My Jamaican Love Triangle

21

For those of you who are interested in reading any of my other works feel free to visit my profile and choose which book you'll like to read, I would suggest 'painful path to love' to all who's interested. Thank you all! :)

♠♠Tanya's POV♠♠

A couldn't nobody else but di dutty gal Britney who tell Chris say me a have other man.

"A fi yuh gal tell yuh dat don't?" From day one dat gal nu stop interfere in a me life so mi nu know how me surprise fi hear Chris ask me dat question.

"This is about me and you Tanya don't bring Britney into our relationship"

"me fi don't bring Britney into our relationship? You a di one who bring Britney into our relationship if it up to me dat gyal dont know a thing bout we but yuh nuh tap tell har everything dat a happen wid we. So nu bother tell me say nuh bring Britney into nothing cause you already bring har in a every God almighty thing " me just start let it out,me start give it to him. Me tired a him and Britney. Nuh wonder me start draw weh from him in a di first place and fall fi rosh.

"Tanya please stop acting so childish  and I don't like how you're talking about Britney. You know Britney never talk bad about you before she never disrespected you so I won't tolerate you disrespecting her, she's my friend and I'm sure you have guy friends and I've never disrespected any of them "  childish? Me a act childish? We did still in a di town round a wah place weh nobody nah go hear we. A full time now fi me and Chris solve di issue dat we a have

"Chris. Listen me and listen to me good. Britney don't like me and she don't like me cause she want you. She want me come out a the picture so she can get yuh. She pretend like she like me so dat you wouldn't suspect it but behind yuh back yuh don't know how dat gal do me and then she shield har self like she innocent and when me tell yuh she mek it look like me a di one who a tell lie but yuh know what Chris.
Me can't tek it no more yuh ask if me have somebody else and mi never wah tell yuh cause me know me go hurt yuh feelings and me never ever intend fi hurt yuh feelings but me reach to di point where me feel like it mek more sense fi be with someone who nah put nobody else over mi and who believe me so if Britney a di one who yuh believe den maybe a she yuh fi be with cause di two a we done" me never know me have it in a me to say all a dat but in life me learn dat sometimes yuh have to stand up for yourself and do what will make you happy.

At one point in time Chris use to mek me happy but now things change me wish It never did change cause me really did love him but now me mind change from Chris mostly because him choose nasty gal Britney over me anybody would a feel a way if dem man have a next gal who him tek news from bout yuh.

"OK if that's what you want" and dat was it. Him walk weh left me tan up by me self in a di town..

****

Me in a me room a text me friend them and rosh but fi be honest me really feel sad. Me mood just change from di moment Chris walk weh from in front a me.

OK if that's what you want

Dat a him last words to me and seriously? Who left somebody who dem deh wid fi so long an only say it's dats what you want. Maybe me did a hope say him would a fight fi stay wid me but me nu know cause at di same time a me a di one who break up wid him a never him who left mi. God! Why me feel suh damning confused?

Yuh know how much times me go in a Chris chat name inna me whatsapp. Me a dead inside fi see one text from him and at di same time me a think say if him text me mi a go cuss out him cloth fi just walk weh from me so.

Me dash down di phone side a me and lie down on me bed wid me head pon me pillow a look up in a me house top.. Me lock me eye fi a little while an a say to me self "God... Me nuh know wah yuh have in store fi me but me a beg yuh please, please help me fi mek di right decision ".  Me open me eye and use me hand search fi me phone pon me bed side a me. Me open it and go back online in a me whatsapp.

Me: Hey.Miss you. Me send dat message to rosh cause me see say him did online. Him did text me early a ask if me alright but me never reply til now.

Rosh: I miss you more. When me can see you?. Me shake me head and smile little when me see him message. At least dis show me say him interested in spending time with me and dat is what any female would want. Same time me see chris a send me how much text one behind d other me nuh even have time fi him. Me just open d text dem and read wah dem say.

Me put dung me phone fi a while fi really think wah fi do. Wah happen to dis bwoy. After him walk outta me life just hours ago him Com a text me a bag a things like say something wrong wid him head piece. Me go on me Facebook page a scroll down me page den me check me friend request dem. Me did a go through a delete everybody who me nu know cause me nu like add strangers to me page, if a fi di sake a likes me go add who me don't know fra Adam's den me nah go get no likes on nothing wah me post cause me nah add dem.

Me stop and start look gud pan wah profile dat name RoRo Bae..me not even did a pay too much attention to di name cause di picture ketch me attention more.  Mi si somebody who look like my rosh tan up behind dis gal a hold har fra behind wid him hands dem round di gal waist. Di gal have one a har hand dem on fi him hands dem and me swear me go blank. Me can swear a di same gal me did see pon him bike back fra di time deh wen him did past me and Melia on di road wen we did a go home fra school. Di same bleach out gal who did hold on round him waist a push out har ass. And she have di mind a send me rass friend request. A wah dis.

Me wah cuss bad word me wah fling me phone in a di wall cause just fi see di picture feel like when somebody a torture somebody.

A wah di frigg a gwan yah suh? Mi dial him number same time cause me swear to God him betta have a gud explanation fi dis. Him rass try nuh frigg wid mi cause me swear say anyhow him mek me just ruin me good good relationship.

Me Temper a boil up. Same time him answer di phone...

*** To be continued ***