إنَّ أكبرَ إهانةٍ يمكنُ أن تُلحقها بإنسانٍ في عصرنا ومِنْ جنسنا هي أنْ تنعتهُ بأنهُ محرومٌ مِنَ الأصالةِ والإرادةِ والمواهبِ الخاصة، وأن تقولَ عنهُ: إنّهُ رجلٌ عادي.
- دوستويفسكي
____________________________
صلوا على الحبيب المصطفى صلى الله عليه وسلم 💚
بجد شئ يزعل مفيش غير عدد قليل جدا هما اللي بيكتبوا الكومنتات و بالنسبة للتصويت أقل من الربع هما اللي بيصوتوا ياريت تهتموا أكتر من كده لأن فعلاً أنا مشغولة جداً و مع ذلك علشان خاطركم خليتهم ثلاثة فصول في الأسبوع
_____________________________
" أنت ! "
تعجبت شمس من وجود ذلك الشخص البغيض هنا ليبتسم وليد و يتقدم منهم
" ايه ده شمس يااااه دي الدنيا صغيرة أوي متوقعتش إني أشوفك هنا "
" ولا أنا الصراحة يعني شوف البخت مش بروح الكلية علشان مشوفش خلقتك الكريمة دي ألاقيك قدامي هنا بخت "
" امم بس انتي طلعتي بتروحي حفلات أهو و بتسهري كمان مش الشيخة خضرا يعني "
" لأ ده أنا فظيعة بس أنت مالك أنت الشيخة خضرا الشيخة صفرا أنت ولي أمري ؟ "
" لأ بس مكنتش متوقع إنك كده "
" إيه كده دي و بعدين أنت بتتكلم معايا ليه أصلاً ؟ أنت ايه حشرك فيا ؟
شكل العلقة مكانتش كافية "
" يمكن مثلاً علشان انتي في بيتي و واقفة بتتكلمي مع أخويا "
" امم و أنا عمالة أشبه الأخلاق دي شوفتها فين شوفتها فين كده وضحت الصورة طلعتوا أخوات "
" أها وليد أخويا الصغير بس انتوا تعرفوا بعض منين ؟ "
" شمس معايا في نفس الكلية و نفس الفرقة كمان "
" ايه ده انتي في صيدلة ؟ "
" لأ أنا خدمة إجتماعية بس مزورة كارنيه صيدلة ابقى بلغ عني "
" هههههههه دمك خفيف بس قوليلي بما إنكِ مع وليد متعرفيش مين البلطجي اللي اتخانق معاه كده ؟
لأنه مقالش غير إنه طالب معاه في الكلية و بسببه أخد رفد "
" لأ دي بلطجية مش بلطجي "
" إيه ؟ "
" أيوه كانت بنت و بتوضيح أكثر كنت أنا أنا اللي عملت كده في أخوك و شلته و حقيقي فخورة بكده "
" انتي ! إزاي ؟ ده وشه بايظ خالص و جسمه فيه كدمات إزاي تقدري تعملي كل ده لوحدك ؟ غير حالة زمايله اللي كانت فظيعة "
" أصل أخوك حاول يمسك ايدي فجاب آخره معايا وأنا لما بتعصب مش بفكر أنا بعمل إيه بتصرف على طول يعني مثلاً مثلاً لو فضلت تقول الكلام الملزق ده ممكن اتعصب و انفعل و مشوفش قدامي و تلاقيني مديت ايدي و أخدت أي فازة من الحاجات الغالية دي و نزلت بها على نفوخك أو مثلاً مثلاً تلاقي نفسك حاضن العمود الحلو ده و دماغك بتخر دم يعني أنت وحظك بقى "
YOU ARE READING
تحت وصاية خالتي
Humorقد كنت وحيداً في وسط العائلة و فقدت تلك العائلة و أصبحت وحيداً مرة أخرى فأتيتي انتي لتكوني العائلة فهل ستكونين كذلك أم سأظل وحيداً
