Chapter 112
"မကြာခင်ပေါ့... နောက်နှစ်ရက်လောက်နေရင် ကိုယ်မင်းကို လာတွေ့မယ်လေ...."
စစ်ကျွင်းတောက်က ပြောလိုက်သည်။
"ကောင်းပါ့...."
ဝမ်မင်ယီက ဖုန်းအတော်ကြာပြောပြီးမှ နောက်ဆုံးတွင် ဖုန်းချလိုက်သည်။
ရိုက်ကူးက အစီအစဉ်တကျဆက်သွားနေပြီး ရက်အတန်ကြာလာသောအခါတွင် ဝမ်မင်ယီမှာ ကျောက်ဝမ်ယွီ၏ တင်းကြပ်မှုနှင့် တွေးခေါ်ပုံကို တဖြေးဖြေးလက်ခံနိုင်လာသည်။ ထို့နောက်တွင် သူကိုယ်တိုင် အစပျိုးပြီး ကျောက်ဝမ်ယွီဆီသွားကာ ဇာတ်ကောင်နှင့်ပတ်သတ်ပြီး ပြောင်းလဲစရာများကိုမေးခဲ့သည်။
ရိုက်ကူးရေးအဖွဲ့သားတစ်ခုလုံးက သူက နာမည်ကြီးသော်လည်း အလေးအနက်အလုပ်လုပ်ပြီး မာနမကြီးဘဲ ကြိုးစားနေသည်ကိုကြည့်ပြီး သူ့အပေါ် အထင်အမြင်ကောင်းတို့ရှိလာသည်။
တစ်နေ့ရောက်သောအခါတွင် ကျောက်ဝမ်ယွီမှာ ရိုက်ကူးရေးလုပ်နေချိန်တွင် အလွန်အမင်းစိတ်လှုပ်ရှားသွားပြီး ဝမ်မင်ယွီကို ချီးကျူးလာသည်။
"ကောင်းလိုက်တဲ့ သရုပ်ဆောင်ချက်... သားလေး မင်းအရမ်းတော်တယ်ကွာ..."
ဝမ်မင်ယီ "...."
အခြားလူများ "...."
လူတိုင်းက ကျောက်ဝမ်ယွီကို ထိတ်လန့်တကြားကြည့်နေကြသည်။
ကျောက်ဝမ်ယွီမှာ သူပြောလိုက်သည်ကို ပြန်တွေးမိလိုက်သည်။ သူက ရှက်ရွံ့သွားရပြီး မည်ကဲ့သို့ ရှင်းပြရမလဲမသိဘဲဖြစ်နေချိန် ဝမ်မင်ယီပြောသည်ကို ကြားလိုက်ရသည်။
"ဒါရိုက်တာကျောက်က... ကျွန်တော့်ရဲ့ပါပါးဖန်ဆိုတဲ့ အထောက်အထားကို ပြောပြလိုက်လို့ အဆင်ပြေရဲ့လား...."
ကျောက်ဝမ်ယွီမှာ ချက်ချင်းအသိဝင်လာပြီးပြောလိုက်သည်။
"အာ... အဆင်ပြေပါတယ်... အဲ့တာ အင်တာနက်ပေါ်ကလူတိုင်း ပြောနေကြတဲ့အရာပဲလေ...."
ထိုအခါမှသာ အတော်လေးကြောက်လန့်သွားခဲ့ရသော လူများကစိတ်သက်သာရာရစွာ သက်ပြင်းချလိုက်ပြီး ပါပါးဖန်တစ်ယောက်ဖြစ်သည်ဟု ထင်သွားခဲ့ကြသည်။
YOU ARE READING
ဗီလန်ဥက္ကဋ္ဌ၏ခွေးနှင့်ကြောင်အဖြစ် ပြန်လည်၀င်စားခြင်း ( BL ) ( Completed )
AdventureDescription မရေးတော့ဘူနော်။ရေးရင် တင်မရတော့လို့။ IQ team ထံမှ တစ်ဆင့်ပြန်တင်ပြီးဖော်ပြဖို့ ခွင့်ပြုချက်ရပြီးသားပါရှင့်။ဒီစာစဥ်လေးက IQ team အပိုင်ဖြစ်ပြီး ဘာသာပြန်သူတွေကလည်း IQ team က မင်မင်တွေပဲဖြစ်ပါကြောင်း နဲ့ ဒီစာစဥ်ကို အဇူး မပိုင်ပါဘူးဆိုတဲ့အကြေ...
