မနက် 7 နာရီ ယွန်းဆော နှိုးစက်အသံကြောင့် မနိုးချင်လဲ နိုးလာရတယ် မနေ့ညကျ အိပ်မရလို့ အိပ်ယာပေါ်မှာ လူးလိမ့်နေတာ တော်တော်နောက်ကျမှအိပ်လိုက်ရတယ် 7 နာရီမလို့ ပြင်ဆင်ချိန် 1နာရီရတယ်
*Noti*
"Good morning ယွန်းဆော 8 နာရီမှာတွေ့မယ်"
သေချာတာပေါ့ ဂျောင်ဟျွန်းဆီက စာ မသိရင်သမီးရည်းစားတွေ ချိန်းတွေ့တာကြလို့
"Good morning"
ယွန်းဆော တိုတိုတုတ်တုတ်သာ စာပြန်လိုက်တယ်
"မိုချာထတော့"
အခုထိ မွေ့ယာပေါ်ကနေ မထသေးတဲ့ မိုချာ့ကိုလည်း ယွန်းဆောမှာ နှိုးရသေးတယ်
"ပေါ့ပေါ့ပါးပါးပဲဝတ်ကြတာပေါ့"
ယွန်းဆော အင်္ကျီအဖြူအပေါ် အဝါရောင် အပေါ်ထပ်လေးထပ်ဝတ်ကာ ဂျင်းဘောင်းဘီအပွလေး တစ်ထည်ကိုဝတ်လိုက်တယ် မညှပ်ရသေးတာကြောင့် အနည်းငယ်ရှည်နေတဲ့ ဆံပင်ကို တစ်ဝက်စည်းလိုက်ပြီး ပုံကို ကိုယ်လုံးပေါ်မှန်ပေါ်မှာကြည့်လိုက်တော့ သောက်ရမ်းချစ်ဖို့ကောင်းတဲ့ ဂျီယွန်းဆောလေး
စတော်ဘယ်ရီအနံ့ ရေမွှေးလေးကိုပါ စွတ်လိုက်တော့ ဂျီယွန်းဆောဟာ လုံးဝ ချစ်ဖို့ကောင်းတဲ့ ကလေးတစ်ယောက်အသွင်
"ချောသားပဲ ဂျီယွန်းဆော"
ပုံမှန်အပြင်သွားလေ့မရှိတဲ့လူမလို့ ပြင်ပြင်ဆင်ဆင်မနေတော့ ချောမောလှတဲ့ ရုပ်ရည်ကို ဖုံးကွယ်ထားသလိုဖြစ်နေခဲ့တာ
"သွားရအောင် မိုချာ"
မိုချာ့ကို လည်ပင်းထက် လည်ပတ်ကြိုးဆွဲပေးလိုက်ပြီး မိုချာနဲ့ အတူ ယွန်းဆော အောက်ထပ်ကို ဆင်းလာတော့ အမေနဲ့ တန်းတိုးတာပဲ
"အယ် ဆောလေး ဘယ်သွားမလို့လဲ"
"အပြင် ခန"
"တစ်ယောက်တည်းလား ဆောလေး"
ယွန်းဆော ဘဝမှာ မေးခွန်းတွေကိုအမုန်းဆုံးပါ သေချာပေါက် မေးတဲ့လူလဲပါတာပေါ့
"ဟင့်အင်း"
"ပိုက်ဆံပါရဲ့လား မုန့်ဖိုးယူသွားလေ အမေ့ဆောလေးက ဒီလိုလေးကျ ကိုယ်လူချောလေးပဲ"
YOU ARE READING
My Hidden Crush
Romanceငါ့ကိုကြိုက်တာလား မင်း Yunseo ဟင့်အင်း ငါမင်းကို မကြိုက်တော့ဘူး ငါမင်းကိုချစ်တာ Junghyun