My 3 Identity Boyfriend

Chapter 7

Phil's P.O.V

"Bye, Phil! Uwahhh!"

Yumakap si Denise sa 'kin.

"Phil, hindi ka na ba talaga babalik? Paano na yung mga pinagsamahan natin. Paano na yung promise mo sa 'kin na magpapakasal tayo...paano...paano na lang ang lahat nang yun..."

"I'm sorry Denise...kahit gusto kong makapiling ka for a long time...hindi talaga pwede..."

Nagsimula na siyang umiyak, "Phil naman eh...okay...okay....'di na ako iiyak...basta mag-ingat ka dun okay? Huwag mong kakalimutan na contact-in ako. I will miss you...I love you Phil..."

"And I love you too, Denise. Sana makatagpo ka ng lalaking hindi ka iiwan hindi tulad ko. Bye..."

"Really...my tears won't stop...but Phil...eto. Kunin mo...para matawagan mo ako. Nasira phone mo 'di ba?"

"Huh? A-aba! 'Di ko matatanggap 'yan Denise!"

"No. Accept it,"

"E-eh...okay. Sabi mo eh,"

Kinuha ko yung iPhone na binibigay niya sa 'kin.

And for the last time, niyakap niya na naman ako, "Phil...huhu...ingat ka dun....wahhhhhhh!"

I kissed her tapos nagpaalam na ako.

"Bye Phil! Ingat ka sa USA! Makatagpo ka rin sana ng babaeng para sa 'yo!" sigaw niya.

Nginitian ko siya at nag-wave back.

Dala-dala ang mga bagahe, pumunta na ako sa sakayan ng eroplano. Tumalikod ulit ako para makita si Denise. Hayun siya at nakangiting tinitingnan ako. Nag-flying kiss pa na sinuklian ko rin ng flying kiss. Muli akong nag-bye sa kanya at ganun din siya.

Pumasok na ako sa loob ng eroplano and woah. Andami palang chicks na flight attendants dito. Hoho. Well...punta na nga ako sa upuan.

"Oi iho!"

Napatingin ako sa likod ko, "Uy, lola. Kanina pa kita hinahanap,"

"Hay nako. Kanina pa ako nakasakay rito. Paikot-ikot nga rin ako kanina kahahanap sa 'yo. Malapit na makaalis yung eroplano."

Napakamot ako ng ulo, "Ay, ganun po ba? O sige ho. Saan po ba kayo nakaupo? Ilalagay ko na po itong mga bagahe ninyo,"

Tinuro niya kung saan yung uupuan niya tapos nilagay ko dun ang mga bagahe niya. Binigyan niya ako ng isang libo.

Bumaba na rin ako ng eroplano since aalis na nga ang eroplanong yun.

Bago ako bumalik ng airport, ch-in-eck ko muna kung andun pa si Denise. Nakahinga ako nang maluwag nang makitang wala na siya sa kinatatayuan niya kanina.

Nalito ba kayo? Akala niyo aalis talaga ako, 'no? Haha, nope. Bakit naman ako aalis? Hahaha.

Sa totoo lang, ganito 'yan. Yung babae kaninang tinatawag kong Denise, gf ko yun. Pero pineperahan ko lang yun. Mayaman eh. Ang tagal ko niligawan 'yan and take note, lagi ko 'yang pinupuntahan sa school nila para manligaw. Pakipot pa kasi, bibigay din naman. 'Di siya gaanong kagandahan, tama lang. Pero napakayaman kaya ayun, jackpot. Galing ko bang pumili? Heh.

Bale, nagtagal lang naman kami ng 3 months. Gaya nga ng sabi ko, naasa lang ako sa pera niya. Sa tuwing magde-date kami o may pupuntahan, siya lagi ang nagbabayad. Kaya busog ako palagi sa girlfriend ko. Mabuti nga at hindi nagrereklamo. Ang alam kasi nun butas bulsa ko palagi.

Okay. Bumalik tayo sa ginagawa ko ngayon. Bale ganito 'yon. Dahil feel ko nang makipag-break sa kanya, sinabi ko sa kanya na pinapapunta ako ng mga magulang ko sa states (kahit hindi naman talaga) at sinabi kong hindi na ako makakabalik ng Pilipinas (which is kasinungalingan lang). Hinatid niya ako rito sa airport (siya pa nga ang nagbayad ng ticket ko). Pero bago siya dumating sa airport at ihatid ako (nauna kasi ako), wala talaga akong bagahe kanina. Naghanap pa talaga ko ng senior citizen na maraming dalang bagahe. Ayun, pinauna ko muna yung senior tapos sinabi ko na dadalhin ko na lang sa eroplano yung bagahe niya, may pupuntahan lang ako (buti na nga lang at malaki tiwala ng matanda sa stranger na gaya ko kaya pumayag agad) at ayun ang ginawa kong bagahe kunwari. Tapos sa yakapan scene namin kanina, hinawakan ko pwet niya at dahil malandi siya, hinayaan niya. Ayun, nakuha ko wallet niya. (・∀・)