My 3 Identity Boyfriend

Chapter 20

Kate's P.O.V

Three days.

Tatlong araw akong walang balita sa kanya, tatlong araw ko siyang hindi nakausap, tatlong araw siyang absent, tatlong araw siyang nagkukulong sa bahay nila, tatlong araw niya akong di tinatawagan...

...at tatlong araw na walang Besh sa buhay ko.

At sa tatlong araw na yun, palagi akong umiiyak. Pinipilit na makibalita tungkol sa kanya, humihiling na sana pumasok na siya, tina-try na kausapin siya, pumupunta sa bahay nila at tinatawagan siya pero nanatiling bigo.

Mugto na naman ang mata ko ngayong araw.

Ayoko sanang pumasok, pero bawat araw, umaasa ako na papasok si Besh at mapag-uusapan namin nang mabuti ang nangyari.

Tiningnan ko ang upuan niyang bakante na katabi ko lang.

If she only knew kung gaano ko siya nami-miss.

Ayoko na ngang isipin. Maiiyak na naman ako. Nasa room pa naman ako ngayon. Baka pagtawanan ako dahil iiyak ako nang walang dahilan.

Ugh. Hindi ko mapigilan. Maka-C.R na nga lang.

---

Doon ko inilabas sa C.R lahat ng pagdadamdam ko.

Siguro, sinisisi ako ni Besh ngayon. Hindi sana niya mafe-feel na brokenhearted siya kung hindi dahil sa'kin.

Kasalanan ko talaga ang lahat. Sana hindi na ako nangialam. Alam ko namang mahal na mahal ni Besh si Anze eh kaya sobrang sakit para sa kanya na i-reject siya nito.

Kung hindi na sana ako nakigulo pa, hindi sana niya matitikman ang feeling ng isang brokenhearted.

For 2 years, nakipag-agawan ka ng magazine at poster niya? For 2 years, isinasakrispisyo mo ang pera mo para makabili ng merchandise niya? For 2 years, nakikipagpilahan ka pa para lang makakuha ng bagong issue niya tapos mapupunta lang sa wala ang pinaghirapan mo? Na isa ka lang dumi na hindi niya mapansin-pansin sa dami ng effort mo para sa kanya? Masakit talaga yun.

Hindi ko rin naman masisisi si Anze. Kasalanan niya bang hindi niya gusto si Besh? Kasalanan niya bang hindi niya mapansin si Besh? Kasalanan niya bang i-break ang puso ni Besh? Tao rin naman si Anze eh. May feelings din siya. Hindi porket may gusto sa kanya ang isang tao, magugustuhan niya na rin. Naiintindihan ko yun.

Pero yung fact na ako ang nag-arrange ng date sa kanila. Ako yung nag-arrange ng date nila kung saan magiging broken hearted si Besh. Siguro, kung hindi ko yun ginawa, normal pa rin ang buhay ni Besh ngayon. Hindi sila magda-date ni Anze at hindi rin siya mabo-broken hearted ni Anze.

Lumabas ako ng cubicle at pinunasan ang luha ko.

"Umiiyak ka ba?"

Napaangat ang ulo ko sa nagsalita, "Ah. Hindi. Hindi ako umiiyak. Hindi talaga,"

"Pilosopo ka talaga kahit kailan, Kate. O ayan. Tissue. Pampakalma,"

Kinuha ko ang tissue na inaalok niya, "Sa-Salamat Britney,"

Nginitian niya ako, "Wala yun. Oo nga pala. Alam mo kung bakit three days nang absent si Sofie?"

Nagpilit ako ng ngiti at hindi ko sinagot ang tanong niya.

"Kaya ka ba umiiyak dahil sa kanya, Kate? Bakit? May sakit ba siya? Nag-away ba kayo?"

Sheesh. Ayan, tumutulo na naman.

"Ah. Sorry, Kate. Masyado na akong pakialamera. Eto oh. Sa'yo na ang lahat ng tissue na dala ko. Kailangan mo yan,"

"Sa-Salamat..."