك زي الزلومة ، بالنسبة للشعر ضاربة لون عند كوافير فاشل و عامل لكِ تسريحة شعر زبالة طالعة شبه الميدوسا بالظبط ، بالنسبة للراجل اللي مصغر صوابع رجلك اللي باينة من جزمة الاراجوز دي تقريبا بتاع بطاطا مش دكتور ده هارس الصوابع لما بقت صوابع قزم مش لايقة على خف الجمل اللي عندك و دي مجرد ملاحظات بسيطة عرفتها من النظرة الأولى و في حاجات تانية كتير بس مش عايزة أوضح علشان فيه رجالة "
و بمجرد أن أنهت شمس كلماتها حتى ارتفع صوت ضحكات الجميع فقد تجمع الموظفين و سمعوا ما قالته شمس
" عاااااااا انتي إزاي تقولي كده أنا مش عاملة ولا عملية تجميل انتي كدابة و حقودة و بعدين انتي إيش عرف واحدة جاهلة زيك بالعمليات دي ؟ "
YOU ARE READING
تحت وصاية خالتي
Humorقد كنت وحيداً في وسط العائلة و فقدت تلك العائلة و أصبحت وحيداً مرة أخرى فأتيتي انتي لتكوني العائلة فهل ستكونين كذلك أم سأظل وحيداً
