Class 2 - 3 | Tagalog Story

Smart One

(Nangyari din kay Ruby ang nangyari kay Nin. Nakulong din yung kaluluwa niya sa salamin na pagmamay-ari ni Mr. Norman. Lahat ng mga kaklase niya kasama pati si Jahz at Izza. Hindi na siya naaalala at para bang wala silang naging kaklase na may pangalang Ruby. Yung parang nangyari lang din kay Nin. Magagawa bang maalala ni Jahz ang lahat? Ngayon na naghihinala na siya sa mga nangyayari sa Class 2 - 3.)

Izza's POV.

Sabay kaming pumasok ni Jahz sa loob ng classroom. Pagpasok naming dalawa agad siyang naglakad papunta sa upuan niya para ilagay yung bag niya doon. Pumunta din ako sa upuan ko pero bigla akong napatigil sa paglalakad nung may mapansin akong isang bagay sa bagong upuang bakante (Upuan ni Ruby)

"Jahz! Halika dito! May ipapakita ako sayo!", Napalingon siya sa akin tapos nagmadali siyang lumapit sa akin.

"Oh ano yun?", Tinuro ko yung bagay na napansin ko sa upuan. Yung nakatatak na Go Fight!

"Tingnan mo. May nakatatak sa upuan na 'to oh. Wala namang umuupo dito. Sino naman kaya yung magtatatak nyan jan?", Tiningnan nang seryoso ni Jahz yung nakatatak.

"Nakakapagtaka naman 'to. Parang yung sulat din na nakita nating dalawa doon sa isa pang bakanteng upuan (Upuan ni Nin).", Tama si Jahz. Nagtataka na rin ako ngayon.

"May alam ka bang gagawa ng bagay na 'to?", Nanahimik bigla si Jahz. Siguro nag-iisip 'to ngayon.

"W-wala akong maalala.", Huh?

"Anong pinagsasabi mo?". Hala baka nagkaamnesia na tong kaibigan ko.

Agad kong hinawakan yung balikat ni Jahz.

"Hoy baka nakalimutan mo na din ako ha.", Ngumiti si Jahz dahil sa sinabi ko.

"Sira. A-ano bang sinabi ko?". Hala ano na bang nangyayari dito?

"Wala. Wag mo ng alalahanin pa baka mabaliw ka lang.", Napangiti ulit si Jahz dahil sa sinabi ko.

Leah's POV.

Seryoso kong binabasa yung mga pointers namin para sa gaganaping exam namin mamaya nang bigla akong lapitan ng bestfriend kong si Joie.

"Leah!", Nagulat ako.

"Grabe wag ka ngang sumigaw jan! Nakakagulat ka!", Natawa siya sa sinabi ko.

"Hahahah! Sorry na Bestfriend. Ano nakapagreview ka na ba?", Dahan-dahan akong tumingin sa kanya.

"Huh? O-Oo naman. Nirerecall ko lang ngayon.", Napangiti si Joie dahil sa sinabi ko.

"Ang talino talaga ng bestfriend ko. Hoy galingan mo mamaya ha para matalo mo na yung top 1 sa klase.", Nginitian ko na lang si Joie.

"Sige na. Magrecall ka na rin muna ng mga nireview mo para hindi mo makalimutan mamaya.", Pagkatapos nginitian na namin ang isa't isa.

"Sige. Galingan nating dalawa.", Pagkatapos magsalita ni Joie. Bumalik na siya sa upuan niya.

Dahan-dahan akong lumingon sa kanya. Nakita ko na seryoso siyang nag-aaral. Sa totoo lang, nagduduga ako pagdating sa mga exams. Gumagawa ako ng kodigo para lang makapasa ako. Naging no. 2 nga ako sa klase dahil sa tulong ng kodigong ginagawa ko.