ကမ္ဘာပျက်ကပ်မှာ ငါ့မိသားစုကို ကယ်တင်မယ်

အခန်း ၉၁ မျိုးဗီဇပြောင်းကြောင်

"ကိုယ်တစ်ယောက်တည်း လုပ်နိုင်တယ်"
လုဟောင်က ပြန်ဖြေလိုက်သည် ။လုကွမ်ဟိုင်း၏  မီးတောက်လေးတွေက မမြင်ရလောက်အောင်ကို  သေးငယ်လွန်းသည်ဟု ခံစားရတာ ကြောင့်ပင် ။

"ဟေ့‌ရောင် မင်း ဘာကိုဆိုလိုချင်တာလဲ ငါ့သား မင်းအဖေကို နှိမ်တာလား။"
လုကွမ်ဟိုင်းသည် သူ့ကိုယ်သူ လေးစားခံရသည့် အဖေတစ်‌ ယောက်အနေနှင့် စိန်ခေါ်ခံလိုက်ရသည်ည်ဟု ခံစားလိုက်ရသည်ည်။

"မိန်းကလေး၊ အဘိုးကြီးလု အတွက် ရွှမ်ဟောင် ယပ်တောင်ကို ထုတ်ပေးသင့်တယ် ထင်တယ် "
နီးချင်သည် ဘေးနားရပ်နေရင်း  အပြောလိုက်သည် ။
အမှန်ပင် သူမ၏ နေရာလွတ်နယ်မြေအတွင်း သိမ်းဆည်းထားသည့်  လျှို့ဝှက်ဆန်းကြယ်သော မီးယပ်တောင် တစ်လက်ရှိသည် ။ ထိုလျှို့ဝှက်ဆန်းကြယ်သောမီးယပ်တောင်သည် လုဟောင်၏ ဗီဇပြောင်းမီးစွမ်းရည်ကို ဖြစ်စေ ၊ လုကွမ်ဟိုင်း၏ ပုံမှန်သဘာဝလွန် မီးစွမ်းရည်ကို ဖြစ်စေ မီးမှန်သမျ ထိတွေ့လိုက်တိုင်း ၎င်း၏စွမ်းအားကိုပြသနိုင်လိမ့်မည်။

စုကျင်းသည် သူမလက်များကို ကျောပိုးအိတ်ထဲထည့်ကာ လျှို့ဝှက်ဆန်းကြယ်သော မီးယပ်တောင်ကို ထုတ်ယူ၍ လုကွမ်ဟိုင်းအား ပေးလိုက်သည်။

လုကွမ်ဟိုင်းအား ထိုယပ်တောင်အကြောင်းနှင့်ပတ်သက်ပြီး လုဟောင်အား အမည်မသိ ပညာရှင်တစ်‌ယောက်မှ ပေးထားခြင်းဖြစ်သည်ဟု နီးချင် ပြောပြခဲ့ဖူးသည် ။ လုကွမ်ဟိုင်း အနေနှင့် ယခင်ကတည်းက ထိုယပ်တောင်အကြောင်း နီးချင်ဆီမှ ကြားဖူးသော်လည်း  ယခုလို အသုံးပြုခွင့်ရဖို့ မမျှော်လင့်ထား ခဲ့ပေ ။

ထိုယပ်တောင်ကို ရသောအခါ လုဟောင်သည် တိုက်ပွဲအတွင်း ဝင်ရောက်နေခဲ့ပြီး ဖြစ်သည် ။

"မင်းတို့ သုံးယောက် အရင် ထွက်သွားလိုက်တော့!"

လျောင်ယိဖန်းတို့ သုံးယောက်ကို မတော်တဆ ထိခိုက်ဒဏ်ရာရခြင်းမှ ရှောင်လွှဲနိုင်ရန် နောက်ပြန်ဆုတ်ခိုင်းလိုက်သည် ။  မျိုးဗီဇပြောင်းကြောင် သည် ရှေ့ကို တရှိန်ထိုးခုန်ဆင်းဖို့ရန် ကြိုးစားချင်‌ သော်လည်း သူ့ ခန္ဓာကိုယ်၏ ဘယ်ဘက်ခြမ်းကို မြင်လိုက်ချိန်တွင် နာကျင်စွာ အော်ဟစ်လိုက်တော့သည်။ သူ့ ခန္ဓာကိုယ်ကို မီးလောင်နေပြီ။  ထိုမီးတောက်သည် အဆိပ်ပါရှိပုံရပြီး နာကျင်လွန်းတာကြောင့် ပြင်းထန်စွာ အော်ဟစ်နေခဲ့သည်။သူသည်  မီးကို လူးလှိမ့်ကာ ငြှိမ်းသတ်ဖို့ ကြိုးစားခဲ့ သော်လည်း  လုံးဝသက်ရောက်မှုမရှိ ပေ။