Nightmare
"ဟင့်အင်း......ဟင့်အင်း.....မလုပ်ပါနဲ့......ဟန်နီရေ......တောင်းပန်ပါတယ်.....အား......မလုပ်နဲ့......ကြောက်တယ်.....ကြောက်......."
"ဟေး......ဟေး..... ကလေးငယ်လေး.....သတိထားဦးနော်.....ဟန်နီကြီးရှိတယ်"
ကျွန်မရဲ့ကိုယ်လေးကိုတယုတယပွေ့ဖက်လှုပ်နှိုးလိုက်တဲ့ ဟန်နီကြီးရဲ့လက်တွေကြားမှာလန့်နိုးလာခဲ့တယ်။ဟန်နီ့ကို အားကိုးတကြီးဖက်တွယ်ရင်းငိုကြွေးမိတော့တာပေါ့။
"မငိုနဲ့လေ ကလေးရယ်.....အိမ်မက်ဆိုးတွေမက်နေတာပါကွာ။ဘာမှမဖြစ်ဘူးနော် ကလေးငယ်"
"ကလေး ကြောက်တယ်။အဲ့နေရာက မှောင်မဲအေးစက်နေခဲ့တာ။ဟင့်အင်း....ကလေး မကြိုက်ဘူး.....ဟင့်အင်း......ထပ်မသွားဘူး.... ကြောက်တယ်.....မသွားခိုင်းပါနဲ့ ဟန်နီ"
"ကလေး.....ကလေးရေ.....သတိထားပါဦးကွာ.....မင်းလေးရှိနေတာ ကိုယ့်ရင်ခွင်ထဲမှာလေ......"
"ဟန်နီကြီး......"
"ဗျာဗျာ......."
ဟန်နီက အသဲအသန်ပြန်ထူးရင်းကျွန်မကိုထွေးပွေ့နှစ်သိမ့်နေခဲ့တာ။သူမရဲ့စိတ်ပူနေတဲ့မျက်ဝန်းတွေကို မြင်နေရတာ ကျွန်မစိတ်မကောင်းဘူးလေ။
ကျွန်မ ဖျားနေခဲ့တာ။အိပ်လို့မပျော်တာမို့လို့ အိမ်မက်ဆိုးတွေမက်ရင်း ကယောင်ကတမ်းဖြစ်နေခဲ့တာ။ကျွန်မကို ပြုစုယုယရင်း ဟန်နီကြီးအလုပ်ရှုပ်နေခဲ့ရှာတာပေါ့။
"ကိုယ်သီချင်းဆိုပြရမလား ကလေးငယ်"
"ဟာ.....အဲ့အကြံကောင်းတယ်။ဟန်နီကြီးသီချင်းဆိုပြတာ ကလေးအရမ်းကြိုက်တတ်တာ သိတယ်မလား.......ဆိုပြ.....ဆိုပြ.....ဟန်နီကြီး"
ဟန်နီကြီးက သူ့ရဲ့ဂစ်တာသွားယူပြီး သူဆိုပြနေကျသီချင်းတွေဆိုပြနေလေရဲ့။ဟန်နီရဲ့ရှေ့မှာ ခေါင်းအုံးကိုမှီထိုင်ပြီးကျွန်မရဲ့ဒူးနှစ်ဖက်ကိုလက်ကလေးနဲ့ပိုက်ရင်း သီချင်းတွေကိုနားဆင်နေမိတာပေါ့။
ဟန်နီ့ရဲ့မျက်ဝန်းတွေက ကျွန်မကို စူးစူးနင့်နင့်ကြည့်ရင်း သူ့ရဲ့သီချင်းကိုသီဆိုပြနေခဲ့တာ။တဖြည်းဖြည်းနဲ့သူမရဲ့မျက်ဝန်းတွေက ကျွန်မရဲ့ခြေချင်းဝတ်လေးကိုရောက်လာခဲ့တယ်ေလ။သံကြိုးနဲ့ချည်နှောင်ခံထားရတဲ့ ဒဏ်ရာဟောင်းတစ်ခု......။
YOU ARE READING
To My Girlfriend
Romanceဒီမှာရှိနေမယ့်စာမျက်နှာလေးတွေမှာကောင်မလေးတစ်ယောက်က သူရရှိပိုင်ဆိုင်ထားတဲ့ချိုမြိန်ခြင်းလေးနဲ့ပတ်သက်ပြီး နေ့ရက်တိုင်းမှာခံစားနေရတဲ့ခံစားချက်တစ်ချို့ကိုစာသားတွေအဖြစ်ချရေးထားမှာဖြစ်ပြီးသူမရဲ့ခံစားချက်တွေကို စာမျက်နှာပေါင်းများစွာရေးသားဖို့ပြင်ဆင်ထားတာပ...