မုန်း အိပ်နေသော လူကြီးကို ကြည့်ကာ သဘောတွေကျနေမိသည်။
ခန့်ညားသော ဥပတိရုပ်က ချောသည်မဟုတ်သော်လဲ လွန်စွာမှ
ကြည့်ကောင်းသည်။ ပိရိသေသပ်သော နူတ်ခမ်းများက စေ့ပိတ်ထားသည်တိုင် စွဲမက်စရာအတိ။
မုန်း ဒုတိယ အကြိမ်ရယ်မိလိုက်ပြန်သည်။ဒါကဘယ်လိုရေစက်မျိုးလဲ ။
"ဒီလူကြီးကတော့ကွာ "
မုန်း ဦး ကိုအိပ်ယာထဲပို့ပြီသည်နဲ့ ကိုယ်လက်သန့်စင်ကာ ခုချိန်ထိ ထိုင်ကြည့်နေတာဖြစ်သည်။ လူကြီးလူကောင်းပီသတဲ့ ဦး ကိုဘယ်သူပိုင်တာလဲသူသိပ်သိချင်မိသည်။
ထိုလူဟာ သေချာပေါက်ကံကောင်းလိမ့်မည်။ ဦး ပုံကကြည့်ရတာကလေကချေပုံမျိုးလုံးဝမဟုတ် ။
သူထင်တာ မမှားဘူးဆိုရင်ဦးက အထက်တန်းလွှာက ဖြစ်ကောင်းဖြစ်လိမ့်မည်။
"ဟိတ်.... ငါ့ကိုကြည့်ပြီး ဘာလုပ်နေတာလဲ!!"
ဂုဏ် ရုတ်တရက် အော်လိုက်တော့ ထိုကောင်လေး လန့်သွားသည်ထင်။ ရှက်ပြုံးပြုံးကာ ရယ်ပြီးခေါင်းကို ကုတ်လိုက်ပုံလေးကအူယားစရာလေးအတိ။
"ဟာ...ဦးကလဲ လန့်လိုက်တာဗျာ "
"ဟောဗျာ.. ဒါနဲ့မင်းကဘာလို့ ငါ့ကိုထိုင်ကြည့်နေတာလဲ"
"ကြည့်ကောင်းလို့လေ "
"ဟားဟားဟား... ဘယ်အချိန်ရှိပြီလဲ "
"ဆယ်နာရီ ...ဦး ဘာလဲ ပြန်တော့မလို့လား"
ဂုဏ် အိပ်ယာမှလူးလဲထလိုက်ကာ
"အွန်း.."
ကောင်လေး မျက်နှာပျက်သွားကာ
ညိုးငယ်စွာဖြင့်
"ဦး ကမုန်းကို လာမတွေ့တော့ဘူးလားဟင်"
"ဟ...တွေ့ဖို့ရှိသေးလို့လားမင်းနဲ့ငါ ဘာမဖြစ်ခဲ့ဘူးနော်"
"ဦး...ကလဲ မုန်း ကိုအထင်သေးလိုက်တာ "
"ဟိတ် ဟိတ်ငါ့စကား ထဲမှာအထင်သေးတာ တစ်ခုမှမပါဘူးနော် ရှင်းပြရုံလေးပဲ"
မုန်း ဝမ်းနည်းသွားမိသည်။ စပွန်ဆာရှာကာ ဘဝကိုရပ်တည်နေပေ့မယ် လူတိုင်းနဲ့ ဗရုတ်ကျတဲ့ ထိတော့သူအဆင့်တန်းမနိုမ့်ပါ။ သူဟာ အကောင်ကြီးတွေကို ကပ်တတ်ပြီး တော်ရုံဆိုလှည့်မကြည့်တတ်။ အခုနောက်ပိုင်း ထိုအရာတွေကို စိတ်ပျက်မိလို့ တစ်ယောက်ထဲ နေမိတာ ဘယ်လောက်ကြာခဲ့ပြီလဲ။
YOU ARE READING
LOVE IS INTENSIVE(Complete)
Romance"ငါခံယူထားတဲ့ အချစ်ကရယူခြင်း ဒါကြောင့် ငါအချစ်ကပြင်းတယ်" ရိန်ရန်ရှင်းသန့်+ဂုဏ်ခန့်စည်
