My Jamaican Love Triangle

2

♠Tanya POV♠

"Suh mi can com back fi Yuh after school?" As soon as mi jump off a di bike tank and pay mi fare di bwoy start ask mi question

"No mi have Adda plans fi tiday" mi nuh wah him cum back fi mi, mek him gwan him ways ya mon.

"Suh wen mi a go si Yuh again?" Hear dis ya now puppa Jesus. A Wanda if him nu know seh mi have mi man already. Mi look round pan melia who mi know a hold back wah laugh

"Suh Yuh no always si mi? Wah more si yo wah si mi?" Why dis ya bwoy ya nu gwan him ways, mi and melia tan up pan di outside a wi school building wid di bike bwoy. A wonda if dutty gal Britney a watch mi, shi an Chris a friend an everything di gal carry back to Chris like shi a some watch gal fi him, mi hate di gal yo si, all my mind tell mi seh she wah tek weh Chris fra mi, that sour gal wah mi white man.

"Tap gwan suh mon. Tomorrow mawning mi a com fi yo den" dis ya bwoy ya com like him don't know wen time people a try insult him, him mussa tek insult fi invitation

"I don't want you to come for me. I will figure my own way out"mi try fi talk nice to him so him can understand cause it come like him don't understand patwah.

"Hush up mon. Mi a com fi yo tomorrow pretty girl" him look pan mi in a wah creepy, lustful way, di bwoy nu tap look pan mi an a smile. Well mi no suh bad looking thou eno, mi nu so black mi have light complexion, some call mi browning , fi mi breed a people them have nice hair but some how mine never come too pretty so mi creme it out , it nu look too bad now especially when mi let it go it reach mi near to mi shoulder. Mi no Know if a dat a impress dis bike bwoy. Before mi could a tell him piece a mi mind him ride off gone

"Whoii a wah just happen?" Hear dis ya one now, before shi seh sinthing wen di bwoy did de ya fi tek him off a mi case a now shi ready fi chat wen di bwoy gone.

"Shut up fi yo mouth ya suh eno cause mi nuh know why Yuh couldn't defend mi dis likkle while. Yuh couldnt help mi out an tell di bwoy seh mi already have mi man?" A suh dutty gal melia tan eno but mi leave har up to maaga bwoy romario.

" how mi fi com between two love birds" sometime me feel fi lick down de gal ya eno, a tru mi nuh wah ketch trouble

"Which frigging love bird dat ya talk? Mine how ya talk eno,yo know how nasty Britney always a cock fi har ears fi ketch some news to report back to Chris. Dat gal yo si" melia know how mi hate di gal Britney an everyday di two a wi chat har. All she, shi just in a grade 9 and wah man like how dry peas wah fire, every bwoy pan di compound supposed to sample har already and before di one Chris him tell har fi tap whore down di school him a tek news bout mi from har, him dis as bad to. Mi nah go lie mi love Chris an not because a how him look, fi be honest him nuh so well cute but him nice so til, him gimmi anything mi ask him fa.

"U an Britney fi go mek peace a dat yo fi go do" melia betta shut up fi har mouth,mi rather die than mek peace wid dat gal, yo know how much time dat gal mek mi and Chris in a argument.

"Yeah mon right after yo mek peace wid romario ex, who happened to be your ex best friend" true me an melia know so much bout each Adda it easy fi wi blackmail one anadda. Melia tek weh har best friend man an sake a dat har best friend, Kayla have har up

" dat na go happen" a di fastest she answer, di two a wi did a walk towards wi class ,melia reach fi har class first  "lata yah"

"Yo see how fast yo gone"  a true mi step pan har corn she tek weh har self fast.

"Mi nuh have time fi yo" melia kiss har teeth and walk weh go in  a har class. Mi tek mi self an walk weh  towards mi class room, mi have to walk go straight down wah corridor and mek a right turn before me reach a my classroom.

"Woooii some gal seh dem hot and them a wear plastic boot" me a walk wen mi hear dis gal behind a mi. Mi tun round fi si One a Britney dutty friend, Bam Bam. All she fi no de talk cause shi fi member seh di whole school si har on video a suck man lollipop.

"At least me plastic boot nuh expose to the whole world like fi some gal mouth pan man" a Wanda if Britney never tell this gal bout mi. A true mi a change now mek mi nuh grab up di gal long time. The gal couldn't answer shi just cut har eye and walk weh.

"And tell Britney seh mi have a news fi har so shi fi com check mi" mi shout after Bam Bam before shi disappear round di corner. Bam Bam a di best combination fi Britney ,di two a dem wuklist like wah.

**

Melia or Tanya, who do you like best?