My Jamaican Love Triangle

26

**Tanya's POV**

Bleach out face, Burgundy twist braid that catch up inna bun, eyebrows shave out fine, lip look darker than di color a har face, big breast and big belly, she inna one long blue mother's dress wid one white cover up blouse over it,yep that's di description a di woman who fah man me did a keep.

She stand up a di door wid one big, black bag on har right shoulder, one a dem traveling bag deh. Rite away me know say she a come from dem yard. Maybe she did come already and look fi him den go back home guh pack wah bag fi him wid things him go need. At least she care bout him.

Mi cud a feel di stare dem pon me, me know she a look pon me fra head to toe but me keep me eyes dem pon Roshane me tek one last look pon him and did about fi walk weh wen she put down di bag she did have and say something

" a you name Tanya don't? Me read all a di text dem inna him phone and Yuh know how much time mi ask him bout yuh. Everytime him just a say you and him a just friend and unnu don't deh but mi nah go tell yuh say fi lef him but as woman to woman deh youth yah a one piece a dog.
Him nu tap follow him fren dem and a deh wid a bag a school gyal and all sort a woman. Mi go through him phone and di amount a gal him have in deh who him a chat to a nuh just we and di amount a dem who send him naked picture a no nothing normal but a just fi di sake a me son and dis one on di way why mi a stay and di fact say him owe me how much money but just know wah yah do wid him dats all mi a mek yuh know nuh mek him spoil yuh up. God know why him lay down up yah inna hospital bed but mi just wah him live so him can tek care a him Pickney dem and me nah go treat him as how him treat mi " throughout all she a say to me it's like me have to a say how or why she a be so nice to mi fi a tell me all a dat, after all me would a be one a di many woman dem dat him did a keep and cheat pon har wid so why she nah cuss mi or why she nuh sound like she hate me? Me would a hate me if mi a did she.

Look how di idiot bwoy have a good woman and a whore down di place like say him a fool. Inside me feel bad fi know say mi a one a di persons who did inna har life but me never did know. From she say all a dat to me all now me no say nothing mi a wonder if me did fi answer or just stay silent and leave but as yuh know mi nuh so silent so me decide fi say something

"First of all mi never know dat him did hav him woman mi ask him and him say him didn't, him never tell mi bout no children either " Mi tell har as me look down on har belly, she look to be around four months now "him lie bout everything and as soon as yuh message me, me and him part ways mi only come here because it's di only human thing fi do. Me nah say him deserve dis fi wah him do to me and worst you but as yuh say as woman to woman don't let no body treat you like a garbage, be with someone who respect and appreciate you " Mi look pon har as she tek in everything me say.me nuh need fi stay and have a big, long discussion bout dis nigga so as me say all a dat me tek mi final look pon di nigga who did come inna me life,twist up me head wid him lies, fool me and now lef me fi pick up di broken pieces after all a di damage dem dat him do inna me life.

Me no know if him go ever come outta coma, or if him ever go walk again or ride bike again or if me go ever see him again but one thing dat I know for sure is that Roshane Jarrett and I are officially and completely over! With that me just turn round and leave the hospital room putting everything and everyone in a that room behind a me.

**Four months later**

" Sup gorgeous. You ready?" Me look up from outta me phone screen fi see one bike rider come stop a me foot. Di way mi caught up in a mi phone mi not even did realize dat one bike stop in front a me. Him a stare down pon me like a some creep and a suck off him lips dem. First of all if a seduce him a try seduce me by doing dat, it just nah work, it just nah happen
him just plain-right look disgusting.

The first thing that come back to mind a Roshane. It all started with a conversation just like dis

"No thanks me good. Mi man a come fi me" as soon as mi say wah me have fi say mi put back mi eyes and attention back to me phone. Mi nu care wah him wah say all I know is dat me no have no time fi him. History nah repeat itself wid deh one yah. Not a baxide a that.

Chris and I are working on things, we don't fully gone back together yet cause him need time fi trust me cause me break him trust, which me understand and to how me love dis bwoy me would a do almost anything just fi him tek me back.

Gone are di days when me use to feel jealous say him a choose Britney over me. Di reality is dat a me Chris love and just fi know say him willing fi drop anybody just fi my sake more Dan show me say I'm di one for him. Yes me still have dem days deh where me feel fortunate and have to ask me self say if a really somebody like Chris mi almost loose just fi tek up somebody like Roshane. What a sorry mistake mi wudda bring down pon me self. What a way me would a deh walk round yah now wid young belly. Thank God me never easy fi lay down.

The latest me see wid Roshane is dat him second child born few days ago and a only true me fass pon him woman profile now and den mek me see. Roshane come outta hospital a month ago as AL a mek me know him also tell me more while that deh one deh a ask fi me. Me did block him and delete him number and every trace a him from outta me life. AL say him barely a move around him mostly bed ridden me tell AL dat me sorry fi know dat but that's just it me don't have any other interest in a him friend

" hey good morning " as soon as me go in a Chris car him greet me with a hug, one time we would kiss but member we taking it slow and yes me man a drive now. Upgrade it name

" so where we off to now?" Me ask cause him just did tell me fi get dress cause we a go out

"it's a surprise " dat a the only thing him tell me before him drive off. Me no question him further me just smile. Me would a go anywhere wid dis guy so anywhere him wah tek me go me no mind. Even if a to him bed. But that a fi further down.. Maybe sooner who knows.

Me wonder how I would be now if I had loose dis guy from outta me life. Me don't even wah think bout it. God work out everything In my favor and for that I'm grateful me always hear dat God work in mysterious ways but me never understand it until now. Roshane was my past and mistake but Chris is my present and my one and true love.

Nuh matter where life tek we all I know is that Christopher Keener,CK as I call him, will always be the One. Yes I choose Chris. It was always him,now and until I breath my last breath.

******
The End.

******
Sorry for keeping y'all waiting so long! I know this chapter isn't all that much either but Its time for MJLT to come to its end so here it is.

Thanks to everyone who has taken the time to read,vote and comment from chapter 1 of this book. I never thought that y'all would love this story so much I didn't expect to get much support since this book is mostly written in patois but look at where it reaches! I only write for fun it's not something I take seriously as in have hopes of being a author but thanks to you all I feel like I could actually be an author. Well it's sad to go but it's that time now.

Completed : January 9, 2019

Feel free to message me if you want I would love to get to know you all my readers. Hugs and kisses..

Sher.