يحدث أن تمر بك فترة صمت لا مزيد من الكلام ، لا مزيد من الشعور ، لا مزيد من الأشخاص.
دوستويفسكي
____________________________
عزيزي القارئ طالما كُتب في قدرك أنك ستقرأ روايتي فيجب عليك الآتي
لأ لأ مش تصوت للرواية ولا كومنت لأ الكلام ده مفروغ منه و هتعمله هتعمله مش إجبار لأ علشان تشجعني و لأنك بتقدر كتابتي المطلوب منك شئ تاني و هو إنك تصيت الرواية اه و الله و رواياتي كلها أيوه و تصيتني أنا كمان مفيش مشكلة و تتابع صفحتي بس كده حاجة بسيطة خالص شوفت عزيزي القارئ مش بحب اتقل عليك خالصو علشان فيه قمرات طلبوا مني الطلب ده و أنا بحبهم جدا علشان خاطر عيونهم هينزل ثلاثة فصول في الأسبوع و المواعيد هتبقى الأحد و الثلاثاء و الخميس ما بين الساعة ثمانية و الساعة تسعة بإذن الله و هستمر على كده إذا لقيت تشجيع منكم
رغيت أنا كتير أسيبكم بقى مع الفصل يلا
enjoy 😂_____________________________
صلوا على الحبيب المصطفى صلى الله عليه وسلم 💚
_____________________________
سحب كمية كبيرة من المادة التي أمامه و التي لم تكن سوا مادة الكوكايين ثم أرجع رأسه إلى الخلف ليستند على تلك الأريكة
" و الله لك وحشة يا مهند "
تحدث لؤي الذي وضع المزيد من هذه السموم أمام مهند ليبدأ الأخير في شمها" قال يعني كنت عارف أشوفك ده أنا كنت كل ما أجي أقابلك يحصل حاجة بقالي مدة مقعدتش معاك قاعدة حلوة زي دي "
" بس مش بعادة يعني مش بتضرب نفس الكمية بتاعة كل مرة ولا حتى فضلت تلح عليا علشان أشتري لك كمية كبيرة زي ما كنا بنعمل في أمريكا فاكر "
" كنت شاري كمية كبيرة فضلت معايا فترة و لسه خلصانة النهاردة علشان كده اتصلت بك و بالنسبة للفلوس أنا هجهزها في أقرب وقت "
" فلوس إيه يا ابني إحنا أخوات و أنت ياما وقفت جنبي و بعدين فوكك من الكلام الأهبل ده خلينا منضيعش الدماغ بقى و تعالى نجرب النوع الجديد ده "
أخذ مهند كمية كبيرة منه و بدأ في شمها
بعد نحو ساعة التقط لؤي هاتفه و اتجه إلى إحدى الغرف ليتصل على شخص ما
" أيوه يا باشا إلحق الواد شكله فرفر خالص الكمية اللي أخدها كبيرة أوي ده شكله بيودع "
تحدث عزيز الذي كان يجلس في غرفة مكتبه يراجع بعض الأوراق
" فيه إيه يا خرع ما هو ده المطلوب إننا نخلص منه "
" بس ده في بيتي يا باشا "
" هبعت رجالتي لك شوية و يكونوا عندك و لما يتأكدوا إنه مات هيخدوه يرموه في أي حتة و لما يبقى البوليس
ولا حد يلاقي جثته هيثبتوا إنه مات بجرعة زايدة و أنت حضر هدومك علشان تخلع أنا خليت رجالتي يحجزوا لك في نفس الفندق اللي نازل فيه مهاب و لازم توصل خلال ساعتين علشان تقابله فيعرف إنك هنا و ساعتها مش هيشك غير في اللي إسمها نادية دي و هيقول موتت أخويا علشان تخلص منه "
YOU ARE READING
تحت وصاية خالتي
Humorقد كنت وحيداً في وسط العائلة و فقدت تلك العائلة و أصبحت وحيداً مرة أخرى فأتيتي انتي لتكوني العائلة فهل ستكونين كذلك أم سأظل وحيداً