" ကလေးပို့ပြီး အိမ်ပြန်လာအုံးမှာလား ကိုသာထက်..."ဒီနေ့ Sunday မို့ ညီငယ်ကို သု့ယုံကြည်ရာ ဘုရားကျောင်းကို ပို့ပေးရမှာဖြစ်ပြီး ဒီနေ့ မိသားစုလိုက် အပြင်ထွက်ကာ စားသောက်ကြမည့်အစီအစဉ်မို့ ငွေနှမျောအားကြီးလွန်းသော မိဝေက ကိုငယ်ကြောင့်မို့သာ လက်ခံလိုက်ရပုံရသည်။
" အေးလေ...ငါတို့ကသိပ်မကြာဘူး ၊ နင်တို့သားအမိ ပြီးစီးအောင်လုပ်ထား...ဒီနေ့ကန်တော်ကြီးဘက် သွားကြရအောင်လေ..ကိုတိုးကြီးတို့က အဲ့ဘက်လာခဲ့မယ်ပြောတယ်ဟ "
" မသွားချင်ပါဘူး....အမူးသမားတွေ တရုန်းရုန်းနဲ့ စိတ်ရူပ်စရာ၊ ကိုယ့်မိသားစု အေးဆေးနေချင်တာ..တော်လျှာမရှည်နဲ့နော်.."
" အေးပါဟ..."
ပုဆိုးလဲနေသော ကိုသားထက်နား တဂျီဂျီလုပ်နေပါသော မိဝေကို မျက်စောင်းထိုးကာ ကြည့်ပေးနေမိသည်။
မိဝေက အသက်မကြီးသေးဘဲ အားကြီးစကားများ၏။
" ကျွန်တော်ပီးပီ အစ်ကို "
ဝတ်နေကြ ဂျင်းအနက်ဘောင်းဘီလေးကို အဖြူရောင် T-shirt ဝတ်ကာ အပေါ်က မီးခိုခဲရောင် ဖလံထည်အကွက်စိပ်လေး ထပ်ဝတ်ထားသော လွယ်အွေ့ ဖက်ရှင်းကိုကြည့်ပြီး ကိုသာထက်ပြုံးကြည့်နေမိသည်။
မရိုးတန်းဝတ်တက်သော ဖလံထည်ကွက်စိပ်/ကျဲများကို တခါတလေ မိဝေက ကြုံရင်ကြုံသလို ဆင်ပေးတက်သေး၏။
အနက်ရောင် လျှာထိုးဦးထုပ်လေးဆောင်းကာ ဂစ်တာအိတ်လေး လွယ်ထားသော ဗန်လွယ်အွေ့က သူကိုကြည့်ပြီး တွေးနေတာကို သိနေဟန်ဖြင့် ခပ်စစ ပြုံးပြနေပြန်သည်။
" ငွေမထုတ်ခဲ့နဲ့နော် ကိုငယ်..နောက်တစ်ခါဆို ငါစိတ်ဆိုးပစ်မယ် "
" အင်းပါ..."
" ဟားးးမင်းမို့အဲ့စကားပြောနေတာ မိဝေက သိပ်ဖက်လိုက်တာကွ၊ ငါများ ကားပြန်လာ လူကိုမမျှောိဘူး ငါ့ညီ သူက ငါ့လွယ်အိတ်ထဲက ဆင်တွေကိုပဲ မျှော်နေတာဗျ.."
" ........"
" ကိုသာထက် !!!!"
ပုံစံမပျက် ပြုံးရယ်နေသော လွယ်အွေ့ ရယ်ပါ။
YOU ARE READING
တေးသစ္စာ ဖွဲ့ ချစ်ခြင်းမေတ္တာ
Fantasyသစ္စာစကားဆိုတာ တောင်းတိုင်း ပြည့်တဲ့ဆုမဟုတ်သလို တည်စေ၊ မြဲစေ ၊ ခိုင်မာစေ ဆိုပြီး အတင်း ဆုပ်ကိုင်ထားလို့မရဘူး ။ သစ္စာစကားတွေ အရာမဝင်ပေမယ့် တောင်ပေါ်မှာ တောင်ဇလပ်ပန်းတွေကတော့ ရဲရဲနီနေဆဲပဲ ကိုကို ။ ပြေ့ဘုန်းမာန် ဗန်လွယ်အွေ့ ဘုန်းမြတ်ဟန် သော်စစ်ပိုင်