ابدتِ بأطراف البنان مهابتي

البارت الاربعين

انفتح الباب يقطع حوارهم وهم يشوفونه داخل وهو اللي كانت نيته يتخلف لكن يوسف اصر عليه القى السلام وهو يجلس بجنب يوسف اللي همس له : ما حبيت راسه اليوم
رفع نظره للجد وصد من لما كان يناظر فيه : غاصبني بالجية إي بس ما بتغصبني بحب الروس
هز راسه باستغراب وهو يناظر لفهد اللي يهوش لأنس من لما قعد : انس عمي تعال عندي
هز انس راسه وهو يروح لعند يوسف وقال : لقد ازعجني المشاكس
كتموا ضحكهم وهم يشوفون ملامح فهد اللي وده يقول شي بس فهموا انه +١٥ .
بدوا ياكلون والسواليف تاخذ بعضها لين وصل الموضوع عند الجد اللي قال بأمر : السبت نحرك من الرياض الى ابها واللي ما كان عنده علم سمع الحين واللي غايب علموه.
استغربوا الزيارة البعض ولكن ردوا بهدوء : ان شاء الله
قال زايد بهدوء اجل انا بجيكم من الشرقية لاني اليوم بحرك ان شاء الله والخميس تخرج البنت ان شاء الله
هز راسه الجد بهدوء : ما شاء الله
باركوا له الجميع وهو مبتسم ويحب انها تخرجت ويحب اكثر انه يفتخر ويفاخر فيها خذت حلمه وهي تعرضه عليه وكأنها تقول "اذا ما قدرت انت ابشر به وكأني انت ".
.
.
ناظر لساعة جواله وهو يشوفها وحده فجر ، صار له ٣ ايام يدق عليها وهي تتجاهل ويرسل لها وتتجاهل ، شاف سنابها منزله ورد ونص منها ومن أيهم وكاتبه " تهديني الورد واهديلك على ذوقي وردٍ شرب من غرامك في شراييني" رجع يدق عليها وردت هالمره بس بقت ساكته وتكلم هو : لمتى؟
فهمت انه يقصد الزعل وردت تقول : ما تحملت وهي ٣ ايام بس لو اكثر وش تسوي؟ ما ودي اعاتبك ولا ودي اقول لك وش اللي لازم تسويه وليد .
تنهد وهو يقول : كنت ابي اشوفك واكلمك جيداء عشان ابي اطمنك بشوفي عشان ادري انك تبين وودك ليه هالمره ما بغيتيه !
هزت راسها بالنفي : شفتك طيب ، وتطمنت ، بس مو حلو شعور اني آخر وحده ابدا مو حلو ان كلهم يتطمنون و تجيني بآخر يوم لي في الرياض و بنص الليل بعد وقدام عمي واخوي ولا بعد تقول لي متلهف ؟
حط ايده على شعره وهو يقول : انا آسف طيب ، لو ما كفاك ابجيك الحين للشرقية اقولها لك لو تبين .
رفعت حاجبها بهدوء : وهذا اللي تقدر له بس ؟
ما فهم قصدها وهو يقول : وش اسوي ؟ تبين ورد وتكتبين لي اغنيه ثانيه ولا تبين وشو ؟ سمي بس
زفرت وهي ما عاد تقدر تشتاق اكثر وقالت بهدوء : اكره شوقي لك هالوقت بالذات ، تدري؟
ابتسم وهو يقول : اشتقت لك
حاولت ما تنزل دمعتها وهي تقول : بكره تخرجي ، تمنيت انك اول واحد باركت لي و تمنيت فرحنا سواء انا وانت بس كلها أمنيات لان كلهم سبقوك وبقيت آخرهم .
سمع تنهيدتها الآخيره : شفتي الواتس؟
هزت راسها بالنفي : لا
قال بهدوء : طيب لو فكيتي الاشعارات كان شفتي كلامي من ٣ ايام وشهو .
فتحت الواتس وهي تشوف ٢٢ رساله منه ، ابتسمت تشوف كلامه و ابتسم هو يحس ابتسامتها .
"حبيبي انا آسف وادري ما تعذرين بس والله ما توقعت انها تكبر هالقد "،شافت الرساله اللي بعدها " وحشتيني " ، " ما قدرت انام افكر فيك ، طمني قلبي عليك " ، " يومين وتتخرجين وانا والله فخور فيك وفخور باللي سويتيه ، مبروك يا عيونه ومنها للأعلى عقبال ادخل السجن واوكلك محاميتي"
ضحكت تشوف كلامه وهي تقول : بسم الله عليك
هز راسه يناظر الفراغ بنعاس : جيداء رضيتي؟
عقد حواجبها : خير وش هالاسلوب
ضحك وهو يقول : عشان فيني نوم ، بديّتك على نومي شفتي
.
.
