Class 2 - 3 | Tagalog Story

Dancer

{Nakulong na din ang kaluluwa ni Leah sa loob ng salamin na pagmamay-ari ni Mr. Norman. Magagawa ba nilang makatakas doon o baka madagdagan nanaman sila? Hindi na ulit natatandaan ng mga estudyante sa Class 2 -3 na may kaklase silang may pangalan na Leah pero... maliban lang kay Jahz. Nagagawa niyang alalahanin ang lahat. Magagawa ba niyang tulungan ang mga kaklase niyang nakulong sa loob ng salamin?}

Izza's POV.

Tahimik lang akong nakaupo sa upuan ko at tinitingnan ko yung mga kinuha kong mga litrato this past days. Seryoso kong tinitingnan yung mga pictures nang bigla akong mapaisip. Y-yung iba sa mga pictures, h-hindi ko kilala yung mga tao.

Pero bakit ko sila kinunan? (yung mga taong yun ay sina Nin, Ruby, at Leah ) Hindi ko kilala yung mga babaeng 'to p-pero parang pamilyar sila sa mga mata ko para bang matagal ko na silang kilala hindi ko lang sila matandaan.

Napatigil ako sa pag-iisip nung mapansin ko si Jahz na napakaseryoso ngayon. Seryoso lang siyang nakasandal sa pader na nsa gilid ko. Ok lang ba 'to?

"Hoy. Ok ka lang ba?", Agad siyang tumingin sa akin.

"Huh? Uhm... ok lang ako.", Saan ba 'to nakatingin?

Nakatingin si Jahz sa isang bagong bakanteng upuan (Upuan ni Leah). Ano naman yung meron sa upuan na yun?

"Uy sabihin mo nga sa akin. May problema ka ba doon sa upuan na yun?", Nakasimangot siyang tumingin sa akin.

"Izza. Hindi mo ba natatandaan kung sino yung nakaupo sa upuan na yun?", Huh? Meron bang nakaupo doon dati?

"W-wala namang nakaupo jan ah. Bakante nga yan eh.", Sumandal ulit siya sa pader.

"Hindi mo ba napapansin... padami nang padami yung bakanteng upuan sa classroom natin? Hindi mo ba napapansin yun?", Dahan-dahan akong tumingin sa mga upuang bakante.

"One. Two. Three. Tatlo naman yung bakante talaga ah.", Tatlo naman talaga ah.

Jahz' POV.

Hay naku~ kung patuloy kong sasabihin yung bagay na alam ko. Wala lang maiintindihan si Izza. Hindi na niya maalala si Leah at kung ano ba ang nangyayari sa loob ng classroom na 'to. Ano bang nangyayari? May kinalaman ba si Mr. Norman sa mga pangyayaring 'to?

Hinatak ko si Izza. Dahan-dahan kaming naglakad papunta sa upuan ni Leah.

"Jahz. Anong gagawin natin dito?", Tumingin ako kay Izza.

"Maghanap ka kung may makikita kang hindi pangkaraniwang bagay sa upuan na yan. Maghahanap din ako.", Nakita ko na umupo si Izza sa upuan ni Leah at nag-umpisa na siyang maghanap. Ganun din ako.

Izza's POV.

Sinunod ko yung sinabi ni Jahz. Naghanap ako nang naghanap pero wala naman akong nakikitang hindi pangkaraniwang bagay sa upuang 'to nang bigla akong mapahinto sa pagkilos nung mapansin kong may nakasulat sa upuan.

"Jahz. Tingnan mo may nakasulat sa upuan.", Agad akong tumayo at pinakita ko kay Jahz yung nakasulat sa upuan.

Jahz' POV.

Agad kong tiningnan yung sinasabi ni Izza na nakasulat daw sa upuan ni Leah.

Ako si Leah. Student sa Class 2 - 3. Top 2 sa klase. May matalik na kaibigan, ang pangalan niya ay Joie. Tama si Leah ang nagsulat nito. Sinulat niya siguro 'to dahil nawawala na yung mga ala-ala niya kaya sinulat niya dito yung mga importanteng detalye na kailangan niyang maalala palagi.