حكم قول صدق الله العظيم عند الانتهاء من قراءة القرآن قائمة المحتويات قول القارىء صدق الله العظيم بعد الانتهاء من قراءة القرآن لا أصل له من سنة النبي ولا من قول الصحابة والتابعين ولكنها قول مستحدث فإن قيل على أنه عبادة واجبة فهذا لا يجوز وإن قيل استئناسا بقول الله تعالى: (قُلْ صَدَقَ اللهُ) أو أنه عادة اعتادها القراء فلا شيء فيها، على أنه ينبغي للمسلم ألا يتسرع ويحكم ببدعية الأشياء التي لم ترد
- صلوا على الحبيب المصطفى صلى الله عليه وسلم 💚
__________________________
طبعا المفروض كنت انزل فصل يوم
الخميس بس مقدرتش و كنت هنزله الجمعة بس حصل ليا حادثة بسيطة
و روحت المستشفى الحمد لله
فبعتذر عن التأخير
__________________________
في اليوم التالي
كان سراج يقف أمام المرآة ينظر إلى هيئته ثم رش عطره و كاد أن يخرج و لكن وجد شاكر أمامه
" الله الله إيه الشياكة دي رايح على فين كده ؟ "
" رايح لخطيبتي "
" نادية !؟ "
" هو أنا خاطب غيرها "
" سراج مش ملاحظ إنك واخد الموضوع بجد إحنا هدفنا الانتقام و إننا نملك إمبراطورية الشناوي و دي تعليمات الباشا ولا نسيت صحيح أنت مكنتش طرف و عمك عزيز هو اللي طلب منك تتدخل و أنت طلعت على الباشا من ورانا و بقيت في اللعبة بس أنت مخك و تفكيرك عجبه و وافق فبلاش تشتت نفسك عن الهدف الأصلي و بعدين مش أنت بتحب بيري بنت عمك "
" شاكر أنا مش عيل صغير و عارف أنا بعمل إيه الباشا هدفه الأملاك و موت أولاد محمود مهاب و مهند لكن نادية تخصني أنا ، و صحيح أنا جيت مصر علشان أساعد عمي لكن هي فيها حاجة جذبتني لها و حبيتها علشان كده عرضت على الباشا حكاية الجواز دي و بكده ابقى ضربت عصفورين بحجر واحد منه رضيت الباشا و عمي و بيري محدش فيهم يشك في حاجة و في نفس الوقت ابقى خطبت نادية و أقدر اتجوزها "
" طيب و بعد ما تتجوزها ؟ "
" هعمل اللي عايزه الباشا بيري هتقضي على مهاب و مهند هشوف له أي داهية و ساعتها كل حاجة هتبقى لنادية و لما أملك كل حاجة بعد جوازي منها هحولها للباشا و أرجع تاني لحياتي أنا و نادية طبعا ، ما هي هتبقى ساعتها مراتي "
" طيب و تفتكر بعد ما تاخد منها كل حاجة هترضى تفضل معاك ؟ "
نظر إليه سراج نظرات تحمل الغرور
و الشر ثم تحدث بثقة
" مش مهم رأيها المهم أنا عايز إيه عمي من زمان كان بيحب أمها بس فشل إنه ياخدها أنا بقى غير عمي و طالما أنا عايز حاجة هاخدها سلام علشان ألحق أروح لها "
خرج سراج لينظر شاكر في أثره بتوتر و قلق
" قال ياخد نادية قال ده رامز كان أخد روحه ده على آخره أصلا "
YOU ARE READING
تحت وصاية خالتي
Humorقد كنت وحيداً في وسط العائلة و فقدت تلك العائلة و أصبحت وحيداً مرة أخرى فأتيتي انتي لتكوني العائلة فهل ستكونين كذلك أم سأظل وحيداً
