My Jamaican Love Triangle

12

♠Tanya POV♠

Wen me see Britney a com towards me an melia me tun me head fi look pon melia an as me tun back fi look Inna Britney direction, nuh di gal me see in front a me a shake up har self, Yuh know how people gwan wen dem ready fi bite up dem self an cuss.

"Gal, weh yah call up mi name fah!" Up Inna me face di bitch reach now. Me back weh two step back, one cause me nuh wah fight so early Inna di mawning yah and Two because di bitch mouth stink!

"My girl yuh need fi tek weh yuh self fra in front a me rite now" me in a good mood dis morning so me decide fi use di kindest of words

"Yuh think seh me nuh know say a you carry mi name to Damian" a cause me tell di gal man say fi warn har fi lef mi man alone a dats why shi a com hype pon mi yah now. Melia mouth word ketch me fi true wen she did tell me say di gal gah wah fight mi off fi wah me do. But mi Neva know say a crime now fi warn off somebody fra interfering Inna yuh life.

Me kiss me teeth and did about fi walk weh an dat a wen bam bam com in front a mi com tan up like Britney damn security

"Weh yuh tink yuh deh guh? Yuh nah escape dis so easy" a threaten bow cat bam bam a threaten mi? No man. Dis is getting serious now.

"Look here Jezebel, tek yuh nasty mouth from outta mi face an move go look fi di man who fah semen left back Inna yuh mouth an try tell yuh friend fi go hot fi har man who box har dung an don't hot fi dis yah gal yah"  Britney did deh rite side a bam bam wen me a tell har di message fi tell Britney an di only reason why mi nuh tell dat to di gal britney har self is cause since lately me trying to change me ways an rite now di devil feel like it about fi take me over so before it reach dat stage me go be like Jesus an walk away.

Me did about fi step off an go towards di school gate wen me hear wah rip sound.

Me look dung pon me blouse collar weh me feel Britney grab dis while, di gal tear off me white blouse collar.

Fight ago buss now. It ago buss! Yuh know say dis blouse a one a me favorite white blouse an di gal tear it,worst how me nuh like har already. Blouse an skirt war go buss now.

"A wah yuh just duh gal?" Me drop me school bag long time an truck di gal, me hear sound a other pickney round we a shout but right now me nah hear nothing wah dem a say, all me know is dat me hate dis gal,me Neva see sumaddi me hate suh like dis gal.

"Tanya!" Me hear one familiar voice call me name fi di second time in a one day. Me cudnt turn fi look back a me but as you might figure out, a roshane deh back a me a hold me back. Me not even did a realize dat him still did deh yah, me tink him did ride off as soon as him lef me an melia a school but nuh him dis a hold me back by me hand.

Him tun me round fi look pon him but me couldn't focus pon him right now cause anger deh boil Inna me,all me wah do a just lick down di gal Britney. Di gal just get me out suh and right now me just wah buss up di gal face

"Tanya, nuh bother wid it. Yuh know better than this" if a nobody else did say those words to me it wouldn't mean nothing to me and it cudnt stop me fra do wah me wah do to Britney but since a roshane , him words dem just have more meaning than fi anybody me guess cause as him say dat to me,me mind just start change. Me start fi look into me self

"Just mek it slide dis time" him say wen me still nuh answer him

"Yeah Tanya. Mek di gal gwan" melia jump in an say same time.

Roshane did pull me weh go one side so me tun me head fi see Britney and bam bam from a far, dem nuh tap stare pon me an a shout out afta me all sort a name

Whoring gal

Maaga bitch

Just fi name a few. But me realized dat sometimes in life we have to just look past certain things. So wah me do is fi just walk weh. Call me weak,coward or scared, anything yuh want say but one thing me know is dat, fighting won't really solve nothing.

"Yuh can carry me back home?" Me ask roshane afta everything wah just happen, fi tell di truth me feel Shame inside and me really don't wah see dat gal right now.

"Yuh sure yuh wah go home?" Melia ask me an me just shake me head yes. Melia can't do like me suh she stay back a school but me com weh fra outta school gate pon roshane bike

"Yuh sure Yuh want go back home?" Me nuh know wah him question mean, a ask him a ask if me wah go somewhere else different fra me yard or a ask him a ask if me sure me don't want stay back a school?

"Yuh have some weh else in mind fi me go?" Me kinda fraid fi go home cause my mother go dung me neck bout why me com back suh early and she terrible enough fi send me back a school

"Yeah me have some weh else in mind if yuh wah come wid me" di two a we did pon him bike ,dis time me deh back a him so him tek him time an a ride di bike while talking to me

Me fi go wid him? Me nuh know roshane fi long now but me trust him enough fi know say him nah go hurt or harm me, well me hope him won't and in case him try, me know how fi protect and defend mi self

"Yeah tek me to weh yah talk" dis decision is one weh me go later regret or later be thankful for

"Alright den" him tell me. Well, soon me wi see wah go happen. God, just please don't mek him be a killa.

*_*_*

Vote, comment and share!.