"ဒီကလေး ဘာကျေးဇူးလဲ၊ အိုးထဲမှာ ထပ်ရှိနေတုန်းပဲ၊ ငါ တစ်ယောက်တည်း စားမကုန်နိုင်ပါဘူး ၊ ......."
လီရှို့ယင်း သည် ခေါက်ဆွဲပြုတ် ရေဆူလာရန် စောင့်နေသည်။
"အဘိုး၊ အလုပ်က ပင်ပန်းတယ်လေ ၊ လက်နဲ့ ခေါက်ဆွဲလုပ်ရတာ မပင်ပန်းဘူးလား"
"မပင်ပန်းပါဘူး၊ အခု မင်းအဖွားနဲ့ ငါ့ခန္ဓာကိုယ်က အရင်ကထက် အဆပေါင်းများစွာ ပိုကောင်းလာတယ်"
လင်းယွင်ကော ပြောတာ အမှန်တရားဖြစ်သည် ။ သူသည် နယ်မြေအတွင်းမှ ခန္ဓာကိုယ်အားဖြည့်ဆေး Pei Yuan Dan ကိုစားပြီးကတည်းက လီရှို့ယင်းနှင့်အတူ မကြာခဏ သက်ပြင်းချမိခဲ့သည်။ ယခု သူ့ခန္ဓာကိုယ်သည် လူငယ်နှင့် လူလတ်ပိုင်းကာလသို့ ပြန် ရောက်သွားပုံရသည်။ ဘယ်လောက်ပဲပင်ပန်းနေပါစေ အမောပန်းတော့ပေ။ အရမ်းပင်ပန်းနေချိန်တွင် ခဏလောက်အနားယူရုံနှင့်ပင် ချက်ချင်းသက်သာသွားသည် ။ ဟိုးအရင် တစ်ချိန် ကမ္ဘာမြေပေါ်မှာ ရှိစဉ် သူတို့နှစ်ယောက်သည် ခပ်ဝေးဝေးကို လမ်းလျှောမိ ရုံနှင့် အသက်ရှုကြပ်ကာ မောပန်းနေခဲ့ကြဖူးသည် ။
"အဘိုးနဲ့ အဘွား တို့ နှစ်ယောက် အဆင်မပြေရင် ချက်ချင်း ပြောရမယ် နော် ၊ အမေနဲ့ သမီးတို့ ကုသပေးနိုင်တယ် ၊ ပြီးတော့ ဒီနေ့ သမီးတို့ ဆရာဝန် တစိယောက်ကို ကယ်ခဲ့သေးတယ်"
အဘိုးနှင့် အဖွားသည် ချက်ခြင်းစိတ်ဝင်စားမှု ရှိလာကာ သူမကို ကြည့် လာကြသည် ။ စုကျင်းသည် ခပ်ပြုံးပြုံးနှင့် တံခါးဘောင်ကို မှီကာ ယနေ့နံနက် ဖြစ်ပျက်ခဲ့သည်များကို ပြောပြလိုက်သည်။
"ဆရာဝန်က တစ်ကိုယ်ရေသန့်ရှင်းမှု စွဲနေသေးလား"
စုကျင်း ပြောတာကို နားထောင်ပြီးနောက် လူကြီးနှစ်ယောက်လည်း အံ့သြသွားကြသည်။ တစ်ချိန်တည်းမှာပင်၊ ဤဆရာဝန်သည် အိမ်တွင် အနီရောင်အ၀တ်မရှိသောကြောင့် ကယ်ဆယ်မခံရသည်ကို ကြားတော့ ရယ်စရာကောင်းသည်ဟု ခံစားမိလာသည် ။ သူ၏ သန့်ရှင်းမှု စွဲလမ်းမှုကြောင့် အိမ်မှာ ငတ်သေလုနီးပါး ဖြစ်သွားတာလား။
ဟာသအဖြစ် ဆက်ဆံခံရသော ယောင်ယိသည် စုကျင်း ချန်ထားခဲ့သော ပြောင်းဖူးရိုးကို ကိုက်ပြီး ရှေ့မလှမ်းမကမ်းရှိ ဗီလာကို လှမ်းကြည့်လိုက်သည်။ ယနေ့ကစ သူ၏မငြိမ်မသက်သော နှလုံးသားသည် ထိုလူစုကို မှီခိုအားထားနေမိပြီဖြစ်သည်။
YOU ARE READING
ကမ္ဘာပျက်ကပ်မှာ ငါ့မိသားစုကို ကယ်တင်မယ်
Spiritualဝတ္ထု အကျဉ်းချုပ် Details Short Title : BMWF Alternate Title : 末世重生之我带全家去打怪 Status : Completed Author : Pray slowly Genre : Action, Romance Tags : Apocalypse, Cultivation, Devoted Love Interests, Doting Love Interests, Doting Parents, Familial Love...
