- الصمت لا يعني القبول دائمًا، أحيانًا يعني أننا قد تعبنا من التفسير.
- غسان كنفاني
_____________________________
عزيزي القارئ قبل ما تقرأ الفصل تعالى على نفسك و صوت للفصل و اكتب كومنت لطيف كده علشان تشجعني
- صلوا على الحبيب المصطفى صلى الله عليه وسلم 💚
_____________________________
في صباح يوم جديد على أبطالنا ألا و هو يوم الجمعة
فتحت نادية باب غرفة مهند و دخلت لتجده نائم بعمق
" طبعاً لك حق تنام لحد دلوقتي ما أنت راجع أنت و أخوك وش الفجر طيب هو كان عند السحلية بتاعته ولا كان مخرجها في أي زفت أنت بقى يا باشا كنت فين يا عم الصايع ؟
يلا مش مهم أبقى اتناقش معاهم بعدين أهم حاجة دلوقتي أصحيه علشان خاطر يفطر هو و هوبه حبايب خالتو و قلبها يا ناس "
تحدثت نادية بصوت منخفض ثم اقتربت من السرير و قامت فجأة بإصدار صوت عالي فنهض مهند بفزع
" إيه ؟ فيه إيه ؟ قنبلة قنبلة إلحقوني إلحقوني يا مهاااااب يا مهاااااب "
" قنبلة إيه يا حبيبي دول شوية بومب يلا اصحى موسم البط ابتدى "
" بط ! بط إيه ؟ و بعدين بتصحيني ببومب و صواريخ انتي اتجننتي يا بت انتي ولا عبيطة ؟ "
اقترب نادية منه و قامت بإمساك أذنه
" بتغلط في خالتك يا معدوم الرباية مبقاش ألا العيال الصغيرة كمان ده أنا لو اتجوزت في سنك كان زمان عيالي بقوا "
قاطعها مهند و هو يبعد يدها بغضب :
" عيال مين و سن مين يا ماما ده أنا أكبر منك بخمس سنين و أوعي إيدك دي يا شاطرة "
" اعمل إيه بقى الله يسامحها نرمين خلفت أتوبيسات نقل قوم يا أخويا قوم نموسيتك كحلي "
" اووووف انتي عايزة إيه ؟ جايه أوضتي ليه ؟ "
" أوضتك اللي هي في بيتي مش كده المهم يلا اصحى علشان تجيب فطار الساعة بقت ستة و نص "
" ستة و نص إيه مصحياني أبيع لبن و بعدين فطار إيه اللي اجيبه أنا مش بفطر دلوقتي "
" عنك ما فطرت أنا جعانة و عايزة أفطر دلوقتي "
" ما تولعي و أنا مالي "
" شوف قلة الأدب بص بقى يا حبيبي أنت هتقوم زي الشاطر كده تغسل وشك و تستر نفسك كده بدل ما أنت نايم نصك ملط كده و تنزل تجيب فطار و علشان أنا كفاءة هنزل معاك أعرفك المحل بس بعد كده هتنزل لوحدك وإلا هتصل بعمو لطفي أقوله مش بيسمعوا كلامي و بوظوا شروط الوصية و ده أحب على قلبي من إني استنى سنة على الأقل ارميكوا في الشارع و اتبرى منكم يلا عقبال ما أصحي أخوك "
YOU ARE READING
تحت وصاية خالتي
Humorقد كنت وحيداً في وسط العائلة و فقدت تلك العائلة و أصبحت وحيداً مرة أخرى فأتيتي انتي لتكوني العائلة فهل ستكونين كذلك أم سأظل وحيداً
