Anger
"ဒီမှာ......မိန်းမ....."
အဲ့ဒါကျွန်မသိပ်ချစ်ရတဲ့Honeyက ကျွန်မလက်ထဲကစာအုပ်ကိုဆွဲယူလိုက်ရင်း နှုတ်ခမ်းစူပြီးကျွန်မကိုအော်ဟစ်လိုက်တဲ့အသံလေ။
"ရှင်.........."
သူကြိုက်တတ်တဲ့ပြန်ထူးသံလေးနဲ့ကျွန်မပြန်ထူးမိတယ်။
"ကျစ်....."ရှင်".....လုပ်မနေနဲ့။မင်းလေးကို......"
"အဲ့ဒါဘာဖြစ်ရတာတုန်း Honeyရဲ့"
"ဒါဘာတွေရေးနေပြန်တာလဲ ကလေးမ"
"စာရေးနေတာလေ"
"စာရေးနေတာတော့သိတာပေါ့။ဘာတွေရေးနေတာလဲမေးတာကို....."
"ခံစားချက်စာသားလေးတွေလေ Honey......."
"ဟာ.....ကိုယ့်ကိုပြန်ခံပြောနေတာလား ကလေးမ......ဟမ်.......မင်းတော့......"
"ကလေးကိုမအော်နဲ့နော်။ရှင်ကြီးအဲ့လိုခဏခဏလုပ်သိလား။ကလေး အသက်မရှိတော့မှ နားလည်မယ်.....။ကျွန်မကိုဘယ်လိုမှကယ်တင်နိုင်မှာမဟုတ်ဘူးသိလား"
"ဘာ.....ဘာပြောလိုက်တယ်။ပြန်ပြောစမ်း ကလေး.....။ကိုယ့်ကိုအသုံးမကျဘူးလို့ပြောချင်တာပေါ့လေ....ဟုတ်လား.....ပြောစမ်း....ကလေး"
အဲ့ဒီကောင်မလေးကဒေါသတကြီးနဲ့ကျွန်မကိုအော်ဟစ်နေပြန်ပြီလေ။
ကျွန်မရဲ့ Honeyကသိပ်ဒေါသကြီးတတ်တာ။ကျွန်မက ဒေါသကြီးလွန်းတဲ့လူတွေဆိုသိပ်မုန်းခဲ့တာ။သူမနဲ့မတွေ့ခင်အချိန်အထိပေါ့။အခုတော့ သူမကိုချစ်တဲ့စိတ်နဲ့ဒေါသတွေကိုလက်ခံပေးနိုင်လာခဲ့တယ်လေ။
ဒေါသကအန္တရာယ်သိပ်များတယ်။ကိုယ်ချစ်ခင်မြတ်နိုးရတဲ့အရာတွေကိုဆုံးရှုံးရတတ်တယ်လေ။အဲ့ဒါကြောင့် ဒေါသတွေကိုကျွန်မသိပ်မုန်းတတ်ခဲ့တာ။
အဲ့ဒီကောင်မလေးကိုကျွန်မသိပ်ချစ်တယ်။ဘယ်လောက်အထိချစ်လဲဆိုတာကို စကားလုံးတွေနဲ့ဖော်ပြလို့မရနိုင်ဘူး။သူမကိုချစ်တဲ့အချစ်တွေကိုနှိုင်းယှဉ်ပြစရာဘာမှမရှိဘူး။
ဒါပေမယ့် သူမကတစ်ခါတစ်လေ ကျွန်မကိုသံသယရှိနေတတ်တယ်။ကျွန်မကိုမယုံကြည်ဘူး။ကျွန်မကိုနည်းလမ်းအမျိုးမျိုးနဲ့နှိပ်စက်လိုက်၊အနိုင်ကျင့်လိုက်၊စမ်းသပ်လိုက်နဲ့လုပ်တတ်သေးတာ။ကျွန်မကြည်ဖြူပါတယ်။သူမနဲ့ပတ်သက်သမျှအရာရာကိုလက်ခံပေးမယ်လို့ကတိပေးပြီး သူမအနားမှာကပ်တွယ်နေခဲ့မိတာကိုး.....။
YOU ARE READING
To My Girlfriend
言情ဒီမှာရှိနေမယ့်စာမျက်နှာလေးတွေမှာကောင်မလေးတစ်ယောက်က သူရရှိပိုင်ဆိုင်ထားတဲ့ချိုမြိန်ခြင်းလေးနဲ့ပတ်သက်ပြီး နေ့ရက်တိုင်းမှာခံစားနေရတဲ့ခံစားချက်တစ်ချို့ကိုစာသားတွေအဖြစ်ချရေးထားမှာဖြစ်ပြီးသူမရဲ့ခံစားချက်တွေကို စာမျက်နှာပေါင်းများစွာရေးသားဖို့ပြင်ဆင်ထားတာပ...