Expectantion
"ဟန်နီ....."
အိမ်ထဲသို့လှမ်းဝင်လာခဲ့တာက ကျွန်မသိပ်ချစ်ရတဲ့ဟန်နီကြီးရယ်ပါ။သူမက ကျွန်မဆီသို့ အပြေးလှမ်းလာရင်း ပျော့ခွေယိမ်းယိုင်သွားတဲ့ကျွန်မက ပွေ့ထားလိုက်တယ်လေ။
"ကလေးငယ်.....သတိထားဦးလေ"
"ရင်ဘတ်အောင့်တယ် ဟန်နီ"
"ဟင့်အင်း... မအောင့်ရဘူး ကလေး။ကိုယ့်ကလေး နာကျင်နေတာမမြင်ချင်ဘူး"
သူမက ဆရာဝန်ခေါ်ပေးတာတွေ၊ကျွန်မကိုပွေ့ယူပြီးအိပ်ရာထဲချပေးတာတွေလုပ်နေလေရဲ့။ကျွန်မဟာသူမရဲ့လက်တွေထဲမှာပျော့ခွေရင်း သူမပြုလုပ်သမျှကိုခံယူနေခဲ့ရတာပေါ့။
ဆရာဝန်ရဲ့ကုသမှုခံယူပြီးလို့အခြေအနေတွေတည်ငြိမ်သွားတဲ့အခါမှာတော့ သူမကိုကျွန်မစကားဆိုမိတယ်။
"ကလေးဆီကိုပြန်လာခဲ့တာလားဟင်"
"ကိုယ်ကလေးလေးဆီက ကိုယ်ထွက်မသွားခဲ့ပါဘူး။ဘယ်တုန်းကမှထွက်မသွားခဲ့ပါဘူး ကလေးရယ်။ကိုယ်ဘယ်မှမသွားဘူး ကလေး။ကလေးအနားမှာရှိနေမှာ...."
"ကလေးကိုပြောတော့ စွန့်ပစ်လိုက်ပြီဆို.....ကလေးကို....ကလေးကိုမုန်းတယ်ဆိုပြီး....ဟန်နီက....."
သူမကိုစကားဆက်မပြောနိုင်တော့ပဲ ရှိုက်ကြီးတငင်ငိုချမိတော့တယ်။ကျွန်မရဲ့အခြေအနေကိုကြည့်ရင်း သူပြာယာခတ်သွားတယ်လေ။
"ကလေး.....ကလေးရေ.....မငိုနဲ့လေ....မငိုရဘူးလေကွာ"
"ကလေးကိုရွံတယ်....မုန်းတယ်....စွန့်ပစ်လိုက်ပြီဆိုပြီး....ဟန်နီထွက်သွားတာ......"
"ဟာကွာ.....ကိုယ်ထွက်သွားတာမဟုတ်ပါဘူး ကလေးရယ်....ကိုယ်....ကိုယ့်ဒေါသတွေကြောင့် မင်းလေးကိုတစ်ခုခုထိခိုက်အောင်လုပ်မိမှာစိုးလို့....."
"ဟင့်အင်း.....ဟင့်အင်း.....ဟန်နီ ထွက်သွားခဲ့တာ အကြာကြီးလေ..."
"ကိုယ်ထွက်သွားတာ တစ်ပတ်တောင်မပြည့်သေးပါဘူးကွာ"
"တစ်စက္ကန့်တောင် ကလေးနားကမခွာတဲ့သူက အခုလိုအကြာကြီးထွက်သွားတာကို...."
YOU ARE READING
To My Girlfriend
Romanceဒီမှာရှိနေမယ့်စာမျက်နှာလေးတွေမှာကောင်မလေးတစ်ယောက်က သူရရှိပိုင်ဆိုင်ထားတဲ့ချိုမြိန်ခြင်းလေးနဲ့ပတ်သက်ပြီး နေ့ရက်တိုင်းမှာခံစားနေရတဲ့ခံစားချက်တစ်ချို့ကိုစာသားတွေအဖြစ်ချရေးထားမှာဖြစ်ပြီးသူမရဲ့ခံစားချက်တွေကို စာမျက်နှာပေါင်းများစွာရေးသားဖို့ပြင်ဆင်ထားတာပ...
