My Jamaican Love Triangle

10

♠Tanya POV♠

"Answer di damn text!" mi just tell melia seh di bikebwoy text mi and shi nuh tap push mi fi answer di bwoy.

"But mi nuh wah look too easy an suppose him start think seh mi desperate fi chat to him" mi have di phone inna mi hand a stare pon but fi some reason mi fraid a reply

"Afta yuh damn well desperate yes! Look how long yuh deh pree di bwoy an now him finally text yuh, so answer him!" Melia walk weh outta mi room an gone back outta di living room weh everybody deh a talk wid danae.

Tanya: weh yuh get mi number from?
Mi look pon di top a mi phone screen under him number an mi see say him online right now. A must him woman dem him a text.

Roshane: Geez Yuh can't seh hi back. Smh. An mi see yuh number inna wah whatsapp group weh mi friend add mi Inna"

Which friend dat him a talk? Mi ask him an him tell mi dat a alrick an affi true,mi an alrick and some a him other friends dem dat mi know inna wah WhatsApp group together.

Tanya: Awhoe. Suh wah yuh want wid mi?

Roshane: Yuh already know wah mi want ;)

Tanya: yuh nuh have yuh woman already fi dat?

A must sex him a chat afta all a just pay a dat deh pon man like him brain

Roshane: stop gwan suh mon. An mi say mi no have no woman

Him don't have a woman. Well alrick did say him don't see him wid no woman still an now dat him say dat maybe a true, but how comes? Something must wrong wid him den

Tanya: how comes someone like you don't have a woman?

Roshane: wah yuh mean by someone like me?

Mi mean say how someone suh cute like Yuh don't have a woman. That me wah seh but mi neva did go mek him head start swell by telling him seh him cute.

Tanya: Neva mind dat. Suh wah yuh want talk bout?

Mi decide fi drop di whole woman argument fi now.

Roshane: you

Hear you to bout yuh Want chat bout me

Tanya: mi nuh dat interesting fi we chat bout. Why yuh don't tell mi som more bout yuh self

Roshane: only if yuh promise to do di same

Tanya: I nah make no promise I know I won't keep.

Mi nuh have nothing a share bout myself to dis bwoy. But den again maybe dat go be a bit selfish since mi a ask him fi tell mi bout himself. Oh well, mi nuh care. So wah if mi kinda damn selfish? An if him don't wah tell mi bout himself den mi nuh really care neitha

Roshane: yuh know seh yuh nuh easy thou

Tanya: damn right bout dat

If him think mi go gi him a easy time den him can think again

Roshane: suh when mi can see yuh again?

But Look at dis! See me? Wait, Maybe dis a di perfect time fi bring up Chris

Tanya: if yuh neva realize it before,mi already have mi man.

Tek dat! Mi wah see wah yuh go say now. Mi always talk to me self like wah mi a do right now while mi a wait pon di bwoy fi reply to me.

Roshane: just gimmi a chance fi prove to yuh say mi can do better than yuh man.

Afta mi read that message mi com like mi confuse. Yes mi have Chris, mi boyfriend an right now things just rocky wid wi but mi love him same way, now mi have dis yah one yah who just interest mi Inna wah weird way, mi nuh know but him just different. Mi feel like mi want a change fi experience wat it would be like wid him an now him a ask mi fi a chance.

Him wi only hurt yuh feelings.

Alrick words just a com back to mi mind. But how him know dat? How him know say di bwoy go hurt mi feelings?

Nuff times people like roshane dem just look like dem bad an gwan bad round dem friends but underneath dat dem nuh really stay suh.

Mi nah lie, mi diss up di bikebwoy all di while an every time him always just a com back an him neva once diss mi up back. Suh maybe him nuh dat bad as how alrick a mek him sound. But still, mi nah rush inna nutten wid nobody. Especially him.

Tanya: mi nuh gi weh chance suh easy. Yuh affi work fi it.

One thing wid him though as mi send him one text him read it same time and reply same time to, unlike Chris who tek fi ever fi send mi back one text.

Roshane: suh wat mi fi do?Anything yuh want mi wi do it.

An just like dat one smile com up pon mi face cause mi see say right now, right here suh inna dis yah moment yah, mi have di bikebwoy right where mi want him fi deh

Under my control.

  ****

Chris or 'di bikebwoy' Roshane. Who more fit fi Tanya?