My Jamaican Love Triangle

5

...CONTINUATION

♠Tanya POV♠

"Who tell yuh seh a fi him gal? A taxi him run so a can just one passenger eno" a true dat still, mi neva did a tink bout dat part a it but dat deh gal deh just latch on pan him suh. Which passenger latch on pan wah bike rider so unless di two a dem a ride in private. Me an melia still tan up unda di mango tree a wait pon Sicky old bus fi go a we yard.

"Jus rest di case Mon" mi and melia jus a chat bout dis bwoy suh and him not even a think bout eitha a wi right now, afta all him have him woman behind a him fi think bout. Him is just a bike rider and mi is just a passenga. I have my man and him have him woman. I don't have no special feelings fi him. Case close.

Sicky com bout five minutes afta, me and melia find wi way guh Inna di bus ,roun a di back a di bus full already. Every hot gal and bad bwoy ketch Sicky bus especially di second trip an a pay excitement Inna di piece a white mini bus. Di gal dem siddung Inna di bwoy dem lap and a wine up to di dancehall music dem dat a play . All me an melia can do a jus watch dem. Gal pickni a bad sinthing eno.

**
"Tanya com go outta Angela shop go buy one cock soup!" Mi mada shout afta mi,me dung a melia yard lay down pon har settee a watch cable wen mi mada interrupt mi. Di show dat a gwan bad nuh raw, it name The shadow hunterers mi rate di star gal deh eno, melia nuh stop cuss how shi hate di gay bwoy Inna di show and how dem always choose di cutest bwoy dem as di gay character. Mi nuh know why di show dem full up a batti man suh now a days ,mi don't hate dem eno don't get me wrong but me and melia jus nuh rate dem lifestyle

"Tanya! Mek me call yuh again and yuh wi si wah reach yuh today yah" mi  lov mi madda but sometimes mi just can't tek di woman none a tall . Every time wen mi busy shi ready fi wuk mi out ,shi Neva si fi bodda mi wen me idle an nah do nutten a wen me busy shi wah mi fi com wuk fi har

Mi tek up mi lazy ass off a melia settee and go up a mi yard. Mi tek di money from mi madda an walk outta di yard. Wen mi deh a mi yard a pay short clothes mi wear, a don't winter mi live inna suh mi can't live Inna di long garments dem. Mi look dung pan mi pink blouse an si seh di blouse a expose mi breasts dem too much, mi pull up it likkle cause di mount a ole man dem dat live Inna me community, dem ole an dem tongue oily yo see , mi no wah turn on none a dem mek dem ole oil start ride dem and cause me nuh wa set none a dem pan me me try pull up me blouse fi cover up me breast dem an mi kinda hawl down me  jeans shorts so it no too a expose mi batti

Angela shop deh pan di main road so nuff vehicle pass by mi while mi deh walk, not to mention some bike bwoy ,dem nuh stop pass an a stare pon me. Me shouldn't wear dis shorts come out pon di road eno. Mi hurry go buy di cock soup a Angela shop plus me buy wah cookies and cream ice cream fi mi self. Every time me guh a angela shop me affi buy wah ice cream , me feel seh shi tie mi Inna di ice cream dem eno. Mi tek mi time an a walk go home cause me nah carry back none a mi ice cream guh gi mi craven bredda, last time me use me conscience and buy one cup full a ice cream  carry back seh me a share wid him, di bwoy nyam off all a it and gimmi back di empty cup. Me learn my lesson.

"Caan gi mi some" mi hear wen wah bike stop side a me, mi look an si di one an only pest Inna mi life , him always a wear him darkaz, dis time him tek it off an just like di first time dat mi si him eye dem, my my ,wat a bwoy eye dem nice eeh Mon, him no look bad inna him blue and white stripe shirt and him pink short fut pants thou

"It cant share" me did about fi walk off wen him tap mi. Mi kinda still have him up fi wah him do earlier tiday, him just pass me suh like him nuh si me

"So yah hurry, Yuh can't spare mi five minutes a yuh time? "

"Wah happen to yo dun crotches gal? Why yuh nuh go ask she fi har time?" Mi no see why him a come bodda mi ,why him nuh gwan to him gal. Mi not even care if him wah say me a diss up him gal a don't like him or him gal can com beat me. Me a one gal weh no tek back mi chat.

"Which dun crotches gal dat? Mine how ya talk eno" dis ya youth ya must  a feel seh mi fraid a him or him gal

"Wah yo go do? Kill mi? A nuh dat com beat mi nuh" me talk anything on mi mind and whateva mi seh mi don't have no apology fi it

"How yuh love jump to conclusion suh? Anyways, when Yuh go gimmi Yuh number?"no man but Dis bwoy tek me fi some big head bud, afta him diss me up fi him gal him a com ask me fi number , suh him Neva hear di Part wen mi insult him?

"Look ere, start up Yuh likkle old bike and continue go straight dung di road til Yuh reach weh Yuh gal live" a next thing about me is that ,me is not a fool ,no one can't convince me dat dis bwoy ya don't have a woman. Me jus tek me self an walk weh lef him

"A so yuh tan good round a back yah, yuh betta tell yuh man seh fi let yuh go fra now cause mi affi get yuh and deh body deh" me caught off guard by wah him seh mi affi tap an look round pan him, a so him sure a himself

"Cum kiss me ass!" Mi facety me self wid him,kiss me teeth an walk weh

"Carry it cum nuh mi wi gladly kiss it an try memba wah mi seh, mi nah tap try til me get yuh fi be mine" with dat him kiss afta mi an ride weh.

"Dat frigging dutty bwoy de yo si" Man ,me wonda weh some a dem com pan earth fi do,nuh wonda God say him regret him mek man,mi shake me head and finish eat off me ice cream wah did now melt out before me find back me yard.

**

What do you think of this story?? Give me feedbacks please :)