" ဖေဖေ ......"
ပါးပူအောင်တစ်ချက်ထိုးခံလိုက်ရတဲ့ အခိုက် နာကျင်သွားသော ပါးကိုအုပ်ကိုင်ကာ ဒေါသတကြီးဆုံးမနေပါသော ဖခမည်းတော်ကျေးဇူးရှင်ကြီး ဦးဘုန်းမောင်။
" ငါကို အဖေလို့မခေါ်နဲ့ ...မင်းနဲ့ငါ သေခန်းပြတ်တယ် ဟိတ်ကောင်..."
" ဖေဖေ ...."
" အင့်....ဖေကြီး ...."
ဒေါ်မေကြည်ဟန် ပွေ့ဖက်ပေးထားတဲ့ပုခုံးလေးပေါ်ကနေ ငိုရိူက်သံလေးစွက်ပြီး ဦးဘုန်းမောင်ကိုတားဆီးနေတဲ့ လွယ်အွေ့လေး။
သားတစ်ယောက်ကဲ့သို့ ချစ်မြတ်နိုးရတဲ့ကလေးမို့ ငယ်စဉ်ထိခိုက်နာကျင်မူတွေမှ မပြီးသတ်သေး ကိုယ်သားကြောင့်ဒုတိယအကြိမ် ထပ်မံထိခိုက်ရပြန်သည်ဆိုတဲ့ အိမ်မက်ဆိုး/သတင်းဆိုးတို့ကို ကြားသိရချင်း မနက်အစောပိုင်းမှာပင် သားငယ်လေးရှိသော Para ဆေးရုံဆီသို့ နောက်လိုက်များနှင့်အတူ ဦးဘုန်းမောင်တို့ လူအိုကြီးစုံတွဲရောက်ရှိလာခဲ့ရသည်။
ကိုယ့်သားကြောင့် ဖြစ်ရတဲ့ ဒုက္ခိတမခေါ်အပ်သော မသန်စွမ်းခြင်း ရလဒ်ကို နှစ်ရှည်လများခံစားနာကျင်ရပါသော ဗန်လွယ်အွေ့လေးကို မိမိစိတ်ဆန္ဒကြောင့် လက်ထပ်ပေးအပ်မိခြင်းဆိုတဲ့နောင်တ, တရားတို့က သားငယ်လေးပျောက်ဆုံးနေခဲ့ရစဉ်တစ်လျှောက်လုံး အိမ်မက်ဆိုးတွေသာ လန့်နိူးပြီး ကောင်းစွာ မအိပ်စက်ခဲ့ရ။
ဆရာဖြစ်သူအပေါ် အားနာစိတ်၊ သားငယ်လေးအပေါ်စာနာသနားစိတ်တို့အပြည့်ဖြင့် ပြန်လည် တွေ့ရှိခဲ့ရချိန်က တန်ဖိုးရှိလွန်းလို့ အ ခြွေအရံများစွာထားပြီး ထပ်မံထိခိုက်ခြင်းမရှိအောင် ဂရုစိုက်နေမိတဲ့ကြားက ကိုယ့်သွေးသား အသုံးမကျလို့ ထပ်မံဖြစ်ခဲ့ရသော မနေ့က ဖြစ်ရပ်ဆိုးတို့အကြောင်း ကြားသိရချင်း ဆေးရုံရှိရာသ်ို့ ဒေါသတကြီး ထွက်လာမိခဲ့သည်။
" မင်း လူလိုနားမလည်တဲ့အကောင်....ထွက်သွာ...ငါတို့မျက်စိရှေ့က ...ဒီမြေကနေ အပီးထွက်သွား...အမိူက်လိုကောင်..."
" ဟင်းအင်း...ဖေကြီး......အဲလိုမပြောပါနဲ့ ....ဟင်းအင်း ကိုကို့ကြောင့်မဟုတ်ပါဘူး ဖေကြီး.."
YOU ARE READING
တေးသစ္စာ ဖွဲ့ ချစ်ခြင်းမေတ္တာ
Fantasyသစ္စာစကားဆိုတာ တောင်းတိုင်း ပြည့်တဲ့ဆုမဟုတ်သလို တည်စေ၊ မြဲစေ ၊ ခိုင်မာစေ ဆိုပြီး အတင်း ဆုပ်ကိုင်ထားလို့မရဘူး ။ သစ္စာစကားတွေ အရာမဝင်ပေမယ့် တောင်ပေါ်မှာ တောင်ဇလပ်ပန်းတွေကတော့ ရဲရဲနီနေဆဲပဲ ကိုကို ။ ပြေ့ဘုန်းမာန် ဗန်လွယ်အွေ့ ဘုန်းမြတ်ဟန် သော်စစ်ပိုင်
