Question to you: Who's your favorite Jamaican artist??
♠Tanya's POV♠
'..so as long as I live I'll love you
Will have an hold you
You look so beautiful in white 'Danae and har husband, Rudolph,did a dance to the song dat name 'Beautiful in white' dat Shayne Ward sing. A danae favourite song ,from Eva since she hear dat song she did always a say she want it fi play on har wedding day. Di day finally com now and she's finally Mrs Rudolph Clarke. Me just can't find mi self fi like di man but cause today a wah special day fi mi sista mi nah go spoil it fi har, mi a go just behave mi self.
"Com on mek wi go a di bar go get some rum cream nuh" music a play and everybody a dance an who fi a chat a chat an who fi a look man or woman a look dem one another.
Fi di whole time a me an melia deh parr as always, Di two a wi a bridesmaid so di two a we in a di same color frock and di design a di same to, a wah no top sky blue frock weh long an reach a wi ankle, di top part underneath weh we breast de have some silver diamond design , we do we makeup to so we put on blue eye shadow, mascara and red lipstick and we do up we eyebrows and both a we catch up we hair in a one and design it in a one nice big bun , we decorate round di bun with some silver beads and we have on wi silver earrings and necklace.
"Yuh nuh easy. Dem nah gi wi no liquor Tanya member say we a unda age" we did a walk go to di bar and base on how we look today me don't think nobody can look pon we an tell say we unda age me and melia look like big woman today, yeah we a happen so mi nuh know wah melia a worry bout.
"Two rum cream deh" me walk up to di bar counter and katch pon di bar stool dat de round di counter, melia siddung side a me pon one next stool.Me love rum cream bad eno, mi mada nuh really wah me drink liquor she say me brain nu fully develop yet fi it but me don't care, mi hide an drink when me ready.
Di bartender who did stand up behind di counter look pon mi and melia gud.
"How old unnu be?" Him put him two hand dem inna him pocket dem and a stare pon we. But look yah fada, before di fool throw out di liquor gi we him a look argument
"Old enough "mi stare in a him face an tell him back same time
" old enough Fi wah?" Him shot back to mi
"Any and everything " me tell him then add "so yah go gi we di thing or yuh want mek argument first?" Me stand up now cause mi bout fi get angry.
"Com on Tanya mek we just go get something fi eat" melia see say me about fi get mad now so she a try fi mek we lef
"No. Me wah something fi drink and me not leaving til me get something fi drink" meanwhile me a talk to melia me nuh break eye contact wid dis nigga. A wonda if him know who mi be?
Di wedding a keep a wah guest house so danae and har man have dem caterer, dem cater fi di food and drink so basically a mi sista food and drink dis bwoy wah come boss up
"And you can get something fi drink once yuh show mi yu ID" a wonda a weh dem get dis man fi put round dis counter, him nu know nothing bout customer service, well technically eno, him nu wrong still cause a him job fi don't serve unda age alcohol but dis a Jamaica, who cares bout wah law wah say , nobody no falla law again
YOU ARE READING
My Jamaican Love Triangle
RandomWritten in Jamaican patois (patwah) Tanya have har good man but shi find harself falling fi wah next bwoy, dis time wah bad bwoy.. Two man, one gal. But which one a di man dem shi ga choose?.