عازف بنيران قلبي

اقتباس من الفصل الأخير

اقتباس من الجزء الثاني
الفصل الأخير

فمن يعشق القمر يتحمل غيابه
ومن يعشق الشمس يتحمل حرارتها

-لا والله..وايه كمان ياعم القمر والشمس ..
قهقه عليها يجذبها ثم لف ذراعه على أكتافها
-مغرور صح ياروحي..اعتدلت بجلستها تتلاعب برابطة عنقنه
حتى قامت بنزعها
-مش مغرور بس ياحبيبي ،،دا نفخة كدابة ومش بس كدا، طاووس مغرور، دنت تنظر لمقلتيه، قائلة:
-براحة على نفسك ياجنتل، مش مرتاحة للهدوء بتاعك دا
اقترب من وجهها الذي رسمه بعيناه، وهمس بنبرة شجية ارسلت ذبذبات لقلبها الضعيف
-دايما ظلماني ياتنينتي الشرسة، انا قصدي القمر عليكي، لما بتغيبي عني بكون تايهة زي ظلمات البحر دا بالليل

تخللت أناملها خصلاته، وابتسامة مغرمة به جعلت عيونها لامعة ثم همست له
-على اد وجعي على أد سعادتي دلوقتي، لمست وجنتيه بأناملها
مفيش اجمل من عوض ربنا ياراكان، تعبنا أوي واتوجعنا أوي اوي، بغض النظر على اخطائنا لكن اتحملنا وجع يكفي لأعوام، بتمنى تفضل حياتنا كدا، عبرة انسابت رغم عنها عندما لاحت ذكريات الماضي لقلبها
-أنا بحمد ربنا اوي ياراكان، بجد ربنا بيختار للأنسان الأجمل لكن للأسف احنا دايما متسرعين وكل  حاجة وحشة بتحصل بنقعد نلوم القدر، منعرفش إن دي ترتيبات من ربنا علشان نعرف قيمة الحاجات اللي بنضيعها، يمكن لو كنا اتجوزنا اول مااتعرفنا على بعض كانت حياتنا بقت مأسوية، مكناش عشنا السعادة
زفرة حارقة بألم  ماضي دفنته السنين ثم احتضنت كفيه تلمسه بحنو
عارفة إني وجعتك كتير، وتعبتك اوي ..رفعت ليلها ليلتقي بشمسه اللامعة من كلماتها
-انا كنت بتألم أضعاف ..أصبحت دموعها كزخات المطر وشريط لقائتهما أمام عيناها ..دنت تضع جبينها فوق خاصته وبكت بشهقات مرتفعة نزلت على قلبه كجمرة ناريه..إشش انسي

هزت رأسها ثم هتفت بتقطع
-غصب عني، عارفة كنت غبية بقرارتي بس دا من وجع قلبي، لما يبقى قدامك شخص بتحبه وبتكره في نفس الوقت دا لوحده بيخليك فاقد عقلك، بدوس على نفسك، بقيت ادوس علشان كرهي لك يزيد للأسف انا  اكتر واحدة أتأذيت من كدا..  رفعت عيناها الباكية وتقابلت بعيناه
-للأسف كل واحد كان شايف التاني من منظور ..بس دا مقللش حبنا بالعكس اتعلقنا ببعض لدرجة بقيت أتنازل عن حاجات علشان افضل جنبك وبس ..وضع ابهامه على شفتيها
-إنسي ياليلى، الماضي انسيه وادفنيه، انا نسيته، جمع خصلاتها على جنبا وابتسم قائلا:
-صدقيني لو فكرت في ماضينا مكناش دلوقتي مع بعض، ربنا انعم علينا بنعمة النسيان علشان تقدري تتأقلمي، لو فضلنا واقفين على الماضي هنندفن احنا مش هو
جذب رأسها لأحضانه
-غلطنا واتعاقبنا، المعادلة محلولة ياقلبي..مش عايزك تتكلمي في الماضي تاني لو سمحتي
تمسحت بصدره كقطة أليفة مردفة:
-رغم الألم بس كنت بعشق خنقاتك يامعذبي
جحظت عيناه من كلماتها، فأخرج رأسها قائلا
-