My Jamaican Love Triangle

25

Booklover_347 and thompsonmarlene thank you both for voting on "Painful path to love". I'm so grateful for you guys. Everyone who's reading also I'm so appreciative of your support.  Remember to vote! Thank you.

**Tanya's POV**

As soon as mi hear wah happen mi hurry change off Inna some gud clothes and mek alrick call one drive fi Com carry mi go up a di hospital. Mi Brain a tell mi all sort a things. All sort a reason why mi fi don't go but fi di sake a him mi decide fi jus go wid mi heart. Mi Brain a tell mi say fi don't go cause wah happen to him a dat a him payback fi wah him do to mi but as bad as things maybe me think if a did me dat happen to him would a com look fi mi once him hear.

Al tell mi say a bike accident Roshane meet in a. Mi heart ease down Lil bit after mi hear dat cause before mi did a think all sort a things like say him dead. Him say him inna serious condition but as far as him know him still alive. Mi thank God say a nuh dead him dead. Mi tek up me phone and a dial him number. Di phone just ring go to voice mail without an answer. Mi nuh know why mi a call him fah, obviously him nah go answer but mi just did have Lil hope say maybe him wudda pick up.

Since a Al friend him decide fi Com wid me go up a di hospital. Thank God mi madda did gone inna di town wid mi Lil bredda else mi wudda never get di chance fi left di yard.

Twenty minutes later and wi reach up a di hospital. Mi go up to di registration desk wid Al behind a mi and go ask bout Roshane. Di lady behind di desk tell wi say him deh down a di A&E ward dat a weh all a di accident and emergency people dem go. Mi start feel nervous now.

Fi say me nu chat to Roshane fi how much days now and nuh see him from dem time deh to. Fi see him now inna hospital bed rite now just bring on wah feeling dat mi not even know how fi explain.

Mi tek in one long,deep breath and tell me self say..you can do it,it hard but do it.

Mi deh rite in front a di hospital room dat him inside a. Mi see one youth who fah face me can't figet. Dat same one dat did deh a mi sista wedding as di bartender bwoy, dat a di one dat mi neva did like who tun out fi be Roshane fren. Mi tek me eye fra off a him and focus dem on who mi cum yah fi see. Likkle Afta me see di youth go pon him phone and left di room.

Mi start tek in Roshane. Him lay down pon di hospital bed wid him eyes dem close. Dem have drip inna him hand and mi can see couple bruises on him like him lip bruise off, one big cut on him face side and over him left eye part it look black and blue. Them say him unconscious fi now and dem can't tell when him wi wake.

Mi go closer to him, mi stand up a di bed side and mi touch him hand dat a di hand without di drip inna it. Mi hold him hand inna mine and mi feel like how you would a see ppl inna movies gwan when dem go visit someone inna hospital. Mi feel saddened like mi wah cry, despite everything dat him do to mi, mi neva would a wah nothing bad fi him. It pain me fi see him like this

"Mi a go find wah doctor fi get some updates " Mi hear Al tell mi as him left di room. Me and Roshane left back in a di room. Mi feel fi start tell him everything like when you have a feeling say somebody go dead and yuh want dem fi know how yuh feel before it too late. Mi brush off di death part from outta me head and decide fi just start talk

"From di first day me see yuh when yuh ask mi and Melia if we ready, from di look weh yuh gi me, mi know from deh suh dat something did go happen between wi. Yes me always say mi have me man but me did always feel something fi yuh. Mi hope you a hear me cause mi want yuh know say mi really care about you. I do.
Di fact say me care suh much it did really hurt me when me find out bout yuh woman and children dem it would a less hurtful if yuh did tell mi up front instead a lie to mi face again and again bout it but none a dat nuh matter rite now wah matter is fi yuh get better. Me really would a prefer fi say this when yuh eye open but me know dat mi nah go stick around fi do that so let mi tell you from now whether yuh hear or not.
When mi did first see yuh mi like yuh rite away cause yes yuh cute obviously who wouldn't attracted to somebody with such nice eyes. Because a dat and di fact dat me did a go through a Lil ruff patch wid mi boyfriend mi decide fi give yuh a chance and even though inna di end yuh rip mi heart outta mi chest mi don't regret it. Mi can't even hate yuh as much as mi try it just nah happen.
Mi can't hate yuh cause yuh teach me a very important lesson in life one which mi neva can figet. But mi thank yuh Roshane cause if mi neva did go through dis den maybe me wouldn't realize dat someone really does love mi but me did too ignorant fi see it.
Just as how yuh have yuh woman who yuh nah left mi have mi man who me nah go left. Mi care fi yuh Roshane but dats it. Mi love someone else ". That's right mi and Chris nah left so even though we break up rite now wi just a go through a small set back but me can't give up on him. Yes mi mek a big mistake and mi can't just expect Chris fi tek me back just like dat after wah mi do to him but mi willing fi wait nuh matter how long
"Mi nuh hate yuh or nothing Roshane but mi just loose off a yuh. In life we all fall. I did and now it's time fi mi get back up brush me self off and gwan again. Tek care a yuh self and be good" Mi spend a next minute and examine him before me tek me time and touch him face. When me hear footstep a come closer mi step back little so we have some distance between we.

Mi look round and dat same girl on di picture dat mi did get on mi messenger a she me see a di door way a di hospital wid har big belly.

**
Baby mother in di building!
Another chapter for you all. So di two woman dem meet up inna hospital wah go happen next? Lol..next chapter you'll find out.

Please comment and share. :)