My Jamaican Love Triangle

22

*Tanya POV*

Me Tampa a boil up. Same time him answer di phone

"Wats up B? mi miss-" mi stop him right away cause rite now me nu wah hear nothing fra him. Me just can't believe wah mi just see up until now me just wah know wah a gwan wid dis

"Yuh damn johncrow cloth yuh. A which gyal mi see hav up picture a you and she? Who di frigg name RoRo Bae?" It nuh mek no sense fi beat round di bush so mi just get to di point rite away

"Wah yah talk bout B?" Him answer me and a gwan like Say him nuh know wah me a chat bout.

Mi not even can siddung to how mi upset. Mi tan up inna mi room and hav mi phone on speaker while me hav it a mi mouth and repeat back wah mi did ask before "Who di frigg name RoRo bae dat mi ask you!" Mi shout inna di phone cause di more him a keep me waiting a di more mi a get angrier

"A di profile on Facebook yuh see don't? A mi ex, she create wah fake profile weh shi put up picture a me and her but we nuh deh" di tension inna mi heart kinda ease up. Me heart di a beat extra fast than normal but it ease up now but mi still full a rage just di same.

"So you never think say maybe, just maybe some day mi did go find out bout it? Why yuh neva did tell me dat before Eeh?" Mi siddung pon di edge a mi bed,after getting dat explained to me,mi mind kinda did put at ease.

Mi understand dat some woman kinda obsessive and even when man left them them still a kill up them self over dem like say dem a di only man inna di world but me never know say fool fool woman like dat still deh bout.

"B fi tell di truth mi nuh have no love fi har no more. Me and har nah deh but shi just don't wah leave me alone. Mi neva wah tell yuh cause mi neva wah ruin things between di two a we. Mi finally get one chance wid yuh and me neva wah fi loose yuh" Mi nuh know if a soft mi heart get soft since lately but mi believe him. Maybe it never so easy fi him tell me dat Afta all most Jamaican men don't known fi expressing them self and dem feelings.

"Me wish yuh did tell me all a this earlier so me know wat fi expect. It did so hard fi yuh talk to me bout it? Me dat hard fi yuh talk with?. Mi nuh like di secrets thing so all me a say is, be real with me" although me act tuff like nothing nuh bother me inside is a different story. Right now me think me believe him but at di same time me having doubts.

"Tanya. You a di one who mi love. If mi neva love yuh yuh nuh think mi would a just give up long time already. How much time yuh run mi like a dog and say yuh have yuh man already and mi still nuh give up cause a you mi love" Mi think mi start melt in a hundred pieces after him say dat. Mi start smile and mi swear mi start tun red but me still upset deep down cause di matter is dat him lie to mi.

"You love me? How di frigg yuh love me and still lie to me? Yuh don't lie to who yuh love. You don't love mi. Yuh just think yuh love mi " Mi kinda know deep down that him have some sort a feelings fi me. I don't know if a love or wah but even though him just say him love mi. Me still need to know more about how him think

"Wah di hell do yuh? By di way a who a tell yuh things bout mi? Mi need fi know what a gwan cause me nuh know weh you a come from wid all these bag a things " All now me no tell him that him woman send mi friend request on Facebook. A nuh every details me have to tell him just as how him never did a tell me things.

" nobody nah tell me nothing and me wouldn't need any one to tell me anything as long as yuh be true to me that's all I need so me asking you one last time.. You and di girl deh right now ?" If di gal wah put up pictures a di two a them on Facebook that don't bother me, if she want him back that don't even matter to me all that matters is if him want her back and if them still deh right now. That's all I want to know.

" No. Me don't deh wid her" and that's all me did want know. That answers everything.

"OK. Okay then" me just don't know what to say right now more than okay. Me really don't trust him anymore though and what is a relationship without trust?. Things like these mek me start regret me choice.

Look how me and Chris did good. Nothing like this never use to happen between we. Yes me did have me doubt about Britney but me know deep down that Chris wouldn't do anything to hurt me like that. At least me know me could a trust him but this one now, it hard fi trust someone who lie.

From start him did a lie to me and me just don't know if him worth it anymore. Yes me understand that him didn't want tell me about him obsessive gal maybe cause him never want hurt me feelings or fi whatever else reason him hide di truth fah but me don't think me can do it anymore

"so what do you mean by okay then?" Him ask after him realize dat me stop talk over di phone. Me stay silent fi a good while. A try process everything. How and when me life went from confident Tanya to confuse Tanya?

"It mean that me can't trust yuh. Me feel like me loose off a yuh. Mi think me did know yuh but yuh prove me wrong. Me just need some time  away from you. Just leave me alone Roshane" me hang up me phone and dash it down on di bed side a me.

Me fling down me self on me bed and stuff me face in a me pillow. Me feel so sad, disappointed, angry, betrayed and guilty. Guilty how me hurt Chris fi Roshane just fi get frigg over. Me feel me phone vibrate side a me which indicate say one message come in on me phone.

Me ease up Lil off a me pillow and look on the phone. One new message from

RoRo Bae. Me open di message without thinking. Me just stop Care me know a him ex or him present woman or who ever she be but me just did wah see wah she a come message me bout

Mi nuh know how me phone drop from out a me hand and me nuh know when tears start come but all me know say is dat tears start flow. What ever have I done to deserve all a dis hurt and pain?

What me see explain everything that me did wah know and it's something that me can never, ever forgive Roshane fah.

**

Hey y'all. I'm back!! I know y'all must be hating on me for taking so long to update. So..what do you think of this chapter?  Let me hear your view.
Leave your comments. Vote if you think this chapter deserve it and share if you like this story so far.