My Jamaican Love Triangle

6

First of all, big up to all a mi Jamaican goodie dem dat deh yah!.Thank you so much for your support. I appreciate all your votes and comments. ♡Sheri♡

♠Tanya POV♠

"Suh a just dat him seh to yuh before him lef?" As mi reach back inna mi yard mi go gi mi madda di cock soup and find mi way guh dung a melia house. Me tell har how me see di bike bwoy an how him tap a mi fut an a gimmi chat

"Yea di bitch brite!,him mus a think seh mi a one a dem cheap gal deh dat wud a ketch red eye an swell head ova him cause him nuh bad looking an because him have him piece a bike an also cause him body look gud" most a di gal dem inna mi community drop out a school cause dem ketch belly an som just stop guh school cause dem decide fi falla company an start smoke,bleach and scam. But tru mi know di type a rebel me have as a madda mi haffi watch wah mi a do wen it com on to man and company dat me a keep.

" suh yuh admitting now dat him cute. Mi did know all along dat yuh attracted to him" seeit yah again, every time melia she haffi a remind me about dis guy an how she think me feel towards him. Nutten nuh wrong if me seh him no bad looking ,its obvious him nuh ugly But dat nu mean seh me attracted to him

" mi not admitting nutten. Me just a seh something dat already obvious. Yuh know wah mek mi text Chris yaah" from wen mi just a talk bout dis bike bwoy sake a suh mi not even talk to Chris from wen.

"Suh Tanya wah him name? We always a call him bike bwoy but wah him rite name?" Melia she just can't stop talk bout di bwoy. A wonda if shi a Start fi like him now or something. Mi did bout fi send one text to Chris but mi put dung mi likkle peanut phone wen me hear melia question

" suh why yuh a get suh curious? A like yuh a start like him off or something now?" Mi nuh know why but mi just start flare up inside, a couldn't like melia like off di bike bwoy, dat no possible rite?

"Yea mi like-" mi kin up mi face an tan up long time, mi not even mek shi finish har statement before mi jump in

"How di Frigg yuh fi like him? Outta everybody else yuh did affi choose him! Him! My god mi cant believe yuh like off di bwoy to. A true him cute mek yuh like-" mi start chat all sort a things out a shock mi only si melia start laugh. Thank god har madda nuh deh home ya now cause shi would a must run we out fi a mek so much noise inna har house

"Yuh see it thou! Yuh si how mi get Yuh fi admit it. A joke mi did a mek ,mi nuh wah yuh new man" deh damn gal yah love romp round wid mi head eno an me so fool to, mi always love chat everything dat com to mi mind whenever mi upset. So what if mi kinda like di bwoy dat nuh mean nutten, mi still wudnt deh wid him cause member seh mi already have mi man.

"Mi no admit nutten as far as mi know ,all di same mek mi keep quite" better mek sense mi keep me mouth shut from now on cause no matter wah melia nah go tap trouble mi bout wah mi just admit to.

"Yuh better keep quite yes. so Yuh nah text Chris an tell him seh yuh find new man?"  Melia she siddung pon di floor Inna har house a polish har toe nail wid wah red nail polish while she a mock mi. Mi just kiss mi teeth an pray seh current soon come back fimmi watch cable, as soon as mi left di yard melia seh current gone an all now it can't come back. Dat jps yo si, but mi a go leave dem fi a next day fi diss up

"Melia mek me ask yuh a question, be truthful and tell me wah yuh think. Di bike bwoy de, Yuh nu think seh him already have a woman?" Di matter just a bodda mi head suh. Kill mi dead mi swear him have him woman, di bwoy cute an him have bike, every gal weh me live wud a wah him fi show off wid so how him nuh have a woman?

"Mi can't say yes and mi can't say no cause mi don't know him or nutten bout him" a just recently we see him com inna wi community a ride bike so wi nuh too know nutten much bout him. Him is just one big frigging mystery to me.

"But be realistic melia. Woman rush man like him like hot bread suh how him no have woman? but never mind me must find out one day soon wat di truth is"  a wonda if him a woman beater an a dats why no woman no tan wid him or wonda if him have some kinda sickness, some way or di adda mi must find out more bout him an if him did a tell di truth wen him seh him nuh have a woman, mi no believe him so I know what me go do.

Just watch man, mi must investigate bout di likkle nasty, liad, bwoy.

**
Comment nuh if yuh like di story suh far! I love hearing your views :)