Reverse

xxx . Goodbye

Nasa bahay ako ngayon. Wala si mom and dad. Pinauwi muna nila ako dahil sa nangyari. Galit na galit din si daddy.. pero sabi ko ay wag niyang personalin lalo na at mag kanegosyo sila ni Francis.

Tinawagan ako kanina ni Abby, sabi niya ay nagwawala daw si Francis kanina sa office. Gustong gusto ko siyang puntahan pero nasasaktan parin ako. Kung normal na sitwasyon lang ay pupuntahan ko agad siya pero hindi eh.

"Mam?"

Tumayo ako dahil sa pagkatok ng kasambahay namin. Namamaga pa rin ang mga mata ko kaya hindi ako gaano lumalabas.

"Yes?" Mahina kong tanong sakanya. Ngumiti naman siya.. marunong makiramdam ang mga katulong namin.

"Nandyan po si Mrs. Salazar" napasinghap ako sa sinabi niya.

"Ayaw daw po niyang pumasok" tumango ako at nagmadaling bumaba ng hagdan.

Walang kasalanan ang mommy niya kaya ay hindi dapat ito madamay at isa pa napaka ganda ng pakikitungo niya sa akin. Tinuring niya ako na parang myembro ng pamilya nila.

Isa pa, hindi niya ako tinawagan sa cellphone. Pumunta siya dito ng personal so importante ito.

"Tita" bati ko sakanya pagkalabas ko ng gate.

Lumapit ako sakanya habang siya ay hinawakan ang mukha ko at hinaplos.

"You've cried alot" nag aalala niyang wika.

Ngumiti lang ako ng mapait.

"Please call me mama" umiling ako.. Alam kong malabo maayos ito.

"Nung una palang ay hindi na ako sangayon sa mga gusto ng magulang ni Elaine pero malapit siya sa mga anak ko kaya ginalang ko ito but seeing you and my son's condition. Mas lalo akong nagagalit." Aniya.

Hindi ako makapagsalita. Alam kong nasasaktan din si Tita. Ang dami ng nasasaktan.

"Tumawag si abby, hindi pa nag aalmusal si Francis. Pumunta ako at buti nalang ay napauwi ko muna siya sa condo niya pero ayaw niya paring kumain. He is punishing his own body. Please try to convince him atleast to eat. Sayo lang siya makikinig"

Parang sumisikip ang dibdib ko. Nagaalala ako sakanya. Sobra sobra ko siyang mahal. Mahal na mahal na kahit nasasaktan ako ay gusto ko maayos pa rin siya. Mas gugustuhin ko pa na ako ang masasaktan kay'sa pati siya ay nagdurusa.

Bakit niya ba ito ginagawa?

Tumango ako, pumasok ako ng bahay at nagbalot ng pagkain. Sumakay sa kotse ni Tita Rose. Hinatid niya ako sa condo ni Francis.

"Ikaw ng bahala" sabi niya sabay yakap sa akin.

"I can't promise anything" sabi ko nalang at lumabas. Dumeretso ako sa condo niya at kumatok.

Ilang minuto lang ay binuksan niya ito at nakita ko ang gulat sa mga mata niya. Naka suit parin siya hanggang ngayon. Magulo ang buhok niya at namumutla.

"Hindi mo man lang ba ako papapasukin?"

Parang natauhan siya sa sinabi ko at binuksan ang pintuan. Nalaglag ang panga ko sa nakikita ko. Ang dumidumi! Ang daming basag na gamit.

Gusto ko sanang punahin yun pero pinigilan ko ang sarili ko. Nilapag ko ang pagkain sa lamesa.

"Nagdala lang ako ng pagkain. Kainin mo yan" sabi ko at aalis na sana pero pinigilan niya ako.

Hinawakan niya ang braso ko at sobra akong nanghina.. I want to touch him so bad. His touch is making everything worst.

"Please stay" narinig ko ang pagmamakaawa sa boses niya.