-
"بعد حفلة التخرج"
ابتسم زايد بحُب وهو يشوفها تتقدم اتجاهه بفرحة عظيم وهو يضمه له بفخر : الحمدلله على التمام يا بابا الحمدلله الله بلغني هاليوم ، الف مبروك لك هالانجاز يا ابوي
مسحة دمعتها اللي على كتف ابوها وهي تحسه يشد عليها بقوة ولما ابتعد قرب يحب راسها وهو يطول لثواني وبعد ما ابتعد هو ، تقدمت لأمها وهي تضمها بدموع : الف مبروك يا ماما شرفتينا ورفعتي روسنا ورفعتي قدر نفسك ، وعقبال الوظيفة يا روحي
ابتعدت عنها وهي تمسح دموعها : يارب ماما ، التفت تدور أيهم وهي تقول : وين أيهـ..
انبترت كلمتها وهي تشوفه جاي وبإيدن باقة توليب كبير باللون ابيض وتقرب لها وهو يطلع وجهة من ورا الباقة بضحكة : هلا هلا بمحاميتي هلا باللي شرفتني وارفعت روسنا ، مبروك يا قلب ايهم انتي ومن نجاح لنجاح وانا اخوك
تقدمت له وهي تضمه وهو يدور فيها ويضحك بحب تذكر الباقة وهو يقول : تصادفت مع المندوب عند الباب واعطاني هي
عقدت حواجبها وهي تكتم ضحكتها لمن طرا هو على بالها لان محد يطري على باله التوليب الا هو .
ركبت مع ابوها وايهم اتجه يخلص أموره لانه بيروح للرياض ، التفتت على صوت الاغنية اللي ملت أركان سيارة ابوها :
" أفتخر يا تاج راسي أنا فيك
واحتويك بوسط روحي والاعماق
في حياتي شفتها في مواقيك
ياللي من تضحك لي
تضحك لي الآفاق "
دمعت عيونها من المشاعر اللي داهمتها بلحظة وهي تشوف امها وابوها مستانسين لها و كأنها اعطتهم الدنيا وما فيها .
.
.
-
"بيت زايد - الشرقية "
دخلت البيت وهي تقول لأمها : ماما بروح الحين اناام ولا ابي اصحى الا بكرا طيب؟
ما مداها تسمع لأمها وهي تنصدم من الاضاءة اللي اشتغلت ومن البنات اللي صرخوا كلهم بـ"مبروك" والاغنية اللي اشتغلت وهم يرددون معاها :
"يا هلا بالحلم وينك من زمان
يا حلاتك وانت متحقق بإيدي"
رفعت الباقة والوثيقة وهي تغطي وجهها وتضحك ، تجمعوا حولها وهم يدورون ويصفقون ويغنون بحُب عندها .
خلصت الاغنية وهي تناظرهم وقالت بصوت كله دموع : بنات احبكم
ضحكوا وهم يسلمون عليها ويباركون لها ، وابتسمت لما شافت ليّا تتقدم لها وبيدها ورده حمرا وهي تقول : لقد فعلتِها ايتها المُحامية
عضت داخل شفتها وهي تصرخ بحب : باكلها باكلها ، نعم لقد فعلتها
ضمتها وهي تحبها بقوه ، وقامت لما شافت آسية تتقدم لها وبضحكه تقول : مبروك يا عيوني ومنها للاعلى يارب
حضنتها بدموع وهي تقول : آمين يارب يا خاله الله يسعدك يارب
هزت راسها بالنفي : لا لا مو خالة إما ماما أو آسية بس
ضحكت وهي تقول : ويا احلى ماما
راحت للبنات وهي تترك آسية مع امها وتقدمت تشوف البنات مرتبين الجلسه عند المسبح و مشغلين الاغنية نفسها ويصورون دخولها ضحكت تتقدم لبنان وهي عابسه شفايفها صرخت بحب : احبكم والله احبكم
ضمت بنان وهي تقول لها : ببكي احس
ضحكت وهي تشد عليها وتمنعها : خير خير ! باقي بنصورك عدل طيب!
كملت تسلم على فدوى و جنى وبشرى وجدتها وحريم اعمامها الباقين .
ضحكت من شافت سعود و يوسف وهم يستهبلون ويرقصون عند البنات ، لمحها يوسف وتقدم لها يحضنها بحب عظيم : يا فخري بهالدنيا و يا عزي ، مبروك يا عمي وعساك من نجاح لنجاح والله يسعدك زي ما اسعدتي الجميع
ابتسمت وهي تشد عليه وانبح صوتها من كثر كتمها للدموع بهاللحظه ، ضحك وهو يحس انها ما تبي تبكي : يلا روحي انبسطي وشوفي هديتي وتراها غاليه والله وابد اعتبريها دين لين تشتغلين .
ضربته على صدره وهي تبعد تسلم على سعود اللي فتح لها يده : تعالي تعالي يا مال العز يا بنت زايد
قربت وهي تهمس بإذنه : ولدك الجاي سميه عز أجل
ضحك وهو يحب راسها ويأشر على خشمه : ابشري وتم وعلى هالخشم .