Class 2 - 3 | Tagalog Story

Sporty

{Naglaho na din si Mika. Yung kaluluwa naman niya ang nakulong sa loob ng salamin na pagmamay-ari ni Mr. Norman. Sino naman kaya ang susunod na biktima ni Mr. Norman?}

Jahz' POV.

Sabay kaming napapikit ni Izza dahil sa biglaang pagliwanag ni Mika. Napakasilaw baka pagdumilat kaming dalawa mabulag pa kami. Nung napansin naming nawala na yung liwanag. Dahan-dahan na kaming dumilat pero nanlaki yung mga mata ko nung hindi ko na nakita si Mika.

"Izza. A-asaan na si Mika?", Patingin ko kay Izza. May pinulot siyang isang candy tapos humarap siya sa akin.

"Siguro... k-kay Mika 'to. Wala na Jahz. Naunahan nanaman tayo... wala na si Mika.", Ano?! Hindi. Hindi pwede 'to.

"Hindi. B-baka nasa paligid lang siya. Baka pagpikit natin tumakbo siya. H-hindi lang natin siya namalayan.", Lumapit sa akin si Izza. Hinawakan niya yung balikat ko.

"P-pag nawala na sila diba may naiiwan silang mga bagay. Eto na yun... yung kay Mika candy edi ibig sabihin wala na nga si Mika.", Agad akong lumuhod.

"Hindi ko nanaman nagawang iligtas ang isa sa mga kaklase nating babae.", Nilapitan ulit ako ni Izza.

"Tama na. Siguro... eto na yung huli. Halikana magpahinga na lang muna tayo.", Tumingin ako kay Izza.

Tinulungan niya akong makatayo. Pagkatapos sabay na kaming naglakad. Ewan ko kung may susunod pang biktima si Mr. Norman pero... tingin ko hindi pa dito nagtatapos ang lahat. Pumunta kami ni Izza sa may volleyball court. Sakto pagpunta namin doon may laban.

Yung team ni Ella at yung team ni Sheena. Sila talaga yung dalawang team na magkalaban dito sa school pero ang sinusuportahan naming dalawa ni Izza palagi ay ang kaklase naming si Ella. Alam kong magagawa niyang talunin yung team ni Sheena.

Nagsimula na yung game. Seryoso lang kaming nanonood ni Izza. Pinagmamasdan ko yung mga kilos ni Ella. Teka nga p-parang may mali. Pilit na sinasalo ni Ella yung bola nang mag-isa. Uy Ella may mga kateammates ka. Maglaro ka ng kasama sila.

"Tsk tingin ko matatalo nanaman sila Ella ngayon.", Napatingin sa akin si Izza.

"Huh? Bakit naman?", Tumingin din ako sa kanya.

Tingnan mo nang mabuti yung kilos ni Ella. Hindi niya hinahayaang makatira yung mga kateammates niya. Siya lang yung mag-isang nakikipaglaban sa team nila Sheena. Kaya tingin ko matatalo sila dahil sa ginagawa ni Ella.", Sabay kaming nanood ulit nang seryoso.

"Uy tama ka nga.", Sabi ko sayo eh.

Lahat ng tao sa volleyball court pati kami ay sabay sabay na nagulat nung biglang bumagsak si Ella. Ella! Hala ok lang ba siya?

Ella's POV.

Aray! Ano ba yan?! Hindi kami pwedeng matalo ulit ngayon. Parati na lang yung team nila Sheena ang nananalo. Kailangan ngayon kami naman ang manalo kaya gagawin ko ang lahat para hindi kami matalo. Nilapitan ako ng mga kateamates ko para tulungan akong tumayo.

"Wag kayong lumapit. Kaya ko. Kaya kong tumayo!", Dahan-dahan akong tumayo. Aray! y-yung braso ko!

Hindi. Hindi dapat ako nakakaramdam ng pagsakit ng katawan ngayon. M-may laban pa kami. Kailangan ko tong tapusin ng kami ang nanalo.

"Ok na ako! Teammates puwesto na kayo!", Woo... kaya mo 'to Ella. Alam kong kaya mong talunin sila Sheena.

Sa pagkakataong 'to, si Sheena ang titira. Tsk wala yang kwenta. Nung tumira na siya. Sinundan ko ng tingin yung bola. P-papunta sa akin yung bola. H-hindi ko dapat 'to mamissed. K-kailangan kong matira 'to. One... Two...