ခိုင်မြဲ မရောက်ချင်ဆုံးအချိန်က ခိုင်မြဲရှေ့တည့်တည့် ရောက်လာခဲ့ပြီ။စားပွဲပေါ်တင်ထားတဲ့ စာရွက်စာတမ်းတွေ ကြည့်ပြီး ခိုင်မြဲ ငိုချင်လာသည်။
ဟင့်အင်း။ ငိုချင်တယ်ဆိုတဲ့ ခံစားချက်ထက်ပိုပြီး ရှုပ်ထွေးနေသည်။
ယောကျာ်းက တစ်ရက်တော့ လမ်းခွဲဖို့ပြောလာမယ်ဆိုတာ သိခဲ့ပေမယ့် အခုလောက်မြန်မယ် မထင်ခဲ့။
မနေ့ကမှ ရင်ထဲရှိသမျှ ခွန်အားတွေနဲ့ ဖွင့်ပြောခဲ့ရတာ။
" ဘာ..ဘာလို့လဲ"
" လောလောဆယ် ကိုယ်တစ်ယောက်တည်းပဲ နေချင်တယ်"
ယောကျာ်းက စီးကရက်ကို လက်ကမချစတမ်းသောက်နေပြီး ခိုင်မြဲ ကို စိတ်မရှည်သလိုမျိုး ကြည့်နေသည်။
" ဒါဆို ကျနော် တခြားသွားနေပေးမယ်လေ၊ ယောကျာ်း အရင်က ပေးထားတဲ့ အသုံးစရိတ်တွေနဲ့ အဆင်ပြေမယ့် နေရာမှာ ခဏ-"
" ကိုယ်တို့ စာချုပ်ကို ဖျက်သိမ်းပြီး ဘာမှမသက်ဆိုင်တော့တဲ့ လူတွေလိုနေဖို့ ပြောနေတာ.. "
ခိုင်မြဲ ကုလားထိုင်ကနေ ဆင်းပြီး ကြမ်းပြင်ပေါ် ဒူးထောက်လိုက်ကာ
" ယောကျာ်း.. အဲ့လိုမလုပ်ပါနဲ့ .. ကျနော် ပြင်ပါ့မယ် ယောကျာ်း မကြိုက်တာ မလုပ်မိအောင်နေပါ့မယ်.. ချစ်တယ်လို့လည်း ထပ်မပြောတော့ဘူးနော်..."
" ပြောရခက်လိုက်တာ ခိုင်မြဲရာ.. ချစ်တယ်တွေ မချစ်ဘူးတွေကို ငါစိတ်မဝင်စားဘူး.. အခု ငါမင်းကို လုပ်စေချင်တာ စာချုပ်ဖျက်သိမ်းတာကို လက်မှတ်ထိုး.. ပြီးတော့ ဒီ တိုက်ခန်းမှာ သွားနေပြီး စီစဉ်ထားတဲ့အတိုင်း ကျောင်းဆက်တက် နိုင်အောင် လုပ်.. ကုန်ကျစရိတ်တွေက မင်းစိတ်ပူစရာမလိုဘူး.. "
" ဟင့်အင်း... မသွားဘူး။ ဒီအိမ်မှာပဲနေမှာ.."
ယောကျာ်းခြေထောက်ကို ဖက်ထားပြီးပြောတော့ ယောကျာ်းက မရုန်း။
ငြိမ်ငြိမ်လေးသာနေသည်။
" မင်းငါ့ဆီက ဘာလိုအပ်တာရှိသေးလို့လဲ? တကယ်လို့ မင်းအတွက် Dom တစ်ယောက်လိုတာဆိုရင်လည်း စီစဉ်ပေးလို့ရတယ်"
![](https://img.wattpad.com/cover/188731140-288-k591432.jpg)
YOU ARE READING
တစ်ဦးတည်းသော [ZG+UNI]
Romance*အသက်(၁၈)နှစ်ပြည့်ပြီးသူများသာ ဖတ်ရန်* ကမ်းခြေကိုအလည်သွားရင်း မထင်မှတ်ဘဲ တွေ့ဆုံပြီး သူတို့နှစ်ယောက် တစ်ညတာအတူဖြတ်သန်းဖြစ်ခဲ့တယ်။ တစ်ညကုန်သွားပြီးပေမယ့် လက်မလွှတ်ပေးချင်တဲ့သူက ကောင်လေးကို တစ်နှစ်တိတိ သူ့ဘေးနားမှာ ရှိနေပေးနိုင်မလား ဆိုပြီး ကမ်းလှမ်းခ...