تحت وصاية خالتي

الفصل الثاني

صلوا على الحبيب المصطفى صلى الله عليه وسلم 💚

_____________________________

ألفاظ تخالف العقيدة

- مينفعش تقول : بحس إن ربنا بيطبطب عليا!❌
ربنا مش بيطبطب على حد
اسمها ربنا بيربط على قلبى✔️

- مينفعش خالص تقول : ربنا عارف كل حاجة!❌
لأن المعرفة لابد أن تأتي بعد جهل وحاشاه تعالى
اسمها ربنا عليم بكل حاجة✔️

- مفيش حاجة اسمها ربنا يأذي المؤذي!❌
ربنا مبيإذيش حد
اسمها ربنا ينتقم من المؤذي✔️

- مفيش حاجة اسمها الله يقرفك ولو بهزار!❌
ربنا مبيقرفش حد حاشا لله

- ومفيش حاجة بردو اسمها ربنا يظلمك!❌
ربنا مش بيظلم حد حاشا لله
استبدلهم بقول : ربنا يهديك✔️

- مفيش حاجة اسمها ربنا عايز كده!❌
لأن عايز من العوز وهو الحاجة ..
ربنا مش بيحتاج لحد أو حاجة سبحانه وتعالى
استبدلها بقول .. ربنا أراد✔️

- مفيش حاجه اسمها ربنا يخرب بيتك!❌
لأن الله لا يخرب
لكن قل ربنا يجازيك بعملك✔️

فـ ياريت نخلي بالنا ولا ننسب لله صفة لم ينسبها هو لذاته سبحانه

فلنتأدب مع الله ..
صحح عقيدتك ..

_____________________________

نظرا كلاهما إلى تلك التي تقف عند الباب ليتعجب مهاب بشدة بينما مهند قد نمت ابتسامة على وجهه وظل يتفحصها بدقة.

فتاة قصيرة قليلاً ذات بشرة بيضاء بها بعض النمش الذي يضفي عليها جمالاً وعيون بلون العسل تميل قليلاً إلى الأخضر وملامح طفولية صغيرة وجميلة.

انتقل ببصره إلى ثيابها فكانت ترتدي فستان باللون الأزرق تزينه بعض الأزهار الرقيقة باللون الوردي في نهايته وخمار طويل باللون الوردي، وتمسك في يدها حقيبة صغيرة تجمع بين اللونين الأزرق والوردي.

ابتسم مهند باتساع وغمز بمشاكسة قائلا : " باينها وصية زي العسل وهتبقى فتحة خير إن شاء الله."

ثم اتجه إليها وضمها بقوة وهو يتحدث بدرامية :

" يااااااااه أخيرا بقى لنا عائلة انتي بنت خالتي صح شوفتي عرفتك إزاي صحيح الدم بيحن ريحة أمي فيكي حتى شبهها. تعالي في حضني يا قريبتي يا حبيبتي."

ضحكت تلك الفتاة على تصرفات ذلك الشخص ليغمز لها مرة أخرى قائلا :

"ضحكت يعني قلبها مال انتي مرتبطة يا حلوة ؟ شكلك لأ طيب كويس بصي انتوا بتقولوا نخلي حاجة في حاجة ونتجوز."

نظرت الفتاة إليه لبرهة ثم ابتسمت
قائلة :

" زيتنا في دقيقنا "

" اه تقريباً، بصي نادي على خالتي اللي اسمها إيه،  ناهد، نهى، اه اه، نادية، وقولي لها إني عايز أتجوزك "