အခန်း(၁၇)
မိုးကုတ်မြို့
မိုးကုတ်မြို့သည် မြန်မာနိုင်ငံအထက်ပိုင်း၊ မန္တလေးတိုင်းဒေသကြီး၊သပိတ်ကျင်းခရိုင်တွင် ပါဝင်သော မိုးကုတ်မြို့နယ်၏ ရုံးစိုက်မြို့ဖြစ်သည်။ ကမ္ဘာတွင် အကောင်းဆုံး ပတ္တမြား သည် မိုးကုတ်မှ ထွက်သည်။ ထို့ကြောင့် ပတ္တမြား၊ နီလာ စသော ကျောက်မျက်ရတနာ ထွက်ရာဒေသအဖြစ် မြန်မာနိုင်ငံတွင် သာမက ကမ္ဘာတွင် ထင်ရှားသည်။ ဗြိတိသျှတို့ သိမ်းပိုက်စက မိုးကုတ်မှာ ခရိုင်ဖြစ်၍ ပတ္တမြားတွင်းခရိုင်ဟု တွင်သည်။
(ဤသည် ကိုးကားချက်ဖြစ်၏။)
မိုးကုတ်မြို့၀န်းကျင်ရှိ ရွာများတွင်အချို့က တောင်ယာစိုက်ပျိုးလုပ်ကိုင်ကြလျှက်ရှိပြီး အချို့ကမူ တွင်းလုပ်သားအဖြစ်လုပ်ကိုင်ကြသည်။
ေကျာက်တွင်းအများစုတည်ရှိနေရာသည်
ကင်းရွာအနီးတွင် အများဆုံးရှိကြပြီး မိုးကုတ်မြို့မှ သူဌေးများမှာ ထိုကျောင်းတွင်းများကို အပိုင်၀ယ်ယူ၍လုပ်ကိုင်လျှက်ရှိသည်။
တွင်းသားများအတွက်မူ အလုပ်နှင့်ပက်သက်၍ စရိတ်အပြင် စားစရိတ်မှန်သမျှအတွက်ပါ
သတ်မှတ်ထားသည့်ဈေးနှုန်းအတိုင်း
သူဌေးတို့က ထုတ်ပေးလုပ်ကိုင်ကြေလသည်။
အချိုကမူ ၃စု ၁စု ရှယ်ရာအရ လုပ်ကိုင်ကြသလို
အချို့ကမူ လစာဖြင့်လည်း လုပ်သူကလုပ်၏။
ဤအကြောင်းများကို ကျွန်ုပ်မိုးကုတ်မြို့ရောက်ပြီး
၃လအကြာတွင် နှံ့နှံ့စပ်စပ်သိခဲ့ရ၏။
ဖိုးဖိုးဖွားဖွားတို့ အကူအညီကြောင့်လည်း ပါသည်။ ဖိုးဖွားတို့မှ အသက်ကြီးလာသည်နှင့် လက်လွှဲဦးစီးရန် ကျွန်ုပ်တစ်ယောက်တည်းသာရှိသဖြင့်
အားကိုလိုသည်ထင်။
တွင်းထွက်ပစ္စည်း ပတ္တမြားနှင့်ပက်သက်သည့် အကြောင်းအရာများနှင့် ဈေးကွက်အစရှိသည်များကို သင်ကြားပေးသည်။တခါတရံ ကင်းရွာမှ ဖိုးဖွားတို့အပိုင်တွင်းသို့ပါ သွားရောက်လေ့လာ၍ အဖိုးကိုယ်တိုင် စီမံခန့်ခွဲရေးကိုပြသည်။
သိပ်တော့ မခက်ခဲလှပါချေ။
နောင်တချိန်၌ မိမိအသက်မွေးကြောင်းဖြစ်မည့်
အလုပ်ဖြစ်သည်ကြောင့် အာရုံပိုစိုက်ရာ လွယ်လွယ်ဖြင့် တတ်မြောက်ခဲ့၏။ ကျွန်ုပ်တင်မက ဘေးမှဟိုကြည့်သည်ကြည့်ရင်းက ပါလာသည့် ချစ်လင်သည်လည်း အနည်းငယ်နားလည်စပြုနေပြီ။
YOU ARE READING
"အနိုင့်ဉယျာဉ်မှူး"
General Fiction#Credit photo အောင်ရဲမြတ် ခေတ္တယာယီယူသုံးထားသည့်
