My Jamaican Love Triangle

23

*This chapter is mostly about Tanya's feelings*

*Tanya's POV*

Mi no have no woman

Mi and har don't deh

She just don't wah leave mi alone

A you mi love

Everything dat him tell mi just a rush through me mind. Even di word rush it self alone sound like a him.

Him wi only hurt yuh feelings
Al did warn me and me just never listen. Me can't believe me did so fool. Somebody can fool suh like a me? Me see di signs dem rite in front a mi and mi refuse fi accept it and now look what happen.

Me can't help but fi feel sorry fi me self. Me text Melia same time as mi see what pop up on me phone from di gal.

Me did lock me room door but after me hear Melia a knock me tek me time wipe di tears from me face wid me hand back an go open di door fi let har in

"me come as soon as me get yuh message. What happen?" As soon as me open di door fi Melia me walk go over to me bed and drop down on it face way wid me face a bury in a me pillow. Mi feel di bed sink side a me when Melia siddung. Me tek me phone from side a me an hand it to Melia

"check in a messenger" Mi tell her as me rest me face side way on di pillow, can tell me voice sound kind a hoarse as me talk. Me feel di tears a run down mi Jaw but mi just let it stay.This a di only way me know how fi express how me feeling. Mi feel fi scream, shout or just run weh go somewhere by mi self but me just a hold it in

"Mi blurt-naught! A wah dis? Wat a dutty dawg" me hear Melia say as she a focus on me phone.

Everything confirm now by what di gal send mi. First she send one long text message to me bout how she know dat me and har man a talk and she just want me fi know say di two a dem have wah Pickney together and dem live together and some other things di hottest part is di picture wah me see.

She and him in a di picture together and she pregnant now. On di picture she write My Little Family. And even a Damn blind somebody can see say she have young belly. So it's not only one Pickney but two dat dem gah have together. How me never see none a dis before or even suspect? Maybe me dat fool fi true and as dem say when somebody find one fool all dem do a just use di fool which in dis case a me.

Melia rub down me back dat me did now turn to har. Me just wah be alone.  Me think me could a talk to Melia bout how me feeling but everything just deh pon me mind. Me wah call him and ask wah me ever do him fi him do dis to me. Me feel like fi do something to him dat wi mek him feel as much pain as me a feel right now but me really don't wah hear from him right now or worst me don't wah see him. Me just hate him. Mi hate him bad.

" Me hate fi know all a this God know and me know exactly how you feeling rite now cause me did go through something almost di same. But him don't deserve yuh none a tall Tanya. Me get dat yuh really did into him and it go hurt now dat him break your heart but just remember dat it go get better. Take all di time yuh need fi do whatever yuh want. Fi bawl or fi be alone an anytime yuh ready fi talk just mek me know " me stay silent and me know Melia understand dat me just need time by Me self right now so she just rub me shoulder and hug me from back way then she leave me room and close back me door.

Me have to really a think to me self long and hard bout everything. So di time dat him did say him don't have no woman when me did a run him to gwan to him dun crotches gal and when mi did a say to me self and to Melia that how somebody like him fi dont have a woman mi did rite all along. How di truth did rite in front a me all along and me never a see it? Dem say love blind but me never know me did frigging blind suh. Me always hard on every guy me chat to and di one who me did ritely fi hard on a him me did soft to an him Com tek di worst advantage a mi. Life is one big messed up bitch!

Me close me eyes and a picture everything a try put all the pieces together and fit in everything. Some things mek sense but somethings just don't. If him have him woman a yard who him breed how much time now, who obviously nah left him and who him nah left.. Wah him wah me fi do? Nothing more than fi use. A my crotches him wah come live in a and dun out. Mi blouse-n-skirt me never see a height a Briteness suh yet. A so dem wah tek school gal and do. Not a rawco more a dis.

Me stop feel sorry now fi a while. Why me fi a bawl over somebody who clearly nuh mean me no good? Why me fi a waste mi time worry and think over dis nigga right now a bawl out me eye while him most likely deh a him yard wrap up wid him gal and Pickney?.

Right now me fi a rejoice. Happy fi say me know di truth and happy fi know say me nuh waste no heap a me time wid someone who don't worth it.

As dem say in every bad situation there is something dat always good in it. So a just me now fi wise up and do mi thing. Me only regret dat me loose Chris. Chris was di best thing dat ever happened for me and me might have loose him because a me foolish decision but what is the sense of loving someone if you don't willing fi fight fi dem.

Mi mess up fi me and Chris relationship fi be with someone who just did wah use me but mi nah give up suh easy. Mi go mek all a dis rite wid me and Chris and wid me and di bike bwoy. Time fi mi mek changes now.

The END!!!!

...

How much a you just say "watch yah! How it fi end suh? Noo mon".. Dwl. Just kidding y'all this is not the end. However,we are approaching the end. Thanks for your continued support throughout this story hope you will share this book with your family and friends. And I'll try to update as soon as I can..

By di way.. Who still like Roshane?