تحت وصاية خالتي

حلقة خاصة - بسكويت المدرسة

- صلوا على الحبيب المصطفى صلى الله عليه وسلم

- دعواتكم لأهلنا في فلسطين 🇵🇸

__________________________________

الحلقة القادمة بإذن الله هتكون عن رواية ربع دستة مجانين سواء الأول أو الثاني و انتوا اللي هتحددوا الثنائي

__________________________________

عاد إلى المنزل بعد يوم منهك ففي الفترة الأخيرة زادت مسؤوليته خاصة بعد زواج شاكر و بقائه في الخارج لفترة فقرروا تقسيم العمل فيما بينهم حتى يعود

خلع جاكيت بدلته و ما كاد يخطو خطوة واحدة للداخل حتى استمع إلى صوت عالي بشدة فنفخ بضيق و قلب عينيه بملل فهذا هو المعتاد

اتجه إلى غرفة الأطفال ليجد زوجته تمسك إبنه من ملابسه و في اليد الأخرى تمسك سلاحها المعتاد ألا و هو أبو ورده

" على فكرة أنا سايبك تعملي كده علشان انتي أمي بالك لو بره البيت مكنتش هسمح ، برستيجي كده يتدمر علشان كده لمي الليلة يا والدتي و روحي شوفي الراجل الغلبان الشقيان
ده و حضري له لقمة تسند قلبه "

تحدث إبنه الصغير بضيق لتوافقه أخته التي كانت تجلس على سريرها و تأكل بعض المقرمشات باستمتاع و كأن هناك عرض

" أيوه يا صولا سيبي الواد الغلبان حرام عليكي هو عمل إيه لكل ده ؟ بلاش إفتراء "

رفعت شمس حاجبها و تحدثت بسخرية

" ظلم هو ظلم أنا واحدة ست مفترية و شريرة و أم ظالمة و جاحدة و اطلع بقى بالمعلوم بدل ما أخلي الشبشب يعلم عليك "

اتجه مهند إليهم و تحدث بنبرة جدية و لكن هادئة

" فيه إيه يا شمس ؟ و انتوا يا أولاد مزعلين ماما ليه ؟ عملت إيه يا إياد أنت و أريج ؟ "

نظر الطفلان إلى بعضهما و ضحكا بسخرية

" صلي على النبي في قلبك يا بابا هي دي واحدة حد يعرف يزعلها دي تزعل
بلد "

" غلبان أوي يا ميهو "

" بقى كده ااااه يا تربية حقيرة ماشي يا كلب أنت و هي طيب في ظرف خمس ثواني لو الحاجة مطلعتش لهطردكم بره البيت و ابقوا روحوا بقى عند عمكم "

" أحسن بردو خالتو شدو دي عسل
أصلا "

" بقى شدو عسل و أنا إيه جبنة قديمة يا مش أنت "

" اهدي يا شمس و قوليلي إيه المشكلة ؟ هما عملوا إيه ؟ "

" عملهم أسود و مهبب على دماغهم دول بلطجية مش أولاد "

" خناقة تاني في المدرسة مش كده ؟ "

" الله ينور عليك يا بابا ما شاء الله اللهم بارك بس فيه تعديل بسيط بس  "

" إيه هو يا مشرفني ؟ "

" استدعاء ولي أمر و إلا هنترفد من المدرسة بس أنا عارف إن مشغولياتك كتير ربنا يعينك فبلاش تروح و تتعب نفسك مش مشكلة المدرسة أو التعليم أصلا ، و بعدين معظم مشاهير العالم مش مكملين تعليمهم يعني عندك ميسي معاه ثانوية عامة ولا كريستيانو طالع من تانية إعدادي "